João 10:10 - Tradução Bíblica Pacaas Novos

¹⁰ Caxicon wari' ma', om ca maqui' ximao ca. Maqui' e' na pain ca an noc xa tain cain oro ovelha. Maqui' e' na pain ca to' pa' pin tain cain. Maqui' e' na pain ca to' om pin tain cain quem. Ac i ma' nana co pijim' ni ca' nonon pain capijacon Iri' Jam oro wari' ne quem. Wata' iri na ne, maqui' ina, ma' ta e' cara caca oro wari' ne pain pawin ta inonon. Maqui' ina, ma' ta ma' ma' xam' cocon oro carawa ca mi' toton ta' pain ca to' e' cara toton quem inonon.

João 10:10 Iomraidhean Croise

Mateus 18:10

Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 18:11

Je ca maqui' ta' ca' ac ca na. Wata' pain ca Iri' Wari' ta' ca', maqui' ina, ma' ta to' witan toton inonon oro wari' co pan' ara'am nana ta naparut.

Mateus 20:28

Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.

Mateus 21:13

Tomi' carapita ac tococwa na. Ca' na ca xirao' pe xine ca tomi' nucun Iri' Jam pain capijacon ta: Cote ne xuru ca', je tara ca tomi' to cacapa' oro wari' cwa' ta na ca xirao' pe nein con. Wahu' iri na ne, ara em' pin hwein. Ara xiricocon oro wari' co an noc xa taxipa' nanain carawa pin hwein ta na ca tomi' carapita tococwa ma'.

Mateus 23:13

Tomi' ac tococwa na: Wa inuhu' me oro co ca' na taxipa' nanain ca xirao' nucun Moisés! Wa inuhu' quem oro fariseu! Ximin hwe ta. Ac ca iri'o' xi' ca' tara me hwe. Wap tamana turuhu' Iri' Jam ta. Xi to' i'ina ara huhun oro wari' pain ca ca' na pan teretem huhun pain capijacon ta. Ac ca narain ho' huhun na pain ca xin ne cocon Iri' Jam pain ca taramaxicon pe ho' xuhu' ta cocon ma'. Om pan na ca xin ne hun pain ca taramaxicon pe ho' xim cuhu' ma', narain ho' huhun pain ca xin ne cocon pain quem.

Marcos 11:17

Cain' cain' xihwe quem ac tococwa na. Om ca xirao' ca' xine ca tomi' nucun Iri' Jam pain capijacon ra? Ca' na ca xirao' pe nein ta: Cote ne xuru ca', je tara ca tomi' to tomi' to pi' pin cacapa' oro xucucun wari' ta na ca xirao' pe nein con. Wahu' iri na ne, ara em' pin hwein. Ara xiricocon oro wari' co an noc xa taxipa' nanain carawa pin hwein ta na ca tomi' carapita tococwa ma'.

Lucas 19:10

Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.

João 10:1

Tomi' ac tococwa na: Wari' co om corom ac nain manain ca tao' caho' nein ovelha ma', wari' co corom xirac ma', wirico co an noc xa ovelha ma'. Quep em' tain ta na. Tomi' iri'o' inuhu' ta.

João 10:11

Wata' co iri' pastor co querec wet xo' nain ovelha. Iri' pastor ma', om ca nain ho' xucun pain ca querec wet xo' cain ovelha nucun. Mi' pin caho' tain ovelha ne ta na. Ac i ma' ina quem. Om ca nain ho' xije cocon oro wari' co howa nanapa' ma'. Mi' pin caho' toton inonon.

João 12:47

Mo ta om tomi' ha' capa' wari' co taraju napa' pain ca tomi' hwet tain capijacon Te ca'. Om paxi' na ca wata' ne co tomi' em' non pain ca caracat nucun. Xi maqui' ta' pain ca tomi' em' toton ta' oro wari' ta. Maqui' ina, ma' ta to' witan toton oro wari' ta ina.

João 12:6

Om paxi' na ca xiram pa' cocon co om nonon carawa Judas ma'. Tomi' ac i ma' e' na, xi om ne ca an noc xa taxipa' ara ca ta. Wirico ara xi' na co querec wet nain dinheiro nuxut, an noc xa wijimain an noc xa wijimain ac cain na quem.

João 3:17

Hwet roron oro wari' ta ara xi' napa' Te pahu' pane. Ma' ta to' witan momon napa' pahu'. Om ca tomi' ca' capa': Hwet roron, ac juiz ra cocon, em' hwe, xi om ne ca caracat nuhu' ta roron, om ca tomi' ac i ma' capa' pahu', om na. To' witan roron ta napa' pahu'. Je ca hwet roron capa' pahu' pane.

João 5:40

Ane om howa mahu' ne. Howa xine me paxi' inuhu'. Ma' ta mi' xuhu' pain ca e' wa ta inuhu'. Ane noc mahu' ne. Om ca howa je na hwe ta tata.

João 6:33

Je ca tomi' xuhu' ca' ac tococwa na. Iri' Capam' nucun Iri' Jam ma', ca mi' ca ma', maqui' nain pawin. Mi' nonon pain ca e' cara wa oro wari' pain macan' ca' ac tococwa na.

João 6:51

Wata' co Iri' Capam' ca mi' nain ca e' cara wa pain pawin. Quiji' qui' inain pawin ta. Wari' co cao' napa' pain ca Iri' Capam' ta' ca', e' cara ac ca tara pain pawin. Capam' ca mi' ta' ta' ca', je cwere ca'. Mi' tain cwere. Ma' ta e' caca oro wari' ta ina na ca tomi' tococwa ma'.

Romanos 2:21

Je ca tomi' xim ca': Hu paxi' momon oro wari'. Je xi hu qui' xijem quem? Ta an noc xa ma me ta paxi' momon. Je xi om an noc xa qui' ma quem?

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

Hebreus 6:17

Ac i ma' na Iri' Jam pane quem. Param napari' pain ca querec pin' xun pain ca om an in tain cain ca wara tomi' an pe xo' nucun ma', pain ca main ara mi' xim xuhu' pain oro ca wara tomi' pe mi' xuhu' ca' capari'. Je ca an hwet pan cain wixicon pain ca tomi' pe mi' capari' pain ca tomi' nucun.

Hebreus 7:25

Je ca ha' con pain ca to' witan cara capari' pain ca to' wixicam pin capari' con Iri' Jam. To' witan cara napari', xi e' cara pan ara ca ta. Ma' ta tomi' mi' xuhu' con Te ta napari'.

2 Pedro 1:11

Tomi' querec te tamana ac cuhu' tara Taramaxicon nexi' Jeju Cristo co to' witan napari' ma', pain ca aram aram corom xi' hwein ca taramaxicon pe ca pain pawin cain. Corom je, to ho' cara xine ta ac cuhu' tara. Om ta pi' ra ha' ne ca taramaxicon pe ca pain pawin cain.