João 13:3 - Tradução Bíblica Pacaas Novos

³ Ane wara tomi' con Jeju Cote ca ne: Wum co iri' Taramaxicon. Taramaxicon pe ho' rain oro carawa cocon oro wari' quem ta non. Taxi' nain i ma' Jeju quem. Taxi' xucun pain ca maqui' con Iri' Jam, taxi' xucun pain ca in hwet ton con quem.

João 13:3 Iomraidhean Croise

Mateus 11:27

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.

Mateus 28:18

Xut hwet ac caparut na, tomi' ac caparut na: Mi' napa' pain ca taramaxicon wa Te Iri' Jam. Taramaxicon pe pi' pin rain pawin je macan' ta napa'.

Lucas 10:22

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.

João 1:18

Om na wari' co querec non Iri' Jam. Om ca querec camain' tocwa. Xica' pe na iri' Panxica co an hwet mi' napari' con Cote ca. Xi jao jao ma' ara con ta. Iri' Jam pan na ta.

João 13:1

Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Taxi' pin xucun Jeju pain ca maqui' pin ne xec nein ca paca' pin tain cain macan' ca', pain ca in hwet ton con Cote ca. Jeju ma', om ca noc camain' caparut pain ca wari' ne caparut pain macan' ca', je curucun mao na. Je ca an hwet mi' ho' xuhu' pain ca om noc camain' xuhu' ca' naparut.

João 17:2

Xi mi' ara mapa' pain ca taramaxicon pe ho' toton oro wari' ta. Ma' ta mi' momon pain ca e' cara to ho' quequem oro wari' co mi' xim cwa' mapa' pane.

João 3:13

Om ca ma' camain' ca xucun wari' co piri' mao nain pawin ta ac con na. Xica' pe ina pain ca Iri' Wari' ta' ca', xica' pe ina pain ca piri' mao tain pawin cain. Xi quiji' qui' ara tain i cain ta non.

João 3:35

Iri' Jam ma', om ca noc con Panxica. Wum co iri' Taramaxicon ta non. Taramaxicon pe ho' rain oro carawa cocon oro wari' quem ta non.

João 7:29

Ane querec pin' pan ton ne. Xi maqui' ara ton ta. Wirico co hwet roron ta napa' pahu' na ca tomi' tococwa ma'.

João 7:33

Tomi' ac ca na Jeju: Pe ho' wijimain ca' xuhu', in hwet ac ton tara Iri' Jam co hwet roron oro wari' ta napa' pane.

João 8:14

Wata' paxi' na co tomi' hwet nuhu' pata' ac tococwa na. Ane iri'o' ne ca tomi' hwet xuhu' ne. Xi taxi' pan ara xije pain ca maqui' tain pawin ta. Taxi' xije pain ca in mao tain ta' quem. Wahu' iri na ne, om ca taxi' mahu' pain ca maqui' ne. Om ca taxi' mahu' pain ca mao ta' ta' quem.

João 8:42

Mo xi te iri'o' hun Iri' Jam ma', om ac ne xira ca noc mahu' ta ac tococwa na. Xi maqui' ara ton Iri' Jam ta. Je ca pe ho' xuhu' ca'. Om ca maqui' ta' pain ca param pan ne. Wirico Te co hwet roron ta napa' pahu'.

Atos 2:36

Je ca tomi' xuhu' ca' oro win ma' ne ac tococwa na. Wahu', oro win ma' iri' pain ca wari' nein Israel iri' ma' quem, taraju pa' jein i ca' con Jeju cara pane, co tatatain mi' hwe pain pana pane: To' taramaxicon pin non Jeju Iri' Jam ta. Wum co Cristo ma', co wara tomi' pe ta' pane. Taramaxicon pe ho' roron oro wari' ta non pari'. Ac i ma' na ca tomi' cocon oro wari' Pedro ma'.

1 Coríntios 15:27

Je ca xirao' pe xine pain capijacon Iri' Jam ca': Wirico Iri' Jam co mi' non pain ca taramaxicon wa Cristo, mi' non pain ca taramaxicon pe ho' taramaxicon pe ho' pi' pin cocon oro wari', wiricoco oro jam, wiricoco oro taramaxicon, je oro carawa jimao ta na ca xirao' pe xine con. Pain ca tomi' cain i ma' Iri' Jam ma', om ca tomi' pan xucun, om na. Xi taramaxicon pe ho' con Iri' Jam Cristo ta. Wirico Iri' Jam pan ara xi' na co mi' nain ca taramaxicon wa. Mi' non pain Panxica ta.

Hebreus 1:2

Pain xocori ca' iri na ne, pain ca tomi' xim capari' ca', wirico Panxica co tomi' hwet roron pain capija ta ca quem. Wirico Panxica co tora' ca pain ca mene rain oro carawa ta con pane quem. Wirico Panxica co win mu ca pain ca to' ma' qui' cain macan' je pawin, je oro caramajinain ca' quem.