João 12:3 - Tradução Bíblica Pacaas Novos

³ Maria ma' iri na ne, an ac camain na too ca ji'ao pe xine caji towaxi' ca hu xain ma'. Homain nardo na wixinain caji towaxi'. Mija na dinheiro nein quem. Ji'ao mi' ac camain na pain caximacon Jeju, xic cawain' ac camain na pain tenenequem quem. Hu xain pi' pin ac ne na tequipain xirim pain.

João 12:3 Iomraidhean Croise

Lucas 10:42

Ane ma' xica' pe ne carawa ca ara ra xim ca' ne. Na e' na pain ca taraju wet mapa' pain ca ca' na tain capijacon Iri' Jam ta. Je ca param cama coxa' ma cwa', taraju wet napa' pain ca ca' na tain capijacon Iri' Jam. Carawa ca param cama ca', pain ca taraju wet capa' ca', awi tiquin' ca' nain carawa ca ara pan ma ma' quem, pain ca hoc main carawa ca cao' xi' iri' ma'. Om ta tomi' in pin tam pain na ca tomi' cam ma'.

Lucas 7:46

Om ca ji'ao mi' mapa' pain wina pain homain winain oliva. Cam cwa' iri na ne, ji'ao mi' ac capa' na pain caxima pain caji towaxi' ca hu awi.

João 11:2

Wiricam Maria co cam ja' nain caximacon Taramaxicon nexi' Jeju pain caji towaxi' ca hu xain pane, co xic nain caximacon pain tenenequem pane. Wirico coxa' cama Lázaro co caxi ma'.

João 11:28

Tomi' iri nain i ma' ne, in ca' ac con na, mo tomi' tam xa' ta ac cama na. Mo hwet ac cam na, tomi' hohomu ac cam na: Maqui' na Taramaxicon nexi' co ca' na taxipa' capijacon Iri' Jam ta Maria ac cam na. Hap ra nem ta ac cam na.

João 11:32

Hwet iri non Jeju Maria ne, querec iri non ne, pe torotop mi' ac con na pain caximacon. Taramaxicon ne ac con na. Mo xi pe main i ca' pane, om xi mi' pin ca xa' ta non.

João 19:39

Nicodemos ma', co hwet towa non Jeju pain cara pane, ja' ja' non José. Cut nain waraqui pana ca hu xain tamana ma', je aloés pain mirra ma'. Mija na con. Xite na. Ac ca 34 ne na quilo nein.