João 10:6 - Tradução Bíblica Pacaas Novos

⁶ Ac i ma' paxi' na ca pijim' cocon oro fariseu Jeju ma', pain ca pijim' joc mam' mi' tococwa con pastor pain ovelha nucun ma', ane om taraju pa' cacain ca tomi' mao nein ne.

João 10:6 Iomraidhean Croise

Mateus 13:34

Oro ca pijim' nucun Jeju pane, pain ca pijim' mi' tococwa pain capijacon Iri' Jam oro wari' pane, pijim' joc mam' mi' tata pain oro carawa. Oro ca pijim' nucun pane, pijim' joc mam' mi' e' tata pain oro carawa.

Mateus 13:51

Tomi' querec ac caparut na pain ca taxipa' urut con ca'. Taraju pa' hwein ca tomi' mao nein oro ca pijim' joc mam' mi' xuhu' cara ne naparut. Taraju pa' urut pain ta ac urut con na.

Marcos 4:34

Oro ca pijim' nucun pane, pain ca pijim' qui' tococwa oro wari' pane, pijim' joc mam' mi' e' tata pain oro carawa. Xica' pe pin iri na cocon co taxipa' ca ne, tomi' xo' pin ac tococwa na pain ca pijim' nucun quem.

João 16:25

Pain ca tomi' hwet xuhu' pain oro ca tomi' ne ca', pijim' joc mam' mi' inuhu' pain oro carawa pain ca ca' na xuhu' pain capijacon Te ac caparut na. Ame hwe e', main maqui' tara xec nein ca pijim' joc mam' mi' pijim' joc mam' mi' om pin xuhu'. Tomi' xo' e' xuhu' con Te. Ma' ta taraju pa' hwe con ta inuhu'.

João 16:29

Tomi' ac urut con na: Aram aram taraju pa' pin urut pum. Xi tomi' xo' ara maparut ta. Om ca pijim' joc mam' mi' mami' e' maparut pain oro carawa ta.

João 6:52

Teretem ac caca na oro taramaxicon nuxut pain ca judeu urut ca'. Teretem nana pain ca taraju cacain ca tomi' nucun. Mija na ca mana' caca. Ma' na ca cao' jein ta ac capari' pain curucun ra? Om ca na camain' ne ta! Ac i ma' na ca tomi' caca ma'.

João 6:60

Taraju iri nanain ca tomi' nucun Jeju oro wari' co ja' ja' paxi' nonon ma' ne, ma' mija ac caca na co noc nanain ma'. I'ina a xira ca tomi' nucun co cwa' ta. Ma' tara ca howa ac tocwa ra na ca tomi' ximama' caca ma'.

João 7:36

Cain' cain' xira con quem? Tomi' ca' napari': Pirao' xim paxi' mahu', ane om mam' xim mahu' quem napari'. Om ta hwet ac mahu' pain ca pe ta' ta' quem napari'. Para tomi' ac i ma' capari' quem? Ac i ma' na ca tomi' xucucun.

João 8:27

Om ca taraju pa' cacain ca tomi' nucun. Om tara Iri' Jam co tomi' ca pain ca Te inon ta ca ma' nonon.

João 8:43

Je xi taraju pa' mahu' pain ca tomi' xuhu' ca' quem? Ane noc hwein ca taraju wet wa ne.

1 Coríntios 2:14

Om ca howa je na caca oro wari' co om nonon Tamataracon Iri' Jam. Om ca howa je na cacain ca tomi' nein. Xi tomi' ximao na ta ara cacain ta. Om ca taraju pa' ac cacain quem, xi ma' cocon Tamataracon Iri' Jam ca to' taraju pa' nonon ta.

2 Pedro 2:22

Oro ca ara caca ma', an xiho' nain ca tomi' joc mam' mi' taxipa' caca oro wari' ma'. Tomi' ca' nana: Cao' pin iri na oromijac ma' ne, we' pin ac cain na, in hwet ac cain na xicawiricon, cao' pin mami' ac cain na quem, ac i ma' na ca tomi' joc mam' mi' taxipa' caca ma'. Ma' na xijein quem: Ja' iri ta pain com caji mijac ne, xuc in hwet ac nein na horowa nein, ac i ma' na ca tomi' joc mam' mi' taxipa' caca oro wari' ma'.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.