João 11:3 - Tradução Bíblica Pacaas Novos

³ Mo'o jun Jeju ta ac cacama na mana cowe ca ma'. Caxi na iri' win ma' nem co om noc ma cwa' Taramaxicon nuxut ca' jun ta nana. Mo'o xun ta ac caca na, mama' ac caca na.

João 11:3 Iomraidhean Croise

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

João 11:1

Caxi ac ca na wari' pane. Lázaro na wixicon. Wari' nein Betânia na, je i ma' wixinain ca paric to ne xirim ca pe ca cacam mana cowe ca ma', Maria cam Marta ma'.

João 11:11

Tomi' iri naparut pain i ma' ne, tomi' tomi' tiquin' ac caparut na: Pi'am na win ma' nexi' Lázaro. Hwet ton ina. Ma' ta ho' querec ton ta naparut.

João 11:2

Wiricam Maria co cam ja' nain caximacon Taramaxicon nexi' Jeju pain caji towaxi' ca hu xain pane, co xic nain caximacon pain tenenequem pane. Wirico coxa' cama Lázaro co caxi ma'.

João 11:21

Tomi' ac con na: Taramaxicon ne. Mo xi pe main i ca' pane, om xi mi' pin ca xa' ta.

João 11:36

Noro jun ta ac caca na oro wari' ma'. Om ca noc con ra nana.

João 11:5

Jeju ma', om paxi' na ca noc cacam Marta cam Maria con Lázaro ma' quem. Tomi' querec te tamana paxi' nanam.

João 13:13

Tomi' iri mahu' ne, Taramaxicon co ca' na taxipa' naparut pain capijacon Iri' Jam ta ac mahu' na. Taramaxicon ne ac mahu' na quem. Hohot na, tomi' xo' mahu', xi wata' ara ne co ca' na taxipa' nuhu' pain capijacon Iri' Jam. Wata' co taramaxicon pe ho' nuhu' ca' quem.

João 13:23

Iri' win ma' ne napa' Jeju. Xao pe ja' pan inon.

2 Timóteo 4:20

To wet nain Corinto Erasto cara pane. Trófimo iri na ne, an pe pin inon pain Mileto quem. Xi om ne ca caxi ara ca pane ta.

Apocalipse 3:19

Tomi' inain taraxicocon oro wari' co om noc ta' cwa'. Hu xo' hu xo' pi' pin inonon. Je ca tomi' xuhu' ca': Ma' tara xumuhu' me, win xumu jein ca xuruxut xo' wa, cwirin' pin jein ca caracat nuhu' ta.