João 13:9 - Tradução Bíblica Pacaas Novos

⁹ Na ra ac ca na. Ta hohoc e' main caxima me ta Taramaxicon ne. Hohoc rain mu je wina ca' quem ac con na.

João 13:9 Iomraidhean Croise

Mateus 27:24

Querec pin' ac tococwa na oro wari' pain ca om ha' je na caca ma'. Querec pin' tata pain ca teretem pin xi' caca quem. Je ca tomi' con wari' nucun ma': Cam mi' ne pain com pain wijimain bacia ma'. Hohoc tain mu ta na. Querec querec xam' ac cocon na oro wari' pain ca hohoc cain micon. Tomi' ac tococwa na: Querec mahu' pain ca hohoc tain mu ca'. Je ca an hwet mi' xuhu' pain ca om hohot capa' pain ca to' pa' pin ron ta mahu' con co cwa' na ca tomi' tococwa ma'. Om ca wata' ne co em' cwa', xi param tain ca to' pa' pin tocwa ta. Wahu' co em' pan nana cwa' ira na ca tomi' tococwa ma'.

João 13:10

Om na, wari' co wara ja' com ma', om pin na homiricon. Na e' na pain ca hohoc e' xine caximacon ta ac con na. Awi paxi' hwe, om pin paxi' na homuruhu' pain xumuhu' ma'. Ane ma' xica' pe cuhu' co homuru cara pain ximicon ma' ne ac caparut na.

João 13:8

Om na ta, om ca na camain' ne pain ca hohoc main caxima ta ac ca na Pedro. Om na ta Pedro ac con na. Mo ta om hohoc tain pum, om ca taxipa' ac mapa' ta non.

Hebreus 10:22

Je ca tomi' ca' xuhu' ca': Mam' wixicam pin xun Iri' Jam pain ca win xumu iri'o' xun, je pain ca howa mip xun ca'. Om ta tara con ta'a camain' xun pain ca xic am pin capari' pain ca caracat nexi' ta. Ac ca cam huco' mi' capari' na pain quicon Jeju pain ca coromicat pan teretem nexi' ca', ac ca hohoc xo' capari' na pain com ca awi tamana pain cwerexi' quem.

1Pedro 3:21

Com ca to' witan nanam pane, tomi' joc mam' mi' nain com ca ja' iri' pain ca howa nexi' pain xocori ca' quem. Ja' iri irin com ne, om ca hohoc xin homirixi', om na. An hwet e' irin ca wara tomi' xun Iri' Jam pain ca hohoc pin rain ca caracat ne pain xumu me xun ca'. To' witan pin napari', xi om ne ca to' e' mami' ara con Jeju Cristo ta.