João 1:43 - Tradução Bíblica Pacaas Novos

⁴³ Xec pin iri na ne, mao tain Galileia ta ac ca na Jeju. Mam' ac con na Filipe. Hap ra, ja' ja' ne ac con na.

João 1:43 Iomraidhean Croise

Mateus 10:3

Ma' ac ca na Filipe con Bartolomeu con Tomé ma'. Wata' quem, pain ca Mateus ta' ca'. Cut in taxipa' inain oro imposto ca pagar je tococwa oro wari' pane ira. Ma' ac ca na Tiago panxica Alfeu ma'. Ma' ac ca na Tadeu ma'.

Mateus 4:12

Taxi' pin iri non João Jeju ne, pain ca tao' pe pin tocwa ma', in mao ac cain na Galileia.

Mateus 8:22

Om na ta ac con na Jeju. Ja' ja' ho' ne pain xocori ca'. Oro win ma' ma co om howa nanapa' ma', co an xiho' nonon co cono' nana ma', wiricoco pan tatara co cut corom to pan nonon co cono' nana ta na ca tomi' con ma'.

Mateus 9:9

Mao ta' ta ac ca na Jeju, xut mao ac ca na. Xut xut, querec ac capa' na pain ca Mateus ta' ca'. Xao pe pe inain ca taramaja pe ta' ma', pain ca cut in tain oro imposto nucucun oro wari' ma'. Ja' ja' ne e' ac capa' na. Tequi' pe ac ta' na, ja' ja' ac ton na quem.

Lucas 19:10

Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.

João 1:28

Je pain Betânia ma', pain xijein cacarain Jordão ma', je ca tomi' querec pe cocon João pane. Je ca ja' to tococwa pain com oro wari' pane quem.

João 1:29

Xec pin iri na ne, querec ac con na Jeju João ma', pain ca xut hwet ton con ma'. Tomi' ac ca na: Noro jun co ma' co ac Wijimain Taramaji Ovelha nucun Iri' Jam ma'. Mi' pin pe rain maxicocon oro wari' ta non Iri' Jam pari'. Win ne wijimain taramaji ovelha ca mi' pin pe nain maxixi'. Xic am pin tain nain ca caracat nexi' ta na ca tomi' ca ma'.

João 1:35

Xec pin iri na ne, pe mami' ac cain na i cain João. To ho' urut con quem. Ma' 2 urut pain ca taxipa' urut con ca'.

João 1:37

Taraju iri urut con João ne, ja' ja' pin ac urut con na Jeju.

João 1:44

Wari' nein Betsaida na Filipe ma'. Je ca maqui' ca André con Pedro quem.

João 12:21

Mo hwet ac cocon na Filipe ma', co wari' nein Betsaida pain Galileia ma'. Querec xuxun Jeju na urut ta ac cocon na.

João 14:8

Taramaxicon ne ac ca na Filipe. An hwet mi' xut con Cote ma quem. Je ca param urut ca', om na xijein carawa ca param urut ca' na ca tomi' con ma'.

João 2:11

Je win an hwet pe cain ca hwara' opa nucun Jeju pane, pain ca ara cain ca om ara taxi' ne ca wari' wa pane. An hwet pe pe nain pain Caná pain Galileia pane. Ara iri nain ne, an hwet pe ac cain na ca awi tamana nucun pain ca Iri' Jam nucun. Howa ac urut con na pain ca taxipa' urut con ca'.

João 6:5

Noro noro ac ca na Jeju. Querec ac tococwa na oro wari' co hwet xun nonon ma'. Mija nana wari' ta. Om ca paric camain' caca. Tomi' querec ac con na Filipe Jeju: Main xi cut to xin carawa ca cao' xi' caca oro wari' cwa' quem non.

João 6:7

Mo xi ma' 200 capari' denário ca mam' cut xin capam' iri', iri' cote ne dinheiro paxi' xira, om xi xam' cocon. An an wijimain e' xirarain, om om xiroron. Om xi xam' cocon ta! Ac i ma' na ca tomi' ca Filipe.

Filipenses 3:12

Taxi' paxi' xije pain ca om om wet capa' oro ca ara mi' xim capa' Cristo Jeju cwa'. Om om wet paxi' na ca to' iri' wari' pin capa' quem. Ane win xumu cara ton ta' ne. Ma' ta aram aram ac wirico ta' ta ina. Je ca param mi' capa', je ca wari' ne capa' ca' quem.

1João 4:19

Om ca noc xun Iri' Jam, om ca noc xijexi' quem, xi om ne ca wirico pan ara ca co om noc cain' napari' ta.