João 13:2 - Tradução Bíblica Pacaas Novos

² Irawin cao' ac urut na. Judas ma', panxica Simão Iscariotes ma', wara coromicat ca' na quem: Quep xiho' toton oro taramaxicon pain ca quep xun cocon Jeju ta na. Tomi' mi' toton con ta na. Wirico Caxicon Jam co mi' non pain ca coromicat ac i ma' nucun.

João 13:2 Iomraidhean Croise

Mateus 10:4

Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'. Ma' ac ca na Judas Iscariotes ma' quem. Wirico Judas Iscariotes co quep xiho' nonon oro taramaxicon pain ca quep xun cocon Jeju ma', ame hwe e'. Ac i ma' urut pain ca taxipa' urut con Jeju pane, pain ca apóstolo je caparut pane.

Lucas 22:3

Corom hwet ac con na Judas Caxicon Jam. Iscariotes na xijein wixicon Judas. To' 12 nonon co taxipa' ca Jeju ma'.

Lucas 22:31

Simão Simão, taraju wet ne e' ac ca na Jeju. Param nuhu' Caxicon Jam. To' i'ina xuhu', am ja' camara' xuhu' ta nuhu'. Tomi' non Te Iri' Jam quem, ta narain ho' mapa' cocon me ta non pahu'.

João 13:11

Ma' xica' pe nuhu' co homuru cara ta naparut Jeju. Xi om ne ca taxi' ara con win ma' nuxut co quep xiho' toton nonon oro taramaxicon pain ca quep xun cocon ma'.

João 13:4

Je ca tequi' pe ca ma'. Hot ac con na iri' curucun womicon, an ac con na toalha, tucu pan ac xucun na pain ximijacon.

Atos 5:3

Tomi' querec pan ac con na Pedro: Para om ari mon Caxicon Jam pain ca quep mip xim quem ma', pain ca mixein rain Tamataracon Iri' Jam quem ma' Ananias? Xi pe ho' cara ara quem tamain dinheiro ca cut ma pain macaram ta.

2 Coríntios 8:16

Tomi' querec te tamana inon Iri' Jam pain ca meo cain ximicon Tito cwa', pain ca to' jain jain con pain ca xiram pa' xim cuhu' ca'. An xiho' napa' pain ca jain jain xuhu' pain ca xiram pa' xuhu' ca' quem.

Efésios 2:3

Je cwerexi' pane quem. Ac i ma' ac i ma' pi' pin iri' pane ira. Ara e' irin ca param ne cwerexi'. Tomi' ha' e' irin ca param pan teretem ne cwerexi' pain ca coromicat pan teretem nexi'. Wap xim napari' Iri' Jam pane quem. Win ne ca wap wap pi' pin tococwa oro wari' co pan teretem nana ma'.

Apocalipse 17:17

Wirico Iri' Jam ara xi' na co an pe mi' nonon pain ximicocon pain ca ara xin cacain ca param pan nucun. Wirico Iri' Jam pan co mi' nonon pain ca tomi' xo' xucucun ma', pain ca mi' xun pain ca hwara' opa nexi' pain ca taramaxicon iri' ca' cocon co ma' co ac caji carawa co hwet qui' cain' ma', pain ca taramaxicon pan ra ta cocon ma'. Taramaxicon ac ca tara, taramaxicon taramaxicon maqui' pa' ac con tara xec nein ca ara ara pi' pin tain cain oro ca wara tomi' pe pan nucun Iri' Jam. Taramaxicon taramaxicon om pin ac ca tara ta.