João 12:6 - Tradução Bíblica Pacaas Novos

⁶ Om paxi' na ca xiram pa' cocon co om nonon carawa Judas ma'. Tomi' ac i ma' e' na, xi om ne ca an noc xa taxipa' ara ca ta. Wirico ara xi' na co querec wet nain dinheiro nuxut, an noc xa wijimain an noc xa wijimain ac cain na quem.

João 12:6 Iomraidhean Croise

Mateus 21:13

Tomi' carapita ac tococwa na. Ca' na ca xirao' pe xine ca tomi' nucun Iri' Jam pain capijacon ta: Cote ne xuru ca', je tara ca tomi' to cacapa' oro wari' cwa' ta na ca xirao' pe nein con. Wahu' iri na ne, ara em' pin hwein. Ara xiricocon oro wari' co an noc xa taxipa' nanain carawa pin hwein ta na ca tomi' carapita tococwa ma'.

Lucas 8:3

Ma' na Joana ma', manacon Cuza ma', co querec wet taxipa' nain caramaxicon taramaxicon Herodes pain xiricon. Ma' na Susana, ma' mija nana xequequem narima' co ja' ja' nonon Jeju quem. Xiram pa' nonon pane, mi' mi' nonon pain oro carawa pane.

João 10:13

Mo mao na co ma' co taramaja mi' e' nain dinheiro. Xi win xumu cain ovelha ta. Ac i ma' nana co pijim' ni ca' nanain capijacon Iri' Jam quem. Om ca win xumu cocon oro wari' nucun Iri' Jam.

João 12:5

Je xi vender xine caji towaxi' ca' ac ca na. Cut 300 ac xine xira denário nein, mi' tiquin' ac tococwa xira pain oro wari' co om nonon carawa na ca tomi' nucun.

João 13:29

Ma' nana oro win ma' nuxut co coromicat ca' nana: Om na, mo cut rain carawa nein ca tomi' querec te nexi' ta non. Tara, am mi' roron pain carawa co om nonon carawa con, je tara con, ac i ma' na ca coromicat nucucun. Xi wirico ara ca Judas co querec wet nain dinheiro nuxut ca mi' urut cocon oro wari' co xiram pa' urut ta.

1 Coríntios 6:10

oro wari' co cut noc xa nanain carawa ma', oro wari' co narain ho' xucucun pain carawa pain ca param ximama' nucucun ma', oro wari' co tama' toc tamanain to nanain caji tocwa ca mana' ma', oro wari' co tomi' ximama' nonon oro win ma' caca ma', oro wari' co quep em' nonon waximain carawa pain ca cut noc xa ca' cocon pain, om ta to ho' cocon Iri' Jam pain ca taramaxicon pe nucun ta.

Gálatas 2:10

Xica' pe na i ca', pain ca hu cacaparut: Ta ji'am pin huhun co om nonon carawa me ta nanaparut. Wara coromicat ac i ma' ina quem, wara quep xiho' tamana inonon co om nonon carawa.

1 Tessalonicenses 5:22

Tomi' in pin tomi' in pin pi' pin jein oro ca pijim' wa ca pan tem ma', ca om maqui' non Iri' Jam ma'. Miri'om jein ta.

Tiago 2:2

Tomi' xun wari' co corom hwet nuhu' pain ca cut in xujuhu' ma', pain ca howa hun Taramaxicon nexi' ma'. Am corom hwet cuhu' wari' co caramaju ma', co to nain micon oro anel ca mam' quep xine pain ouro ma'. Awi tamana na womicon quem. Corom ac ca na xucun wari' co iri' co ximin ma'.

Tiago 2:6

Je ca tomi' xuhu' ca'. Tora' paxi' nonon co ximin nana Iri' Jam ma', ane noc pan huhun ne. Para tomi' querec te e' huhun co caramaju nana ma' quem? Om ca wiricoco caca co to' i'ina nunuhu' pain ca quep em' cucuhu' ra? Om ca wiricoco caca co o mi' nunuhu' cocon oro juiz ra?