João 13:1 - Tradução Bíblica Pacaas Novos

¹ Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Taxi' pin xucun Jeju pain ca maqui' pin ne xec nein ca paca' pin tain cain macan' ca', pain ca in hwet ton con Cote ca. Jeju ma', om ca noc camain' caparut pain ca wari' ne caparut pain macan' ca', je curucun mao na. Je ca an hwet mi' ho' xuhu' pain ca om noc camain' xuhu' ca' naparut.

João 13:1 Iomraidhean Croise

Mateus 26:45

In hwet ac tococwa na co taxipa' ca ma'. Tomi' ac tococwa na: Pi'am pi'am wet hwe ra? Xao to wa xao to wa wet hwein xumuhu' ra tata. Maqui' pin nana co quep xim nanapa' cwa'. Wata' pain ca Iri' Wari' ta' ca', quep ho' xim nanapa'. Maqui' pin na co tomi' mi' xim napa' cocon oro caracat ta.

Mateus 28:20

Ca' na jujun pain oro capija ca tomi' xuhu' pane quem, ma' ta tomi' ha' tomi' ha' xam' cacain ta. Mam' pe wet jein i ca' quem: Pe ho' cara xuhu'. Pi' pin pa' ma' tarapa' macan' ca' pahu', om ta an to camain' xuhu'. Ac i ma' na ca tomi' caparut pain ca taxipa' urut con ca'. Je i ma'.

Lucas 22:53

Wara pe ho' paxi' inuhu' pain oro xijein xec pane, pain cote ne xiricon Iri' Jam pane. Je xi quep qui' mahu' pain i cain pane? Je i ma' pahu' ta ac tococwa na. Maqui' pin na iri' hora nuhu' ma', pain ca ara xim mahu' pain ca param nuhu' ma'. Maqui' pin na iri' hora nucun Caxicon Jam co taramaxicon pe ho' nonon oro caracat ta na ca tomi' tococwa ma'.

Lucas 9:51

Wixicam pin iri na oro xec nein ca in mao tain cain pawin Jeju ne, tomi' pan ac ca na: Maji ta. Na e' na pain ca mao tain Jerusalém ta na, mama' ac caca na.

João 11:55

Om ca pira mami' ne xec nein Páscoa, je i ma' xec nein ca tomi' querec te wi urut pain ca judeu urut ca'. Mija nana oro win judeu urut co wara mama' nanain Jerusalém. Ma' ta hohoc xo' mam' xijexi' ta nana.

João 12:23

Tomi' xo' ac tococwa na: Maqui' pin ta' iri napa' xec nein ca mi' pin ta' ne ca'. An hwet mi' ac cuhu' tara pain ca hwara' opa ne Te Iri' Jam. An hwet mi' turuhu' pain ca hwara' opa ne ca', pain ca Iri' Wari' ta' ca'.

João 13:29

Ma' nana oro win ma' nuxut co coromicat ca' nana: Om na, mo cut rain carawa nein ca tomi' querec te nexi' ta non. Tara, am mi' roron pain carawa co om nonon carawa con, je tara con, ac i ma' na ca coromicat nucucun. Xi wirico ara ca Judas co querec wet nain dinheiro nuxut ca mi' urut cocon oro wari' co xiram pa' urut ta.

João 13:3

Ane wara tomi' con Jeju Cote ca ne: Wum co iri' Taramaxicon. Taramaxicon pe ho' rain oro carawa cocon oro wari' quem ta non. Taxi' nain i ma' Jeju quem. Taxi' xucun pain ca maqui' con Iri' Jam, taxi' xucun pain ca in hwet ton con quem.

João 13:34

Je i ca' xocori ca tomi' ne ca tomi' ha' je xuhu' ca' ac caparut na. Ta noc camain' xujuhu' me ta. Win ne ca om noc camain' xuhu' ca', ac i ma' tara ca om noc camain' xujuhu' quem.

João 14:28

Wara taraju mahu' pain ca tomi' ca' xuhu' pane: Mao ta' paxi' ina, ane in hwet xim xuhu' ne, pe ho' ac xuhu' tara, ac i ma' na ca tomi' xuhu' pane. Mo xi om noc iri'o' mahu', tomi' querec te ac mahu' xira pain ca hwet ton ta' Te co taramaxicon hwara' opa tiquin' ca' napa'.

João 14:31

Ane na e' ne pain ca tomi' ha' tomi' ha' pi' pin tain oro ca ara ra capa' Te ne, pain ca mi' pin ra capa' ca'. Mi' pin ta' pan ina pain ca tomi' ha' ton ca'. Om ca nain ho' xije. Ma' ta taxi' cacapa' oro wari' pain ca om noc ton ca' naparut. Tequi' to je e'. Maji mama' xi' ta ac caparut na.

João 16:28

Maqui' inon Te pain ca maqui' tain macan' pane. Paca' ho' tain ina quem. In hwet ac ton tara Te na ca tomi' caparut ma'.

João 17:1

Tomi' tomi' pi' pin iri naparut pain ca tomi' nucun ma' ne, noro pawin ac ca na, tomi' ac con na Cote ca. Te ac con na. Maqui' pin napa' xec nein ca mi' pin ta' ne ta. An hwet pe rain ca hwara' opa ne pain ca awi tamana ne pain ca Panxita' mapa' ca'. Ma' ta an hwet pe tain ca hwara' opa nem pain ca awi tamana nem quem.

João 17:16

Om ca win ma' ne cocon oro wari' co om howa nanapa'. Win ta' ca', pain ca om win ma' ne toton ca' quem.

João 17:26

Wara to' querec pin' inonon pain ca hwara' opa nem pain ca Iri' Jam nem. To' querec pin' cara toton pum quem. Ma' ta win cwere toton. Ma' ta om noc xucucun. Win ne ca om noc mapa' ma' quem. Ac i ma' na ca tomi' con Cote ca pain ca tomi' mi' caparut con pane.

João 17:5

In hwet ho' xim inem ta Te ac con na. In hwet iri xim ne, an hwet pe mami' ac main tara ca awi tamana ne pain ca Iri' Jam ne ca wara ma' napa' pain ca pe ho' pe ho' wet xim pain cara pane, pain ca om ma' querec ne macan' pane non.

João 18:4

Jeju ma', taxi' nain oro carawa ca ara ton non. Je ca xut hwet tococwa ma'. Tomi' querec ac tococwa na: Ma' co pirao' hwe quem tata.

João 19:28

Taxi' pin ac xucun na Jeju pain ca ara awori pi' pin cain ca ara ra con Cote ca pane. Ma' xica' pe na ca xirao' pe xine capijacon Iri' Jam ca om hwet querec con. Je ca tomi' ca' ca: Toc xita' com na ina me na.

João 2:13

Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Je ca mama' xin Jerusalém ta caparut Jeju ma', mama' ac urut na.

João 6:4

Wixicam pin na xec nein Páscoa ma', je i ma' xec nein ca tomi' querec te wi urut pain ca judeu urut ca'.

João 7:30

Quep xun paxi' nonon Jeju quem, ane om quep ac cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ma'.

João 7:6

Tomi' ac tococwa na: Om ca maqui' querec capa' xec nein ca mao tain cain ta'. Wahu' iri na ne, hohot nuhu' oro xec pain ca mama' xin cain hwe.

João 8:20

Je ca tomi' ca Jeju pain ca pijim' pe cain ca tao' caho' nein cote ne xiricon Iri' Jam pane. Pijim' pe ja' pan nain pana ca to ne dinheiro ca mi' cocon Iri' Jam oro wari' ma'. Na paxi' xiroron pain ca quep pe cocon pain i ma', ane om quep cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ta.

Romanos 8:37

Ac je paxi' napari' oro carawa ca to' ara pin napari' ca', ane om to' quiji' pin capari' ne. Hwara' opa cara iri'. Wirico Cristo ma', co om noc napari' ma', wirico co to' hwara' opa napari'.

1 Coríntios 1:8

Wirico Iri' Jam co to' hwara' opa cara nuhu' pain ca howa nuhu' ma'. Wara to' hwara' opa nuhu' pane, mao ac ne ma' tara pahu'. To' hwara' opa to' hwara' opa maqui' pa' ac cuhu' tara Taramaxicon nexi' Jeju Cristo pain xec nein ca in qui' ta' nucun. Ma' ta om coromicat mi' xihwe pain ca pan teretem wa ta nuhu'.

Hebreus 3:14

Mo ta howa cara xun Cristo cwa', win ne ca howa mip urun pain ca xo' howa qui' urun pain cara pane. Mo ta cono' pa' ma' xin ca howa nexi' ca' ne iri' quem, iri' win ma' ne pin ac xun na, iri' win ma' ne pin ac capari' na quem.

Hebreus 3:6

Cristo cwa' iri na ne, co taramaja xo' taxipa' ma', querec wet xo' nain xiricon Cote ca, xi om ne ca iri' panxica ara ca ta. Xiricon Iri' Jam iri' quem. Je ca tomi' xuhu' ca'. Mo ta howa cara urun pain ca winim' xin oro carawa ca mi' xim capari' Iri' Jam cwa', xiricon ac iri' na ta.

Hebreus 6:11

Param param xam' inuhu' pain ca quep xiho' quep xiho' tiquin' huhun quem. Jain jain jujun pain. Quep xiho' quep xiho' maqui' pa' ac cuhu' tara Jeju. Ma' ta om i'ina ne xumuhu' pain ca winim' xin hwein oro ca param mi' cuhu' Iri' Jam ta urut pahu'.

1Pedro 1:13

Je ca tomi' xuhu' ca'. Coromicat xo' je. Wara awori xo' je pain ca ara xin hwein ca param nucun Iri' Jam. Ma' tara xumuhu'. Howa mip jun Iri' Jam pain ca xiram pa' xim cuhu' ma', pain ca to' witan e' xim cuhu' pain ca in qui' ta' nucun Jeju Cristo ta.

1João 4:19

Om ca noc xun Iri' Jam, om ca noc xijexi' quem, xi om ne ca wirico pan ara ca co om noc cain' napari' ta.

Apocalipse 1:5

Param inon Jeju Cristo pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Wirico Jeju co tama' tomi' iri'o' ma', co to' e' mami' cain' ca Iri' Jam pane, co iri' Taramaxicon co hwara' opa tiquin' ca' nonon oro taramaxicon co taramaxicon to nanain oro xijein macan' ca'. Wirico Jeju Cristo co om noc napari' ta. To' witan ca' napari' pain ca caracat nexi' ca'. Mam' to' witan napari' pain quicon.