João 10:3 - Tradução Bíblica Pacaas Novos

³ Corom ta' e' iri non wari' co querec wet nain manain ca corom ac wa ma' ne, pa mi' ac tocwa na pain. Tomi' tomi' xam' ac cain na wixinain ovelha nucun, taraju pa' ac nein na ca tomi' nucun, o hwerehwet mama' ac cain na quem.

João 10:3 Iomraidhean Croise

João 10:14

Wata' co iri' pastor. Querec pin' inonon oro wari' ne, querec pin' nanapa' quem.

João 10:16

Ma' nanapa' oro xucucun wari' co om howa querec nanapa' quem. Wari' ne toton inonon. An xiho' nanain oro ovelha ca corom to nain xijein ca tao' caho' nein ma'. Na e' na pain ca cut qui' toton quem. Taraju wet tatarain ca tomi' ne. Jao jao ma' ac cocon tara co wara howa nanapa', querec wet querec wet pi' pin ac toton tara quem. Xica' pe ta' pain ca querec wet toton ta.

João 10:4

An hwet to pi' pin iri nain winacon ne, o mama' ac cain na, ja' ja' pan ac con na quem. Xi om ne ca taraju pa' ara nein ca tomi' nucun.

João 10:9

Wata' co iri' man ca corom ac wa ca'. Oro wari' co corom ac nanapa' pain ca howa cacapa' ma', witan ac caca tara. Win ne ovelha ma'. Corom na, hwet mao ac ne na, mam' ac nein na tononoin. Ac i ma' tara ca querec wet toton co howa nanapa' ta.

João 6:37

Mi' xim iri tarapa' cocon oro wari' Te ne, howa howa pi' pin ac cacapa' tara. Om ta tomi' in pin camain' toton co howa xim nanapa' ma'.

João 6:45

Je ca xirao' pe ca profeta pane, pain ca wirico Iri' Jam co tomi' tomi' na nonon oro wari' pain ca howa jun Panxita' ca pata'. Ca' na ca xirao' pe ca pane: Tomi' xo' tomi' xo' pi' pin totoron oro wari' Iri' Jam ta na ca xirao' pe ca profeta pane. Oro wari' co taraju nonon Te ma', co taraju pa' pin nanain ca tomi' xo' cocon ma', howa ac cacapa' tara.

Romanos 8:30

Pain ca wara tora' capari' ca', wari' ne napari'. Pain ca wari' ne capari' ca', to' hohot pin napari'. Pain ca to' hohot pin capari' ca', mi' napari' pain ca jao jao ma' xun pain ca awi nucun pain ca hwara' opa nucun ta.

1 Coríntios 16:9

Mija ara xi' nana oro wari' co param nanapa' pain ca pijim' wa pain i ca' quem. Ac ca howa xi' caca na. Mija paxi' nana co noc nanapa' pain ca pijim' wa quem, ane jain jain tamana pan cacain capijacon Iri' Jam co howa xin nana ne.

Filipenses 4:3

Wum co taramaja wi taxipa' napa' pain ca taramaja ne pane, tomi' xim inem quem. Quep xiho' raram, ma' ta tomi' querec te mami' xequequem. Xi wara quep xiho' tamana ara cacapa' pain ca taramaja ne pane ta. Wiricacam, wirico Clemente, wiricoco oro xucucun co quep xiho' nanapa' pane, pain ca pijim' hwet tain capijacon Iri' Jam con Jeju pane, xirao' to ta wixicacam pain tapari carawa ca xirao' to xine wixicocon oro co e' cara xi' nana quem.

Colossenses 4:3

Tomi' iri jun ne, tomi' mi' ac maparut con tara quem. Mi' roron pain ca pijim' wa capijam ta jun. Tao' pe ara xi' nanapa' pain xirinain ca tao' to tao' to to wa ca', xi om ne ca pijim' hwet ara toton pain capijacon Iri' Jam oro wari' ta. Je ca tomi' xut pahu' ca': Tomi' mi' xut con Iri' Jam me, ma' ta ha' caparut pain ca pijim' pijim' tiquin' xut pain ca coromicat an pe xo' nucun Iri' Jam ca tomi' hwet pin capari' con Cristo pain xocori ca'.

2 Timóteo 2:19

Pijim' ac i ma' paxi' nana, ane om ac i ma' ne capijacon Iri' Jam ne. Taxi' irin pain ca iri'o' cara ne. Om ca mixein camain' capari'. To wet cara na, om ca an in ac xine. Tomi' ca' napari': Wata' pain ca iri' Taramaxicon ta' ca', querec pin' inonon oro wari' ne ta na. Tomi' ca' napari' quem: Oro wari' co howa inem ta nanapa' ma', na e' na pain ca an to pin cacain ca caracat wa ta na ca tomi' nein.

1Pedro 1:12

Tomi' xo' ca' tata oro profeta pane: Tomi' hwet iri hwein oro carawa jimao ca maqui' ta' ma' ne, om ca quep xiho' pan xujuhu', om na. Quep xiho' pan huhun oro xucucun wari' co maqui' xi' nana pa'ao' ta na ca tomi' xo' tococwa pane. Je ca tomi' xuhu' ca'. Wahu' pan co quep xiho' xi' wawa pain ca tomi' hwet nucucun pane. Je ca pijim' hwet xihwe pain xocori ca' quem. Oro co pijim' hwet nunuhu' pain capijacon Iri' Jam con Jeju ma', mam' pijim' hwet nunuhu' pain ca hwara' opa nein Tamataracon Iri' Jam ca mam' capari' pain pawin pane. Capijacon Iri' Jam ca pijim' xihwe ma', jain jain pan nanain oro jam co taramaja mi' nonon ma'. Taraju pa' xixi' na nanain.

1João 4:6

Mana panxica Iri' Jam pan iri'. Taraju wet nanapari' oro wari' co querec pin' nonon Iri' Jam quem. Oro co om querec pin' nonon Iri' Jam ma' iri nana ne, om ca taraju wet cacapari'. Ac i ma' na ca querec pin' xin ca coromicat nucucun co pijim' nana ma'. Co taraju wet nanapari' ma', maqui' nain Tamataracon Iri' Jam ca iri'o' oro ca coromicat nucucun. Co om taraju wet nanapari' ma' iri nana ne, maqui' non Caxicon Jam co pan tem oro ca coromicat nucucun ma' quem.

3João 1:14

Hwet ho' xim inem, om ta om om ta', hwet ho' xim. Tomi' ac xijexi' tara ta.

Apocalipse 20:15

Oro wari' co om xirao' to wa wixicocon pain tapari carawa ca xirao' to xine wixicocon co e' cara xi' nana ma', wixicaracao' mi' ac tococwa na pain cote ne xe ca ac xuterem' ta.

Apocalipse 3:20

Taraju wet xine me. Xat pe inain manain xuruhu'. Tataca ina quem. Mo ta taraju mahu' pain ca corom hwet xim xuhu' ca', mo ta pa mahu' pain, corom hwet ac xuhu' tara, cao' wi ac xijexi' tara ta.

Apocalipse 7:17

Xi om ne ca querec wet xo' toton ara cocon co ma' co ac Wijimain Taramaji Ovelha ma', co pe ja' pan nain ca mam' xao pe ca Iri' Jam ma'. O mama' ac tococwa tara pain ca hoi hoi ne com ca mi' nain ca e' cara wa. Xiram pa' totoron Iri' Jam quem, xic cawain' xic cawain' pi' pin tarain comi tococon pain ca awaran nucucun ma'. Ac i ma' na ca tomi' capa' ma'.