João 11:11 - Tradução Bíblica Pacaas Novos

¹¹ Tomi' iri naparut pain i ma' ne, tomi' tomi' tiquin' ac caparut na: Pi'am na win ma' nexi' Lázaro. Hwet ton ina. Ma' ta ho' querec ton ta naparut.

João 11:11 Iomraidhean Croise

Mateus 27:52

Pa pin ac ne na oro manain pacun ca cut corom to tococwa co wara cono' nana ma', to' e' mami' mija ac tococwa na co wara howa nana pain ca e' e' wet nucucun quem.

Mateus 9:24

Hwerehwet mama' pi' pin je ta. Om ca mi' pin cama pije' ta. Pi'am e' na, ac i ma' na ca tomi' tococwa ma'. Tatam' tatam' pi' pin ac cocon na, tomi' ximama' nonon quem.

Marcos 5:39

Corom ac ca na Jeju. Tomi' ac tococwa na: Cain' cain' xihwe quem? Para teretem hwe ma'? Para awaran hwe ma' quem? Om ca mi' pin cama pije' ta. Pi'am e' na, ac i ma' na ca tomi' tococwa ma'.

João 11:10

Mo ta xut cain xim quem, xut macoru ac ca na. Xi querec pin' ca pain ca om con naran ta naparut.

João 11:12

Taramaxicon nuxut ac urut con na. Mo ta pi'am ca, xio pin ac ca tara ta na ca tomi' urut con ma'.

João 11:13

Tomi' mi' paxi' nain ca mi' pin nucun Lázaro Jeju ma'. Ane om taraju pa' urut con ne. Tomi' tarain ca pi'am nucun ma' urut con.

João 11:3

Mo'o jun Jeju ta ac cacama na mana cowe ca ma'. Caxi na iri' win ma' nem co om noc ma cwa' Taramaxicon nuxut ca' jun ta nana. Mo'o xun ta ac caca na, mama' ac caca na.

João 3:29

Win ca wari' co an tam narima' ma'. Win ma' ca ma' iri na ne, quep xiho' e' non, tomi' querec te e' non. Taraju iri nain ca tomi' nucun ne, tomi' querec te ac ca na. Ac i ma' ina con Jeju quem. Tomi' querec te tamana ina pain ca tomi' hwet mahu' cocon oro wari' co hwet nonon ta.

Atos 7:60

Pe torotop pe ac ca na, merem mip ac ca na: Taramaxicon ne. Ta mana' momon pain ca caracat nucucun me ta non. Merem ac i ma' iri na ne, mi' pin ac ca na.

1 Coríntios 15:18

Mo xi ac i ma' ne, mo xi om to' e' mami' toton cocon oro wari' co wara cono' nana ma', co wara howa nonon Cristo pane, pan' ara'am ac caca xira quem.

1 Coríntios 15:34

Ma' tara xumuhu' me. Caracat maho' je. Ma' nana oro win ma' nuhu' co om coromicat xo' camain' nonon Iri' Jam. Om ca querec pin' cocon. Wixipa' xihwe pain ca om coromicat xo' nucucun pain ca om querec pin' cocon Iri' Jam ta.

1 Coríntios 15:51

Taraju wet jein ca tomi' xuhu' ca'. Tomi' hwet xuhu' pain ca coromicat nucun Iri' Jam ca om an hwet querec ca pane ira. Om paxi' tara ca cono' cono' pi' pin xi'. Ane to' jimama' to' jimama' pi' pin toton capari' Iri' Jam ne.

Efésios 5:14

Je cwerein pain ca toha mi' xin capari' naran ma'. Querec pin' xin. Je ca xirao' pe xine pain capijacon Iri' Jam. Wum ma', co ac ca pi'am ma na, querec ra e'! Wum ma', co ac ca mi' pin ma na, e' pin ra e'! Toha mi' ac quem tara naran nucun Cristo ta. Ac i ma' na ca xirao' pe nein.

1 Tessalonicenses 5:10

Mi' pin caho' napari' Taramaxicon nexi' Jeju Cristo. Ma' ta to ho' cara cacapa' ta napari' pain ca win cwere xun ca'. Mo ta e' e' wet iri' pain ca aram aram in qui' tain cain macan' ca', mo ta wara cono' iri' quem, to ho' cara ac xun tara pain ca win cwere xun ta.

Tiago 2:23

Hwet pin ac ne na ca xirao' an pe xine capijacon Iri' Jam quem. Ca' na con: Howa non Iri' Jam Abraão. Je ca tomi' tocwa ma', tomi' pan non Iri' Jam: To' hohot pin inem, xi om ne ca howa ara mapa' ta non. Iri' win ma' ne inem ta non quem.