João 11:4 - Tradução Bíblica Pacaas Novos

⁴ Taraju iri nain i ma' Jeju ne, tomi' ac ca na: Caxi paxi' na Lázaro, ane om mi' pin ta' ca pain ne. Caxi e' na. Ma' ta querec pin' cacapa' pain ca hwara' opa ne oro wari' ta na Te Iri' Jam. Ma' ta querec pin' quequem pain ca hwara' opa nem quem napa' pain ca Panxita' capa' ta na.

João 11:4 Iomraidhean Croise

João 10:38

Om paxi' na ca howa mahu' pain ca tomi' ne ca', ane ara e' tain ca ara ra capa' Te ne. Je xi howa mahu' pain ca querec pin' hwein oro ca ara ta' ca' quem, pain ca ara tain ca om ara taxi' ne ca wari' wa ca'? Querec pin' ac mahu' xira pain ca win cwere capa' Te. Querec pin' ac mahu' xira pain ca win cwere ton ca' quem na ca tomi' tococwa ma'.

João 11:40

Tomi' ac cam na: Cain' cain' xima quem? Tomi' xim ne ira. Mo ta howa mapa', querec ac main tara ca hwara' opa nucun Te Iri' Jam xim ne ira nam.

João 12:28

An hwet pe rain ca hwara' opa nem pain ca awi tamana nem ta Te ac ca na quem. Taraju ac urut pain na ca tomi' wa ma'. Maqui' nain pawin. Wara an hwet pe inain ca hwara' opa ne pain ca awi tamana ne ca' na. An hwet pe mami' ac tain tara quem. Ac i ma' na ca tomi' wa ca maqui' nain pawin.

João 17:1

Tomi' tomi' pi' pin iri naparut pain ca tomi' nucun ma' ne, noro pawin ac ca na, tomi' ac con na Cote ca. Te ac con na. Maqui' pin napa' xec nein ca mi' pin ta' ne ta. An hwet pe rain ca hwara' opa ne pain ca awi tamana ne pain ca Panxita' mapa' ca'. Ma' ta an hwet pe tain ca hwara' opa nem pain ca awi tamana nem quem.

João 17:10

Oro wari' co wari' ne ma ma', wari' ne inonon quem. Oro wari' co wari' ne ta' cwa', wari' ne momon quem. Oro wari' co mi' mapa' cwa', an hwet pe nanain ca hwara' opa ne pain ca awi tamana ne quem.

João 17:5

In hwet ho' xim inem ta Te ac con na. In hwet iri xim ne, an hwet pe mami' ac main tara ca awi tamana ne pain ca Iri' Jam ne ca wara ma' napa' pain ca pe ho' pe ho' wet xim pain cara pane, pain ca om ma' querec ne macan' pane non.

João 2:11

Je win an hwet pe cain ca hwara' opa nucun Jeju pane, pain ca ara cain ca om ara taxi' ne ca wari' wa pane. An hwet pe pe nain pain Caná pain Galileia pane. Ara iri nain ne, an hwet pe ac cain na ca awi tamana nucun pain ca Iri' Jam nucun. Howa ac urut con na pain ca taxipa' urut con ca'.

João 5:23

Ma' ta in ac in ac pi' pin quequem oro wari' ta arain napa'. Win ne ca in ac cacapa' ca' napa'. Oro wari' co om in ac nanapa' pain ca Panxica Iri' Jam ta' ca', om ca in ac cocon Te co hwet roron oro wari' ta napa' quem.

João 8:54

Om na, mo xi awi ina pan ta', tomi' ximao e' xita'. Ane awi ma ta pan capa' Te co Iri' Jam ne hwe ne.

João 9:24

Hap ra mami' ac cocon na co quep xio pin wa ma' quem. Tomi' iri'o' ra ta, taraju nem Iri' Jam ta. Taxi' urut con wari' ma', taxi' urut con pain ca caracat ca ma' na ca tomi' cocon ma'.

João 9:3

Om na ac caparut na. Om na ca caracat nucun ca to' om nain tocon. Om na ca caracat nequem jicon con cote ca ca to' om nain tocon quem. Om pan na tocon, ma' ta querec pin' cacapa' oro wari' pain ca hwara' opa ne pain ca quep xio pin ton ta na Iri' Jam.

Romanos 11:11

Je ca tomi' xuhu' ca'. Tomi' querec xuhu': Pain ca camara' caca oro win judeu ta' cwa', camara' to wet cara ac caca ma' tara ra? Om na, om ca camara' to wet cara camain' caca ta! Noro jujun pain ca caracat nucucun ma'. Caracat pin iri nana ne, tomi' ac tococwa na oro co om judeu nana ma', to' witan pin xuhu' ta pan ac cocon na Iri' Jam. Hehe tatara oro judeu pahu', mana' ac caca tara, jain jain ac cacain tara ca witan pin wa quem na ca tomi' tococwa co om judeu nana ma'.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Filipenses 1:20

Param tamana inain i ca' quem, jain jain inain: Ara xo' xitain na inain oro ca ara ra capa' Iri' Jam cwa' ina. Noc tamana inain ca ara wa carawa ca to' wixipa' napa' ta. Om ta pijim' jin' ta', pijim' hwara' opa ta'. Win ne ca om pijim' jin' ta' pane. Mo ta e' e' tiquin' ta', mo ta mi' pin ta' ta' quem, param e' inon Cristo pain ca querec pin' tocwa pain ca awi tamana nucun pata'.

1Pedro 1:21

Je ca howa pin hun Iri' Jam ma', xi om ca Cristo co to' e' mami' ca pane, co to' hwara' opa ca pain ca mi' con pain ca in ac in ac pi' pin cocon oro wari' quem. Je ca howa hun Iri' Jam ma'. Howa hun pain ca winim' hun ma', pain ca mi' xim cuhu' pain oro ca wara tomi' pe mi' cuhu' ma'.

1Pedro 4:11

Mo ta mi' cuhu' pain ca pijim' wa ma', pijim' xo' ac hwe tara. Xi capijacon Iri' Jam pan ara ne ca pijim' hwe ta. Mo ta mi' cuhu' pain ca quep xiho' hun win ma' nuhu' ma', mam' quep xiho' ac hun tara pain ca hwara' opa nucun Iri' Jam ca mi' taxipa' ca ma'. Ma' ta awi na Iri' Jam ta caca oro wari'. Wirico Jeju Cristo tara co mi' nonon pain ca tomi' ac i ma' caca ma'. Hohot na pain ca tomi' querec te xun pain ca awi tamana cara nucun. Na e' na pain ca tomi' querec te xun pain ca hwara' opa tamana cara nucun ma' quem. Amém, iri'o' na ca tomi' ne ta.

1Pedro 4:14

Tomi' xirac iri nunuhu' oro wari' pain ca howa hun Cristo ne, param mi' ac cuhu' na pain ca awi wa Iri' Jam. Xi querec pin' ara xihwe pain ca corom pe ho' cara cuhu' Tamataracon Iri' Jam ca awi tamana ta.