João 12:4 - Tradução Bíblica Pacaas Novos

⁴ Waraju a xirain caji towaxi' ta ac ca na win ma' nuxut Judas Iscariotes ma', co quep xiho' ton nonon oro taramaxicon pain ca quep xun cocon Jeju ma'.

João 12:4 Iomraidhean Croise

Mateus 10:4

Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'. Ma' ac ca na Judas Iscariotes ma' quem. Wirico Judas Iscariotes co quep xiho' nonon oro taramaxicon pain ca quep xun cocon Jeju ma', ame hwe e'. Ac i ma' urut pain ca taxipa' urut con Jeju pane, pain ca apóstolo je caparut pane.

Mateus 26:14

Win ma' nuxut ma', co to' 12 naparut pain ca taxipa' urut con Jeju cwa', co Judas Iscariotes caca oro wari' ma', hwet ac cocon na oro taramaxicon nucucun oro sacerdote.

Lucas 6:16

Ma' ac ca na Judas panxica Tiago ma'. Ma' ac ca na Judas Iscariotes ma' quem. Wirico Judas Iscariotes co aram aram quep xiho' ton nonon co noc nonon Jeju ma', pain ca quep xun cocon ma', ame hwe e'. Ac i ma' nana co apóstolo je ca Jeju pane.

João 12:5

Je xi vender xine caji towaxi' ca' ac ca na. Cut 300 ac xine xira denário nein, mi' tiquin' ac tococwa xira pain oro wari' co om nonon carawa na ca tomi' nucun.

João 13:2

Irawin cao' ac urut na. Judas ma', panxica Simão Iscariotes ma', wara coromicat ca' na quem: Quep xiho' toton oro taramaxicon pain ca quep xun cocon Jeju ta na. Tomi' mi' toton con ta na. Wirico Caxicon Jam co mi' non pain ca coromicat ac i ma' nucun.

João 13:26

Om na, xin cam tain wijimain capam' pain too ca mam' cao' wa ca'. Wari' co mi' ta' ta' pain, wirico co tomi' ta' ne ac capa' na. An ac cain na wijimain capam', xin cam ac cain na, mi' ac con na pain Judas ma', panxica Simão Iscariotes ma'.