João 10:5 - Tradução Bíblica Pacaas Novos

⁵ Ja' ja' paxi' non waximain ma', ane om ja' ja' camain' con xucun wari' ne. Jein ca' non, xi taraju pa' nein ca tomi' nucun ta. Ac i ma' na ca pijim' tococwa con pastor pain ovelha nucun pane.

João 10:5 Iomraidhean Croise

Marcos 4:24

Taraju wet jein ca tomi' xuhu' ca' ac tococwa na. Mo ta taraju wet hwein, mi' ac cuhu' tara pain ca taraju pa' wa Iri' Jam. Mo ta taraju wet taraju wet tiquin' hwein, mi' mi' tiquin' ac cuhu' tara pain ca taraju pa' wa quem.

Lucas 8:18

Je ca tomi' ca' xuhu' ca': Taraju wet jein ca tomi' xuhu' ca'. Wari' co taraju wet ma', co taraju pa' xo' nain ca taraju nucun ma', mi' hwara' mami' ac tocwa tara pain ca taraju pa' wa. Wari' co om taraju wet ma' iri na ne, co om taraju pa' xo' nain ca taraju nucun ma', an ca' ac tocwa tara pain wijimain ca taraju pa' nucun ma' quem na ca tomi' tococwa ma'.

João 10:16

Ma' nanapa' oro xucucun wari' co om howa querec nanapa' quem. Wari' ne toton inonon. An xiho' nanain oro ovelha ca corom to nain xijein ca tao' caho' nein ma'. Na e' na pain ca cut qui' toton quem. Taraju wet tatarain ca tomi' ne. Jao jao ma' ac cocon tara co wara howa nanapa', querec wet querec wet pi' pin ac toton tara quem. Xica' pe ta' pain ca querec wet toton ta.

João 10:4

An hwet to pi' pin iri nain winacon ne, o mama' ac cain na, ja' ja' pan ac con na quem. Xi om ne ca taraju pa' ara nein ca tomi' nucun.

2 Timóteo 4:3

Xi maqui' ta' ara ne xec nein ca om taraju wet je na cacain capijacon Iri' Jam ca iri'o' oro wari'. Param e' tatarain oro xijein ca tomi' wa, taraju wet e' totoron oro wari' co tomi' cut in pan caca. Pijim' xut pain ca capija wa ca ac pan naparut ta totoron.

1João 2:19

Co ari nonon Cristo pain ca noc cocon ma', cut in wi paxi' nanapari' pane, ane om iri' win ma' ne cacapari' pain ca howa nexi' con Cristo ne. Je ca paca' cacapari' pane. Mo xi iri' win ma' ne cacapari' con Cristo ma', je xi momon cut in cut in cara cacapari' quem. Ane paca' cacapari' ne. Je ca querec pin' tococwa pain ca om win ma' ne cacapari' con Cristo.

1João 2:21

Pain ca xirao' mi' xuhu' ca', om ca coromicat mi' ca' xuhu': Xirao' mi' toton, xi querec pin' cacain capijacon Iri' Jam ca iri'o' ta, om ca coromicat mi' ac i ma' xuhu' ta. Taxi' inuhu' pain ca querec pin' hwein capijacon Iri' Jam ca iri'o'. Taxi' inuhu' pain ca taraju pa' hwein i ca' quem, pain ca om mixein camain' ne capijacon Iri' Jam ca iri'o'.

Apocalipse 2:2

Taxi' inuhu' pain oro ca ara hwe ma'. Taxi' inuhu' pain ca taramaja tamana hwe ma', je pain ca quereme cara hwein oro ca to' i'ina nuhu' ma'. Taxi' inuhu' pain ca noc mip huhun oro wari' co pan teretem nana ma', je pain ca tomi' querec huhun caram ma' co apóstolo urut mixein nana ma'. Xi iri' apóstolo caca ta. Querec pin' huhun pain ca mixein nucucun ma'.