João 10:16 - Tradução Bíblica Pacaas Novos

¹⁶ Ma' nanapa' oro xucucun wari' co om howa querec nanapa' quem. Wari' ne toton inonon. An xiho' nanain oro ovelha ca corom to nain xijein ca tao' caho' nein ma'. Na e' na pain ca cut qui' toton quem. Taraju wet tatarain ca tomi' ne. Jao jao ma' ac cocon tara co wara howa nanapa', querec wet querec wet pi' pin ac toton tara quem. Xica' pe ta' pain ca querec wet toton ta.

João 10:16 Iomraidhean Croise

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Lucas 15:8

Am ma' cama narima' ma', co ma' 10 nam moeda nein dracma ma' ac tococwa na. Pan' am xica' pe ac ne na cam. Cain' cain' xira quem? Om ta pirao' camain ra? Pirao' tain tara. Tom tarain naran, ton ho' ac camain tara xiricam, pirao' pirao' mam' ac camain tara quem.

João 10:11

Wata' co iri' pastor co querec wet xo' nain ovelha. Iri' pastor ma', om ca nain ho' xucun pain ca querec wet xo' cain ovelha nucun. Mi' pin caho' tain ovelha ne ta na. Ac i ma' ina quem. Om ca nain ho' xije cocon oro wari' co howa nanapa' ma'. Mi' pin caho' toton inonon.

João 10:2

Wari' co corom xo' nain manain ma' iri na ne, wirico co pastor ma', co querec wet taxipa' nain ovelha ma'.

João 10:27

Win ne oro ovelha ca taraju wet nain ca tomi' nucun co querec wet nain ma', ac i ma' na ca taraju wet cacain ca tomi' ne oro wari' ne ma' quem. Querec pin' inonon, ja' ja' ac cacapa' na quem.

João 10:3

Corom ta' e' iri non wari' co querec wet nain manain ca corom ac wa ma' ne, pa mi' ac tocwa na pain. Tomi' tomi' xam' ac cain na wixinain ovelha nucun, taraju pa' ac nein na ca tomi' nucun, o hwerehwet mama' ac cain na quem.

João 10:4

An hwet to pi' pin iri nain winacon ne, o mama' ac cain na, ja' ja' pan ac con na quem. Xi om ne ca taraju pa' ara nein ca tomi' nucun.

João 10:5

Ja' ja' paxi' non waximain ma', ane om ja' ja' camain' con xucun wari' ne. Jein ca' non, xi taraju pa' nein ca tomi' nucun ta. Ac i ma' na ca pijim' tococwa con pastor pain ovelha nucun pane.

João 11:52

Pain ca mi' pin caho' totoron oro win ma' caca ma', om ca tomi' e' tococwa oro win judeu urut. Tomi' tata oro wari' nucun Iri' Jam co cut in toton ca ma' quem, co wawaran to nanain oro xijein macan' ma' quem. Ma' ta win ma' ne xucucun ta na. Ac ca nari xucucun tara ta na.

João 17:20

Om ca tomi' mi' e' xim cocon co taxipa' ta' cwa' ac con na. Tomi' mi' inem cocon oro wari' co aram aram howa xim nanapa' pain ca taraju xin cacain ca pijim' nucucun quem.

João 6:37

Mi' xim iri tarapa' cocon oro wari' Te ne, howa howa pi' pin ac cacapa' tara. Om ta tomi' in pin camain' toton co howa xim nanapa' ma'.

Atos 15:14

Je ca tomi' capari' Simão cwa'. Tomi' hwet napari' con Iri' Jam ma', pain ca xo' xiram pa' ten qui' cocon oro wari' co om judeu nana pain cara pane. Ma' tatara co tora' ta', co wari' ne ta' ta na Iri' Jam ta napari'.

Atos 18:10

Xi pe ho' ara xim ta. Om ta na cocon pain ca quep em' quequem oro wari' co quep em' xim nenem ma'. Xi ma' mija ara cacapa' oro wari' ne pain Corinto ta. Ac i ma' na ca tomi' con Paulo Taramaxicon nexi' pain ca ac ca tohwein' ca ne ma'.

Atos 22:14

Tomi' ac capa' na: Tora' nem Iri' Jam co howa caca hwanana nexi' cara pane. Mi' ton pain ca taxi' cain oro ca param ne nem, mi' ton pain ca querec con Panxita' co tama' ara xo', mi' ton pain ca taraju cain iri' ca tomi' nucun ta nem quem.

Romanos 11:25

Je ca tomi' xuhu' ca' xere: Ma' na ca coromicat nucun Iri' Jam ca om taraju pa' wa ira. Taraju pa' ho' jein inuhu'. Ma' ta om coromicat ximama' hwe pain ca awi tamana urut ximama' hwe ma'. Ca' na ca coromicat nucun Iri' Jam ca om an hwet querec ca ira: Oro judeu cwa', co waram winacon Israel nana cwa', om ta ari cara cacapa'. Ari ari ca' tatarapa'. Xam' iri tatara oro co om judeu nana ne, co howa xim nanapa' ma', ari ari om ac cacapa' tara oro judeu cwa', ac i ma' na ca coromicat nucun Iri' Jam.

2 Tessalonicenses 2:13

Je ca tomi' urut pahu' ca' xere. Om ca noc cuhu' Taramaxicon nexi'. Na e' na pain ca tama' tomi' querec te urut con Iri' Jam pahu'. Xi om ne ca wara tora' qui' ara cuhu' pain cara pane, pain ca main to' witan xuhu' ta qui' cuhu' pane. Mam' to' witan nuhu' pain ca hwara' opa nein Tamataracon ma', ca to' hohot pin nuhu' ma'. Mam' to' witan nuhu' pain ca howa nuhu' pain ca howa hwein capijacon ca iri'o' ma' quem.

Hebreus 13:20

Quicon Taramaxicon nexi' Jeju ma', ca ao mao pane, je ca mam' tomi' an pe xo' cain ca tomi' xo' nucun Iri' Jam ma'. Om ta xic am camain' cain ca tomi' xo' nucun, mao ac ne ma' tara, to wet cara tara ta. Je ca to' e' mami' con Jeju ma', co iri' co querec wet xo' napari' pain ca ac ovelha nucun iri' ca'. Je ca tomi' xuhu' ca'. Tomi' mi' inuhu' con Iri' Jam cwa', co to' om pin nain ca toron ne ximixi' ca'. Param inon

1Pedro 2:10

Om paxi' na ca wari' ne cuhu' Iri' Jam pain cara pane, ane wari' ne pin cuhu' pain xocori ca' ne. Om paxi' na ca xiram pa' cuhu' pane, ane xiram pa' pin cuhu' pain xocori ca' ne.

1Pedro 2:25

An xiho' paxi' hwein ovelha ca xuruxut ximama' pane, ane cwirin' pin hwe ne. Coco' tucu in hwet hun co ma' co querec wet nuhu' ma', co narain ho' taxi' nuhu' pain oro ca om awi wa ma'.

1Pedro 5:4

In qui' iri tara Iri' Pastor nexi' ne, co Taramaxicon ne iri' cwa', mi' ac cuhu' tara pain ca awi tamana wa ca om pi' ra ha' ma'.

Apocalipse 3:20

Taraju wet xine me. Xat pe inain manain xuruhu'. Tataca ina quem. Mo ta taraju mahu' pain ca corom hwet xim xuhu' ca', mo ta pa mahu' pain, corom hwet ac xuhu' tara, cao' wi ac xijexi' tara ta.