João 11:8 - Tradução Bíblica Pacaas Novos

⁸ Taramaxicon co ca' na taxipa' capijacon Iri' Jam ac urut con na. Om ca pain homa ne pain ca to' to' mi' pin xim pain pacun quequem oro taramaxicon pain Judeia cain. Para in mao tain i cain ma ma' quem urut con.

João 11:8 Iomraidhean Croise

Mateus 23:7

Tomi' querec te xo' tatarapari' oro wari' co xao to to nanain ximijain cidade quem nana. In ac tatarapari' pain ca ca' na xuxun pain capijacon Iri' Jam ta nana quem.

Mateus 23:8

Wahu' iri na ne, pain ca taxipa' mahu' ma', om ca na ne pain ca in ac pan xujuhu' pain ca ca' na xujuhu' pain capijacon Iri' Jam. Xi ma' xica' pe ara ta' pain ca ca' na xuhu' ca'. In ac pan xine ta. An an ari xujuhu' pain ca xere xujuhu' quem.

João 10:31

Cut mami' ac cacain na pacun oro taramaxicon ma', to' to' mi' pin xun pain pacun ta ac cocon na.

João 10:39

Quep xun ta mami' ac cocon na. Ane witan ca' tococwa ne.

João 11:19

Je ca ma' mija caca oro win judeu urut co hwet nanam Marta cam Maria ma' quem. Quep xiho' xixim pain ca tomi' xaxa' tamana nequequem con coxa' cacama ta nanam.

João 4:31

Pain ca in mao camain cidade nequem ma', tomi' ac urut con na Jeju. Cao' ra carawa ca' Taramaxicon co ca' na taxipa' capijacon Iri' Jam urut con.

João 8:59

Cut ac cacain na pacun, to' to' mi' pin xun pain pacun ta ac caca na quem. Ane xa mao ca Jeju ne. Hwet ca' ac cain na ca tao' caho' nein xiricon Iri' Jam.

Atos 20:24

Je i ma' ira ina ta. To' pa' ma' tatarapa' ne ina. Om ca xiram pa' xije. Ma' xica' pe na carawa ca param ta' ca', param e' inain ca ara ara pi' pin wa ca taramaja ne ca ara ra capa' Taramaxicon nexi' Jeju cwa', pain ca pijim' mi' roron pain capijacon Iri' Jam oro wari' ta capa' pane. Je ca tomi' xuhu' ca', tomi' hwet toton pain capijacon Iri' Jam oro wari' ta. Tomi' hwet toton pain ca xiram pa' capari' Iri' Jam ta. Om xi xiram pa' capari', xi awi iri' ta. Ane xiram pa' e' capari' ne.