João 1:9 - Tradução Bíblica Pacaas Novos

⁹ Co ac iri' naran ma', hwet hwet xam' napari' pain ca wari' nexi'. Toha mi' napari' pain ximixi' ca'.

João 1:9 Iomraidhean Croise

Mateus 6:23

Mo ta om awi ne tucum ma' quem, mo ta paxi' ma, ac ca jo' pin ne na naran nem ma'. Ac ca om xiram pa' momon na oro win ma' nem, ac ca narain ho' momon na pain caramajum. Ac ca pe main na ca jitacat nein xim. Je ca tomi' xim ca': Mo ta win xumu e' main caramaji macan' ca', ac ca jo' pin ne na naran nem, ac ca pe main na iri' xim.

Lucas 11:36

Je ca tomi' xim ca': Mo ta howa mapa' pain ca tomi' hwet xim pain capijacon Iri' Jam ca', mo ta om howa camain' main oro ca pijim' ximao wa ca an xiho' nain ca jitacat nein xim ma', ac ca pe main xec na, ac ca toha mi' quem na naran pain xumum ta na ca tomi' tococwa ma'.

João 1:4

Wirico co to' e' napari'. Mi' napari' pain ca e' cara wa. Ca e' nucun ca to' e' napari' ca', ac naran na, toha mi' napari' pain ximixi'. Ma' ta querec pin' hwein oro ca iri'o' wa con Iri' Jam ta napari'.

João 1:7

Tomi' hwet roron oro wari' ma', tomi' hwet mi' roron con co ma' co ac Iri' Naran cwa'. Ma' ta howa howa pi' pin cocon ta na ca tomi' con ma'.

João 12:46

Ac naran ina pain ca maqui' tain macan' ca', toha mi' inonon pain ximicocon oro wari'. Ma' ta om to cara cacain ca jitacat nein oro wari' co howa nanapa' ta ina.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 15:1

Wata' co Iri' Panaji Uva ta ac caparut na. Te iri na ne, wirico co querec wet nain panaji uva.

João 6:32

Om na, je ca tomi' xuhu' ca', tomi' iri'o' inuhu' ta ac tococwa na. Om ca Moisés ca co mi' nuhu' pain capam' ca camara' qui' nain pawin. Wirico Te co mi' nuhu' pain pane. Wirico Te co mi' nuhu' pain Iri' Capam' ca maqui' pawin pain xocori ca' quem.

João 7:12

Mija nana wari' co tomi' hohomu xucucun con. Ma' nana co awi na ta nonon, ma' nana oro xucucun co om ca awi ca ta nonon ma' quem. Mixein nonon oro wari' ta nonon.

1João 1:8

Tomi' ca' iri iri' ne, om napa' ca caracat wa ta, am tomi' ac i ma' iri'. Cain' cain' xixi' quem? Om na ximixi', xi coromicat xo' iri' ta. Om ca win cwere capari' Iri' Jam co iri'o' quem.

1João 2:8

Ane xocori ne ca hu nucun ca xirao' mi' xuhu' ca' ne, ac je na. Querec pin' urun Cristo pain ca om noc iri'o' capari', querec pin' xihwe pain ca om noc iri'o' xujuhu' ma' quem. To' om pin ara xi' nain ca jitacat nein xim pain xumuhu' ta. Toha pin nuhu' iri' naran ca iri'o' ta.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.