João 1:41 - Tradução Bíblica Pacaas Novos

⁴¹ Pirao' hap ton aji' Simão ta ac ca na, mo hwet ac con na. Mam' urut con Messias ta aji' ac con na. Cristo na ca tomi' mao ne ca Messias wa pain capijaxut pain ca judeu urut ca'.

João 1:41 Iomraidhean Croise

Mateus 1:23

Nam' tara xojam' co om tape. Pan' qui' ac ca tara cawinacam. O' ma' ac cocon tara, Emanuel ac cocon tara ta. Ac i ma' na ca wara tomi' pe nucun pane. Pain ca Emanuel cocon ma', je i ma' wixicon pain capijaxut pain ca judeu urut ca'. Pe ho' napari' Iri' Jam ta na ca tomi' mao nein.

Lucas 2:17

Querec iri nonon pije' ne, tomi' hwet tomi' hwet pi' pin ac cocon na oro wari' pain ca tomi' nucun jam co taramaja mi' non Iri' Jam ma', pain ca tomi' hwet cocon con pije' ma'.

Lucas 2:38

Pain ca tomi' tomi' wet ca Simeão ma', je win maqui' cama Ana ma'. Xut hwet ac cacam na. Tomi' querec te inem con pije' cwa' ta Te Iri' Jam ac cama na. Tomi' hwet ac tococwa na oro wari' con pije' ma'. Tomi' hwet tomi' hwet xam' tata con co winim' nanain xec nein ca to' witan toton cocon oro wari' nein Jerusalém Iri' Jam.

João 1:45

Pirao' ac con na Natanael Filipe. Tomi' ac con na: Mam' urut con co xirao' pe ca Moisés pain ca xirao' pe cain oro capijacon Iri' Jam ca tomi' ha' je capari' pane, co xirao' pe caca oro profeta pane quem. Mam' urut con. Jeju na wixicon. Panxica José na. Maqui' nain Nazaré ta na ca tomi' con ma'.

João 4:25

Tomi' ac cama na: Maqui' ta' tara iri' taramaxicon co Messias urut, wirico Cristo ta. Main maqui' ta' tara, taxi' inon. Maqui' iri tara ne, tomi' xo' tomi' xo' pi' pin ac caparut tara pain oro ca param nucun Iri' Jam ac con na.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Atos 4:27

Iri'o' na quem Taramaxicon nuxut ac cocon na. Cut in xucucun oro taramaxicon pain Jerusalém pane. Wirico Herodes con Pôncio Pilatos cocon oro win ma' nuxut pain ca judeu urut ca', cocon oro wari' co om judeu nana ma' quem, cut in xucucun pane. Tomi' xo' ac xucucun na con Panxima Jeju co tora' ma pane, co win xumu nem pain ca tama' tomi' ha' quem pane. To' pa' pin xun ta ac xucucun na.

1João 1:3

Tomi' hwet urut pahu' pain oro ca querec urut con, je pain oro ca taraju urut con quem, ma' ta jao jao ma' maparut pain ca taxipa' xijexi' ca'. Win ne ca jao jao ma' urut con Cotere' Iri' Jam con Panxica Jeju Cristo pain ca taxipa' urut cocon ta urut pahu'.