João 1:51 - Tradução Bíblica Pacaas Novos

⁵¹ Ame hwe e' ac caparut na. Main querec jein ca pa ne nanawin. Querec ac huhun tara oro jam co taramaja mi' nonon Iri' Jam quem. Querec jujun pain ca piri' hwet cacain pawin je pain ca quiji' hwet cacapa' pain ca Iri' Wari' ta' ca' quem. Tomi' iri'o' inuhu' ta ac caparut na.

João 1:51 Iomraidhean Croise

Mateus 25:31

Wata' pain ca Iri' Wari' ta' ca', in qui' ta' ina ta ac caparut na. Mam' maqui' ta' pain ca hwara' opa ne. Maqui' wi ta' cocon oro jam co taramaja mi' nanapa' quem. Maqui' ta' iri ta' ne, xao pe ac tain tara iri' ca mam' xao pe nucun taramaxicon, iri' taramaxicon pin ac ta' tara ta.

Mateus 26:24

Mi' pin ta' ina pain ca Iri' Wari' ta' ca'. Win ne ca xirao' pe cacapa' oro profeta pane. Mi' pin ta' paxi' ina. Ane ximin pan ta' ca co ma' co tomi' mi' xim napa' cocon co noc nanapa' ma' ne, co quep xim nanapa' ma'. Ximin tara. Hohot xira pain ca om pan' ne ca pije' nucun cam jicon ta na ca tomi' caparut ma'.

Mateus 3:16

Ja' pin iri ta ne, hwet ca' ac cain na com. Ane ane pa ac ne na nanawin. Querec ac cain na Tamataracon Iri' Jam pain ca quiji' hwet con ma'. Ac ca quiji' qui' ca xucu' na pain ca quiji' hwet con ma', pain ca xat con ma'.

Mateus 4:11

Paca' ac con na Jeju Caxicon Jam. Maqui' ac caca na oro jam co taramaja mi' nonon Iri' Jam ma' quem. Quep xiho' ac cocon na Jeju.

Mateus 8:20

Tomi' ac con na Jeju: Noro rain oro carawa pain mi ma'. Ma' ma' xam' nain ca pi'am to nein. Noro rain oro me ma' quem. Ma' ma' xam' nain xirinain quem. Wata' iri na ne, pain ca Iri' Wari' ta' ca', om napa' xirim ca pe xo' ta' ca' na ca tomi' con ma'.

Mateus 9:6

Je ca tomi' xuhu' ca' ac tococwa na. Tomi' ton. Ma' ta taxi' mahu' pain ca mi' capa' pain ca hwara' opa wa Iri' Jam ta. Tomi' napa' pain ca Iri' Wari' ta' ca', xic am pin rain ca caracat nucucun oro wari' co to nanain oro xijein macan' ta napa'. Tomi' ac con na co carama pe: Tequi' pe ra. An rain witam ca mam' terem' pe ma ma'. Mao rain xurum ta na ca tomi' con ma'.

Marcos 1:10

Je win hwet ca' cain com Jeju ma', querec ac cain na nanawin pain ca pa ne ma'. Querec ac cain na Tamataracon Iri' Jam pain ca quiji' hwet con ma' quem. Ac ca quiji' qui' ca xucu' na pain ca quiji' hwet con ma'.

Marcos 14:62

Wata' cwa' ira ac ca na Jeju. Main maqui' tara xec nein ca querec xim mahu' pain ca xao pe ho' ton Iri' Jam co hwara' opa pan. Wata' pain ca Iri' Wari' ta' ca', querec ac mahu' tara pain ca xao pe ho' tain iri' curucun pain i cain. Ame hwe e', wata' pain ca Iri' Wari' ta' ca', querec ac mahu' tara pain ca taramaxicon wi ta' con. Querec ac mahu' tara pain ca maqui' ta' pain tajain nanawin ta non.

Lucas 2:13

Ane ane hwerehwet qui' ac caca na oro jam co taramaja mi' nonon Iri' Jam. Mija nana. Om ca paric camain' caca. Awi na Iri' Jam awi na Iri' Jam ta nana pain ca tomi' querec te cocon ma'. Tomi' ac caca na:

Lucas 2:9

Hwet qui' ac ca na jam co taramaja mi' non Iri' Jam. Xat pe ho' nonon. Toha toha mam' pin nonon ca toc meremem nucun Iri' Jam quem. Jin' tamana nana.

Lucas 22:43

Hwet pa' ac con na jam co taramaja mi' non Cote ca. Maqui' nain pawin. To' hwara' opa ac con na quem.

Lucas 22:69

Je i ma' ira ac tococwa na. Ane tomi' ca' xim xuhu' ne: Wata' pain ca Iri' Wari' ta' ca', wara xao pe ho' pin ton pain iri' curucun Iri' Jam co hwara' opa pan ta na ca tomi' tococwa ma'.

Lucas 24:4

Cain' cain' xira ne ac xequequem na. I'ina na ximicacam. Ane ane coco' to ho' ac cacam na wari' ma'. Ma' 2 nana. Toc meremem tamana na womicocon, ac ca joc xec mip ca xina na cocon.

Lucas 3:21

Pain ca om tao' pe querec tocwa João pane, pain ca ja' ja' wet tococwa pain com oro wari' pane, ja' ac tocwa na Jeju quem. Ja' pin iri ta ne, pain ca tomi' tomi' wet con Cote ca ma', pa ac ne na nanawin.

João 1:50

Tomi' ac con na Natanael Jeju: Howa mapa' Natanael, xi om ne ca tomi' hwet ara xim pain ca querec xim pain ca xao pe pe main xiquijinain panaji figo pane ac con na. In ac paxi' mapa'. Ame ma e', main querec rain ca ara ta' ta'. In ac tamana ac mapa' pain tara ta non.

João 10:1

Tomi' ac tococwa na: Wari' co om corom ac nain manain ca tao' caho' nein ovelha ma', wari' co corom xirac ma', wirico co an noc xa ovelha ma'. Quep em' tain ta na. Tomi' iri'o' inuhu' ta.

João 10:7

Tomi' mami' ac tococwa na: Je ca tomi' xuhu' ca', tomi' iri'o' inuhu' ta. Wata' co iri' man ca corom ac ne ovelha ma', pain ca corom ac nein ca tao' caho' nein ma'. Xi wata' ara ne co mi' nonon pain ca corom hwet wa Iri' Jam oro wari' ne ta.

João 13:16

Je ca tomi' xuhu' ca', tomi' iri'o' inuhu': Om ca hwara' opa tiquin' ca' mahu' pain ca taramaja mi' mahu' ma'. Win ca wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun. Win ca wari' co an xin tiquin' nain ca tomi' nucun wari' co tomi' hwet rain ta non ma' quem, om ca hwara' opa tiquin' ca' con co tomi' hwet rain ta non quem.

João 13:38

Iri'o' tara pum ra ac con na Jeju. Ame ma e' Pedro. Om ta aca querec ca me pain ca xec pin ta' ne ca', wara tomi' ac momon tara oro wari': Om ca querec pin' ton ta ac momon tara pata', ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.

João 14:12

Je ca tomi' xuhu' ca', tomi' iri'o' inuhu': Mo ta howa mahu', ara ac hwein tara oro carawa ca an xiho' nain ca ara ta' ca'. Hwara' opa tiquin' tamana tara oro ca ara xi' hwe quem. Xi om ne ca hwet ton ara ton Te ta.

João 16:20

Je ca tomi' xuhu' ca', tomi' iri'o' inuhu' ta ac caparut na. To' pa' pin iri tatarapa' ne, awaran tamana ac hwe tara pain ca tomi' xaxa' nuhu'. Oro wari' co om howa nanapa' ma' iri tatara ne, tomi' querec te pan tatara. Jain jain paxi' pan je pain ca tomi' xaxa' nuhu'. Ame hwe e', main tomi' xaxa' tomi' xaxa' om je, tomi' querec te ac hwe tara ta.

João 16:23

Maqui' iri tara xec nein ca querec mami' xijexi' ne, om ta mi' xut pain mami' mahu' pain ca param nuhu'. Je ca tomi' xuhu' ca', tomi' iri'o' inuhu': Mo ta tomi' xun hun Te ma', mo ta an hwet mi' hun pain wuxu pain ca mi' naparut pain ca tomi' urut pum ca' hun pata', mi' ac cuhu' pain tara ca mi' xut pain hun ma'.

João 21:18

Tomi' tomi' tiquin' ac con na: Pain ca xo' hwara' nem pane Pedro, ara xo' xijem, to pan mon womum, mao main ca mao ta' pan ma. Ane tomi' xim pain i ca' ne, tomi' iri'o' inem: Mara' pin iri ra ne, cut piri' ac main tara mum, pe pan ac quem con womum tara xucun wari', an mao ac quem tara quem. Noc inain ca mao wa paxi' ron, an mao ac quem tara ta na ca tomi' con ma'.

João 3:3

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

João 3:5

Om na ta Nicodemos ac con na. Wari' co om mam' pan' qui' nain com je Tamataracon Iri' Jam ma', om ta hwet ac con pain ca taramaxicon pe ca pain pawin. Tomi' iri'o' inem ta.

João 5:19

Tomi' ac cocon na oro taramaxicon Jeju: Wata' pain ca Panxica Iri' Jam ta' ca', om na carawa ca ara taxi' ta' pain ca param pan ne. Tomi' iri'o' inuhu' ta. Querec iri inon Te pain ca ara cain ma' ne, je ca ara ta' ca'. Oro carawa ca ara ca Te cwa', je ca ara ta' quem.

João 5:27

Ac juiz ra cocon oro wari' ta napa', tomi' querec roron pain oro carawa ca ara caca napa'. Am em' caca, am om em' caca, taxi' pin ac momon tara ta napa' quem. Xi wata' ara ne co Iri' Wari' cwa' ta na ca tomi' tococwa ma'.

João 6:26

Om na, pirao' paxi' mahu', xi cao' ara hwein capam' pata' ta ac tococwa na. Pirao' paxi' mahu', xi ma'am ara hwein ta. Om ca pirao' mahu' pain ca querec pin' hwein ca an hwet mi' xuhu' pain ca hwara' opa ne ca', pain ca mi' xim xuhu' pain ca e' cara wa pain pawin cain. Tomi' iri'o' inuhu' ta.

João 6:32

Om na, je ca tomi' xuhu' ca', tomi' iri'o' inuhu' ta ac tococwa na. Om ca Moisés ca co mi' nuhu' pain capam' ca camara' qui' nain pawin. Wirico Te co mi' nuhu' pain pane. Wirico Te co mi' nuhu' pain Iri' Capam' ca maqui' pawin pain xocori ca' quem.

João 6:47

Je ca tomi' xuhu' ca', tomi' iri'o' inuhu' ta ac tococwa na. Oro wari' co howa nanapa' ma', ma' nonon ca e' cara wa pain pawin ta.

João 6:53

Om na, je ca tomi' xuhu' ca', tomi' iri'o' inuhu' ta ac tococwa na. Mo ta om cao' hwein cwere ca', pain ca Iri' Wari' ta' ca'. Mo ta om toc hwein cocu ca' quem. Om ta e' cara hwe pain pawin ta.

João 8:34

Om na, je ca tomi' xuhu' ca', tomi' iri'o' inuhu' ta ac tococwa na. Wari' co caracat ma', ac ca quep con na ca caracat nucun. Ac ca taramaja mi' e' ne con na.

João 8:51

Je ca tomi' xuhu' ca', tomi' iri'o' inuhu': Wari' co tomi' ha' nain ca pijim' ne ca', om ta mi' pin camain' ca ta na ca tomi' tococwa ma'.

João 8:58

Je ca tomi' xuhu' ca', tomi' iri'o' inuhu' ta ac tococwa na. Wata' co wara ma' pane. Wara ma' ca' inon Abraão pain ca om pan' querec ne ca pije' nucun pane ta na ca tomi' tococwa ma'.

Atos 10:11

Ac ca querec cain na ca wein mao nein nanawin ma'. Ac ca quiji' qui' cain na pawin carawa ca ac cote ca wom ma'. Tucu tucu xam' na tamacon. Ac i ma' na ca quiji' hwet cain macan'.

Atos 7:56

Tomi' ac ca na: Noro je! Querec inain ca pa xat ne pawin ma'. Querec inon Jeju co Iri' Wari' cwain, pain ca xat pe ho' cain iri' curucun Iri' Jam ma'.

2 Tessalonicenses 1:7

Ara xo' na pain ca to' om pin tain cain ca jain jain nuhu' pain ca quep em' xihwe ma' quem. To' om pin tarain ca jain jain nuhu', to' om pin tarain ca jain jain nuxut ca' quem, pain ca aram aram quiji' qui' tain cain pawin Taramaxicon nexi' Jeju. Maqui' wi tara pain ca weo nein xe. Ja' ja' totoron oro jam co taramaja mi' nonon ma', co hwara' opa nana ma'.

2 Tessalonicenses 1:9

Em' hwe, mama' jein cote ne xe cain xun iri tata ne, jain jain cara ac caca tara. Om ta pi' ra ha' ne cocon. To ni ca' totoron Taramaxicon nexi'. Om ta querec camain' cacain ca toc meremem nucun ca to' querec pin' napari' pain ca hwara' opa tamana nucun.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

Hebreus 1:14

Cain' cain' caca oro jam co taramaja mi' nonon quem? Om ca tomi' ha' tomi' ha' pi' pin cocon Iri' Jam pain ca quep xiho' jujun oro wari' co to' witan xuxun ta tococwa ra? Je i ma' ca taramaja nucucun ma' ira!

Judas 1:14

Adão cara pane, wanxi' ac ca na, wanxi' ac caca na waram winacon quem. Aram aram to' 7 pa' ac cocon na Enoque co wara tomi' pe nain carawa ca hwet pa' xun tococwa oro co caracat nana pain ca miri'om cocon Iri' Jam. Tomi' ca' tata pane: Taraju wet je e'! Maqui' ta' tara Taramaxicon nexi'. Maqui' wi tara cocon oro jam co taramaja mi' nonon ma', co mija tamana nana ma', co mija tiquin' ca' nanain ca 1.000 nucucun ma'.

Apocalipse 19:11

Querec ac tain na pawin pain ca pa xat ne ma'. Pe quima hwet napa' cavalo ca towo'. Wari' co xao pe nain ma', tocwan na wixicon. Co Om Mixein Camain', Co Iri'o' Taxipa', je i ma' oro wixicon. Tomi' xo' iri tata oro wari' pain oro carawa ca ara caca ne, om ca wap ximao tococwa, wap xo' e' tata. Mixita xo' tata oro co noc nonon ma', om ca mixita ximao camain' tococwa.

Apocalipse 4:1

Pi' pin iri na ca tomi' capa' ne, noro ac ta' na, querec ac tain na man ca pa xat pain pawin ma'. Tomi' mami' ac capa' na co wara tomi' napa' ma', co an xiho' nain caji taracom ca tomi' nucun ma'. Tomi' ac capa' na: Piri' qui' ra, an hwet mi' ac xim tara pain oro carawa ca maqui' ta' ma' quem, ac i ma' na ca tomi' capa' ma'.