João 1:5 - Tradução Bíblica Pacaas Novos

⁵ Pain ca ac naran ca ma', toha mi' nonon oro wari' co ac ca to cacain ca jitacat nein xim pain ca om howa cocon Iri' Jam ma', co taramaxicon ne nonon Caxicon Jam. An hwet mi' nonon con Iri' Jam co iri'o'. Om ca to' quiji' pin ac con Iri' Jam Caxicon Jam ta.

João 1:5 Iomraidhean Croise

Mateus 5:15

Noro jun wari' co tom nain naran ma' quem. Om ca tatep pa' ca pain too. Tom an hwet pe na pain maxinain. Toha mi' ac tococwa na oro wari' co to nanain xirim.

João 1:10

Co ac iri' naran ma', pe paxi' nain macan' pane. Wirico co win mu ca Iri' Jam pain ca quep qui' cain macan' cocon oro wari' pane, ane om querec pin' cocon oro wari' ne.

Atos 26:18

Ac ca to' querec pin momon tara pain tococon ma', ma' ta querec pin' cacapa'. Ac ca to' xuruxut ni ca' momon tara pain ca jitacat nein ma', pain ca xuruxut pin xin cacain naran ne ca', pain ca an to pin xin cacain ca caracat nucucun ma' quem. Taramaxicon pe ho' taramaxicon pe ho' om pin ac cocon tara Caxicon Jam, taramaxicon pe ho' pin ac cocon tara Iri' Jam ma' quem. Howa iri tatarapa' ne, xic am pin ac tococwa tara pain ca caracat nucucun, aram aram mi' mi' ac tococwa tara pain oro ca param nucun Iri' Jam ca cut to xo' mi' xun tococwa pain oro wari' nucun co to' hohot pin ca ma'. Ac i ma' na ca tomi' capa' Jeju pane.

Romanos 1:28

An to pin xun Iri' Jam, om ta mam' pe wet mami' xun ta nana. Je ca pin caca ma' ne tococwa pane. Wirico Iri' Jam pan na co pin caca ma' ne nonon pane. Coromicat pan teretem cara je ta ac tococwa na. Ara cara jein oro ca om awi wa ta ac tococwa na quem.

1 Coríntios 2:14

Om ca howa je na caca oro wari' co om nonon Tamataracon Iri' Jam. Om ca howa je na cacain ca tomi' nein. Xi tomi' ximao na ta ara cacain ta. Om ca taraju pa' ac cacain quem, xi ma' cocon Tamataracon Iri' Jam ca to' taraju pa' nonon ta.