João 14:2 - Tradução Bíblica Pacaas Novos

² Pain xiricon Te pain pawin cain, ma' mija na oro ca to pan xi' hwe cain. Mo xi om iri'o' ne, om xi tomi' hwet xuhu' pain. Wara ara xo' tain ca to pan xi' hwe ta.

João 14:2 Iomraidhean Croise

Lucas 14:22

Mao ac ca na, o qui' ac tococwa na. Tomi' ac con na taramaxicon nucun: O qui' paxi' inonon ta. Win ne ca tomi' mapa' ne non. Ane ma' ma' wet ne ca xao pe ho' ac xine pana ca mam' cao' to wa ne non.

João 13:33

Pe ho' wijimain ca' e' xuhu' ta hwijima' ac caparut na. Pirao' xun paxi' mahu'. Om ta hwet ac mahu' pain ca mao ta' ta' quem. Win ne ca wara tomi' xo' toton oro taramaxicon nexi' pain ca judeu iri' pane. Tomi' ac i ma' inuhu' pain xocori ca' quem.

João 13:36

Tomi' querec ac con na Pedro: Main ca mao ta' ma ma' quem Taramaxicon ne ac con na. Om na ta Pedro ac ca na. Ca mao ta' ta' ca', om ca mao ac ma pain xocori ca'. Ame ma e', main maqui' tara xec nein ca hwet xim mapa'. Hwet ac mapa' tara ta non.

João 14:28

Wara taraju mahu' pain ca tomi' ca' xuhu' pane: Mao ta' paxi' ina, ane in hwet xim xuhu' ne, pe ho' ac xuhu' tara, ac i ma' na ca tomi' xuhu' pane. Mo xi om noc iri'o' mahu', tomi' querec te ac mahu' xira pain ca hwet ton ta' Te co taramaxicon hwara' opa tiquin' ca' napa'.

João 16:4

Tomi' hwet inuhu' pain ca quep xim cucuhu' ma'. Ame hwe e', aram aram maqui' iri tara xec nein ca quep em' xim cucuhu' ne, mam' pe wet ac hwein tara ca tomi' ne ca', pain ca quep em' xim nunuhu' ta xuhu' ca'. Om ca wara tomi' hwet xuhu' pain cara pane, pain ca xo' taxipa' qui' mahu' pane. Xi om ne ca pe ho' pe ho' wet ara xuhu' pane ta na ca tomi' caparut ma'.

João 17:24

Tomi' mi' inem cocon caram cwa' co mi' mapa' cwa' Te ac con na. Param inonon pain ca to ho' cacapa' pain ca pe ne quem. Ma' ta querec cacain ca hwara' opa ne pain ca awi tamana ne ca mi' mapa' ca'. Xi wara tomi' querec te ara mapa' pain ca om tomi' ma' pin querec xine macan' pane ta non.

Atos 9:16

Pijim' hwet iri tarapa' cocon oro wari' ne, mija ac ne tara ca jain jain ca pain oro carawa ca ara ton non. Tomi' hwet pan ton pain. Ac i ma' na ca tomi' xo' con Ananias Taramaxicon nexi'.

2 Coríntios 5:1

Taxi' ara xi' irin i ca' quem: Em' pin iri tara cwerexi' ca an xiho' nain caji xirim ca to ximama' e' iri' pain ca e' e' wet nexi' ca' ne, cono' pin iri xi' ne, mi' ac capari' tara pain xocori cwerexi' Iri' Jam quem. Ac iri' xirim tara xocori cwerexi' pain pawin cain. Om ta quep cain wari', wirico Iri' Jam tara co quep pan tain nain. To wet cara tara quem, om ta pi' ra ha' ne ta.

1 Tessalonicenses 5:9

Xi mana' capari' Iri' Jam ta. Om ca mama' jein xe capari' pain ca xo' howa xine capari' pane, om na. To' witan xuhu', xi om ne ca howa ara hun Panxita' pain ca mi' pin caho' cuhu' ta napari' con Taramaxicon nexi' Jeju Cristo.

Tito 1:2

Ma' ta om tara pum ta'a camain' cacapa' pain ca mi' ton toton pain ca e' cara wa ta napa' cocon. Wara tomi' pe mi' napari' pain ca e' cara wa Iri' Jam. Pain ca om tom ma' querec cain macan' pane, wara tomi' pe mi' napari' pain. Om ca tomi' mixein camain' capari' ta.

Hebreus 11:10

Abraão ma', tatirim pe cara nain macan' ca wara tomi' pe mi' con Iri' Jam ma', xi om ne ca winim' ara cain xec nein ca pe tain cain iri' macaracon Iri' Jam ca pe pawin cain, ca xat pe nein iri' pacun ca to' teren nain cain. Wirico Iri' Jam co coromicat an pe xo' nain macaracon cain, wirico co quep nain quem.

Hebreus 13:14

Xi ma' capari' ca to xo' cara iri' pain macan' ta. Winim' e' irin iri' macaraxi' pain pawin cain. Main maqui' tara ta, ame hwe e'.

Hebreus 9:8

Ac i ma' na ca taramaja caca oro sacerdote pain cara pane, pain ca taramaja to cacain xiricon Iri' Jam ca pe nain macan' pane. Je ca mam' to' querec pin' capari' Tamataracon Iri' Jam pain i ca' quem. Tomi' xo' ca' napari': Pain ca taramaja to taramaja to wet cacain Maxinain Caramaxicon Iri' Jam ma', ca pe in qui' ma', om ca pa querec ne wanaji Iri' Maxicon cain.

Apocalipse 1:5

Param inon Jeju Cristo pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Wirico Jeju co tama' tomi' iri'o' ma', co to' e' mami' cain' ca Iri' Jam pane, co iri' Taramaxicon co hwara' opa tiquin' ca' nonon oro taramaxicon co taramaxicon to nanain oro xijein macan' ca'. Wirico Jeju Cristo co om noc napari' ta. To' witan ca' napari' pain ca caracat nexi' ca'. Mam' to' witan napari' pain quicon.

Apocalipse 21:2

Querec ac tain na cidade nucun Iri' Jam ma', Xocori Jerusalém ma'. Quiji' qui' nain ca pe pan ca pain pawin cain. Awi tamana na, an xiho' nam narima' co ara awi pan xequem con wom co awi ma', pain ca winim' con taxicam co an tam nam ma'.

Apocalipse 3:12

Oro wari' co hwara' opa cara nana pain ca howa nucucun ma', to' hwara' opa ac toton tara, quep ac xipain xirim pin toton, pain xiricon Iri' Jam ne cwa', coco' to cara ac cacain tara, om ta hwerehwet ca' camain' cacain. Xirao' toton pain wixicon Iri' Jam co taramaja mi' ta' cwa', xirao' toton pain wixinain cidade nucun quem, je wixinain Xocori Jerusalém ca quiji' qui' nain ca pe pan ca pain pawin cain quem. Xirao' toton pain xocori wuxu ca' quem.

Apocalipse 3:21

Oro wari' co hwara' opa cara nana pain ca howa nucucun ma', mi' ac toton tara pain ca xao to ho' cacapa' pain ca mam' xao pe ne pain ca taramaxicon pin ta' ta' ca'. Taramaxicon wi ac cacapa' tara. Win ta' pain xocori ca', pain ca to' quiji' pin ton Caxicon Jam pane, je pain ca xao pe ho' pin ton Te pain ca mam' xao pe nucun pain ca taramaxicon nucun quem.