João 13:16 - Tradução Bíblica Pacaas Novos

¹⁶ Je ca tomi' xuhu' ca', tomi' iri'o' inuhu': Om ca hwara' opa tiquin' ca' mahu' pain ca taramaja mi' mahu' ma'. Win ca wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun. Win ca wari' co an xin tiquin' nain ca tomi' nucun wari' co tomi' hwet rain ta non ma' quem, om ca hwara' opa tiquin' ca' con co tomi' hwet rain ta non quem.

João 13:16 Iomraidhean Croise

Lucas 6:40

Noro jun wari' co ca' na wa pain oro ca taxi' wa ma' quem. Om ca taxi' tiquin' ca' con co ca' na pan non ma'. Mo ta taxi' taxi' pi' pin cain oro ca ca' na tocwa ma', an xiho' ac con tara co ca' na pan non ma', ac i ma' na ca pijim' tococwa ma'.

João 15:20

Mam' pe wet jein ca tomi' xuhu' pane: Wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun, ac i ma' na ca tomi' xuhu' pane. Je ca tomi' xuhu' ca': Carawa ca ara mi' cacapa' oro wari' ma', je ta ara mi' cucuhu' quem. Ja' tequi' quep em' nanapa' oro wari' co noc nanapa' ma', ja' tequi' quep em' ac cucuhu' tara quem. Ma' nana co tomi' ha' nanapa' pain ca tomi' xo' toton pain capija ca', ma' ac caca tara co tomi' ha' nunuhu' pain ca tomi' xo' huhun pain quem.

João 3:3

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

João 3:5

Om na ta Nicodemos ac con na. Wari' co om mam' pan' qui' nain com je Tamataracon Iri' Jam ma', om ta hwet ac con pain ca taramaxicon pe ca pain pawin. Tomi' iri'o' inem ta.

2 Coríntios 8:23

Win ma' ne inon Tito cwa' quem, taramaja wi urut pain ca quep xiho' xim urut pahu'. Xerexi' co ja' ja' xun nonon cwa' quem, wiricoco nana co tora' caca oro co cut in xucucun pain ca howa cocon Jeju ma' quem. Ja' ja' jun Tito ta tata, ac ca ja' ja' pan urut con tara pain ca ja' ja' hun ma' tata. An hwet pe nanain ca awi nucun Cristo pain ca xuruxut xo' nucucun quem.

Filipenses 2:25

Coromicat ca' ina con coxari' Epafrodito cwa', co quep xiho' napa' pahu'. Taramaja wi napa', ari wi urut cocon oro wari' co noc nonon Cristo cwa'. Wara mam' paxi' mahu' con pane. Hwet ron, quep xiho' ron ta hun pain cara pane. Quep xiho' paxi' napa' pain oro ca to' i'ina napa' ca' quem. Ane na e' ne pain ca in hwet roron oro win ma' nem ta ton pahu' ne.