João 14:1 - Tradução Bíblica Pacaas Novos

¹ Ta toron ne xumuhu' me ac caparut na. Howa jun Iri' Jam, howa xine quem.

João 14:1 Iomraidhean Croise

João 11:33

Querec iri nam Maria pain ca aca cama ne. Querec iri nonon pain ca awaran caca oro wari' co ja' ja' nanam ma' ne. Xiram pa' tamana ac cacam na. Mija na ca jain jain ca cacam.

João 12:27

Toron tamana napa' xumu pain xocori ca' ac tococwa na. Cain' cain' xiton Te quem? Tomi' ca' xiton ra? Nain ho' ne pain ca jain jain ta' ne ca', pain ca to' i'ina xim capa' carawa ca maqui' pa' xim napa' ca' Te, ca' xiton ra? Om ca na ne pain ca tomi' ac i ma' ton ta. Xi jain jain ta' ara ta' pane ta. To' i'ina tarapa' carawa ca maqui' pa' xim napa'. Je ca maqui' tain macan' ca' na ca tomi' tococwa ma'.

João 12:44

Merem ac ca na Jeju, merem mip na: Wari' co howa napa' ma', om ca howa e' capa'. Howa non Te co hwet roron oro wari' ta napa' quem.

João 13:19

Wara tomi' hwet inuhu' pain ca noc pin xim capa' ma', pain ca om noc querec capa' ma'. Ma' ta howa mahu' inuhu'. Noc pin iri tarapa' ne, howa ac mahu' tara pain ca wara tomi' hwet xuhu' ca', pain ca wata' ne co taramaxicon co wara tomi' pe ca Te Iri' Jam xuhu' ca'.

João 16:24

Om ca an hwet mi' querec hun pain wuxu pain ca mi' xut hun pain ca param nuhu' ma'. Pain xocori ca' iri na ne, tomi' jun. Mi' xut pain ca param nuxut ca' jun. Mi' ac cuhu' pain tara. Ma' ta tomi' querec te tamana hwe ta turuhu' ta na ca tomi' caparut ma'.

João 16:3

Ara ac i ma' tuturuhu', xi querec pin' cocon Te Iri' Jam ta. Om ca querec pin' cacapa' quem.

João 16:6

Tomi' xaxa' tamana e' hwe, xi om ne ca mao ta' ina ta ara xuhu' ta.

João 5:23

Ma' ta in ac in ac pi' pin quequem oro wari' ta arain napa'. Win ne ca in ac cacapa' ca' napa'. Oro wari' co om in ac nanapa' pain ca Panxica Iri' Jam ta' ca', om ca in ac cocon Te co hwet roron oro wari' ta napa' quem.

João 6:40

Je ara xi' na ca param pan ca Te ma': Oro wari' co querec pin' nanapa' pain ca panxita' capa' ca', oro wari' co howa nanapa' cwa' quem, param tata pain ca e' cara caca pain pawin. Maqui' pin iri tara xec nein ca pi' pin ta' ne macan' ca' ne, to' e' mami' ac toton tara quem na ca tomi' tococwa ma'.

2 Coríntios 2:7

Je ca tomi' xuhu' ca'. Na e' na pain ca mana' mana' om pin hun pain ca caracat nucun pain xocori ca'. To' hwara' opa pin jun pain ximicon. Ma' ta om naro pin ca pain ca tomi' xaxa' tamana nucun. Ma' ta om tomi' xaxa' tomi' xaxa' an pe pin ton Iri' Jam ta ca ma' quem.

Efésios 1:15

Je ca tomi' xuhu' ca'. Taraju iri inuhu' pain ca howa hun Taramaxicon nexi' Jeju ne. Taraju iri inuhu' pain ca tomi' querec te tomi' querec te pi' pin huhun oro wari' nucun Iri' Jam ne.

2 Tessalonicenses 2:2

Mo ta tomi' mixein ca' cuhu' wari' ma': Wara maqui' pin na xec nein ca in qui' nucun Taramaxicon nexi' ta tara. Am tomi' ca' cuhu': Om na, je ca tomi' ca Paulo pane. Tomi' xo' napa' pain Tamataracon Iri' Jam pane ta na, taraju inon ta. Tomi' hwet taxipa' nain pain oro ca pijim' nucun. Xirao' ac i ma' na pain oro ca xirao' nucun quem. Mo ta tomi' mixein ac i ma' cuhu' ma', coromicat xo' je ta. Om ca na ne pain ca toron hap ne xumuhu' con. Om ca na ne pain ca jin' hwe ma' quem.

1Pedro 1:21

Je ca howa pin hun Iri' Jam ma', xi om ca Cristo co to' e' mami' ca pane, co to' hwara' opa ca pain ca mi' con pain ca in ac in ac pi' pin cocon oro wari' quem. Je ca howa hun Iri' Jam ma'. Howa hun pain ca winim' hun ma', pain ca mi' xim cuhu' pain oro ca wara tomi' pe mi' cuhu' ma'.