João 1:34 - Tradução Bíblica Pacaas Novos

³⁴ Querec ara xi' inain con. Je ca tomi' hwet xuhu' ca': Panxica Iri' Jam na ta inuhu' con na ca tomi' cocon João pane.

João 1:34 Iomraidhean Croise

Mateus 11:27

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.

Mateus 16:16

Wum co Cristo ta. Panxica Iri' Jam co e' cara ma ta ac con na Simão Pedro.

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Mateus 27:40

tomi' ximama' ac cocon na quem: Wum co to' pa horohot pin tain nain cote ne xiricon Iri' Jam pane ra? Ma' 3 pin iri tara xec ne, quep mami' pan ac tain tara ta ma pane ira nonon. Je xi to' witan qui' xijem quem? Quiji' ca' ximain panajum ma' quem. Win ne ca Panxica Iri' Jam ina ma ma' na ca tomi' ximama' cocon ma'.

Mateus 27:43

Howa inon Iri' Jam ta na. Je xi to' witan ho' con quem? Tara con. Am xiram pa' con. Xi Panxica Iri' Jam ina ara ca ta na ca tomi' ximama' nucucun ma'.

Mateus 27:54

Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.

Mateus 3:17

Tomi' pan ac con na Iri' Jam. Maqui' nain pawin ca tomi' nucun. Mon cwa' panxita' co om noc camain' ta' cwa'. Hohot tamana napa' ta na ca tomi' con ma'.

Mateus 4:3

Hwet ac con na Caxicon Jam ma', co tomi' querec taxipa' pain ca caracat wa ma'. Tomi' ac con na: Ara capam' pin ximain oro pacun ca' quem. Win ne ca Panxica Iri' Jam ina ma ma' na ca tomi' querec con ma'.

Mateus 4:6

Tomi' ac con na: To' jao cun mao rain macan' cain. Win ne ca Panxica Iri' Jam ina ma ma'. Xi xirao' pe ara xine pain capijacon ma' pum: Querec wet jun ta totoron oro jam co taramaja mi' nonon pum. Quep cam' teterem pain micocon. Ma' ta om wein mao ne caximacon pain pacun ta totoron pum. Ac i ma' na ca xirao' pe xine pum ta non.

Mateus 8:29

Merem mip ac cocon na: Cain' cain' xim maparut quem Panxica Iri' Jam? Quep em' xim maparut pain ca om maqui' querec ne xec nein ca mama' jein xe xim caparut Iri' Jam ra, ac i ma' na ca merem nucucun.

Marcos 1:1

Je i ca' ca pijim' xine oro ca ara ne con Jeju Cristo Panxica Iri' Jam pain cara pane, pain ca xo' pijim' ten qui' tocwa pane.

Marcos 1:11

Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Lucas 1:35

Om na, quiji' hwet terem Tamataracon Iri' Jam ta Maria ac cam na. Pe ho' terem ca hwara' opa nucun Iri' Jam co Iri' Taramaxicon pan. Je ca iri' wari' nucun Iri' Jam ta' ca pije' co pan' ta' ma' pum. Iri' Panxica Iri' Jam ta totoron quem nam.

Lucas 3:22

Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

João 1:18

Om na wari' co querec non Iri' Jam. Om ca querec camain' tocwa. Xica' pe na iri' Panxica co an hwet mi' napari' con Cote ca. Xi jao jao ma' ara con ta. Iri' Jam pan na ta.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 10:30

Wata', Te, ca' urut, win cwere xujuxut. Ac ca xica' pe ne na xumuxut ta na ca tomi' tococwa ma'.

João 11:27

Howa ina ta Taramaxicon ne ac cama na. Howa inem pain ca Cristo ma ma', pain ca Panxica Iri' Jam ma ma', pain ca mao rain macan' ta qui' quem Cote ma pane na ca tomi' con ma'.

João 19:7

Je i ma' ira ac caca na oro taramaxicon nuxut pain ca judeu urut ca'. Na e' na pain ca mi' pin ca, xi Panxica Iri' Jam ina ta ara ca ta. Wari' co tomi' ximao ac i ma' ma', mi' pin tara ta na ca xirao' nucun Moisés ta nana pain ca merem cocon Pilatos.

João 20:28

Taramaxicon ne! Iri' Jam ne! Ac i ma' na ca tomi' con ma'.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

João 6:69

Howa urut pum. Querec pin' urut pum quem. Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca tomi' ca ma'.

Romanos 1:4

Pain ca Iri' Jam nucun pain ca om caracat nucun quem, Panxica Iri' Jam na quem. Wirico Iri' Jam co an hwet pe non pane, pain ca an hwet pe cain ca hwara' opa nucun pain ca to' e' mami' con pane. Taramaxicon nexi' Jeju Cristo cwa' ira!

2 Coríntios 1:19

Tomi' iri'o' taxipa' na Panxica Iri' Jam ma', wirico Jeju Cristo co pijim' hwet mi' xuhu' cwa', co pijim' hwet mi' cuhu' Silvano con Timóteo cwa' quem. Om ca an in camain' cain ca tomi' pe nucun Jeju Cristo pane. Ara taxipa' nain oro ca tomi' pe nucun, ac i ma taxipa' urut quem.

Hebreus 7:3

Om ca taxi' tocwa cote ca cam jicon, om ca taxi' tococwa mana cojeo' ca quem. Om ca taxi' xine xec nein ca pan' qui' nucun, om ca taxi' xine xec nein ca mi' pin nucun quem. Sacerdote cara na. Je ca an xiho' paxi' con Panxica Iri' Jam pane.

1João 2:23

Oro wari' co noc nonon Panxica Iri' Jam ma', om nonon Cotere'. Wari' co Panxica Iri' Jam na Jeju ta, ma' non Cotere' quem.

1João 3:8

Wari' nucun Caxicon Jam na co ma' co caracat taxipa' ma', xi caracat taxipa' pan ara ca Caxicon Jam ta. Wara caracat qui' ara xi' nain ca xo' tomi' ma' ten qui' xine macan' pane. Je ca maqui' cain macan' Panxica Iri' Jam quem. Ma' ta to' om pin tain oro ca ara nucun Caxicon Jam ta na pane.

1João 4:9

Mam' napari' con Panxica co xica' xat Iri' Jam pane. Ma' ta e' cara caca pum ta non pari'. Ac i ma' na ca an hwet mi' capari' pain ca om noc camain' capari' ta.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.

2João 1:9

Oro wari' co om howa cara nanain capijacon Iri' Jam ca ca' na ca Cristo pane, co tacan hwara' nanain ca coromicat pan nucucun pain ca ca' na cacain ma' quem, om ca win cwere cocon Iri' Jam. Oro wari' co howa cara nanain ma' iri nana ne, win cwere nonon Cotere', win cwere nonon Panxica quem.

Apocalipse 2:18

Tomi' ac capa' na: Xirao' mi' ron co ma' co querec wet nonon co howa to nanain Tiatira. Xirao' mi' ac i ca' ron: Je i ca' ca tomi' xim cuhu' co Panxica Iri' Jam cwa', co ac ca tom ne xe na tocon pain ca joc xec nein ma', co toc meremem caximacon pain ca an xiho' nein bronze ca xic mip xine ma' quem. Tomi' ca' xim nuhu':