João 1:23 - Tradução Bíblica Pacaas Novos

²³ Wata' co xirao' pe ca profeta Isaías cara pane ac tococwa na. Ca' na ca tomi' ca pane: Wata' co merem pe nain mahweri. Quep tan pan mi' jun pain wana Taramaxicon nuhu' inonon oro wari'. Ac i ma' na ca tomi' tococwa ma'.

João 1:23 Iomraidhean Croise

Mateus 3:3

Wirico João co xirao' pe ca profeta Isaías cara pane. Ca' na ca xirao' pe nucun pane: Ma' na wari' co merem pe nain mahweri. Wara quep xo' mi' jun pain wana Taramaxicon nuhu'. Quep tan pan mi' jun pain wana ta. Ac i ma' na ca xirao' pe nucun Isaías pane.

Marcos 1:3

Merem pe tarain mahweri. Wara quep xo' mi' jun pain wana Taramaxicon nuhu' totoron oro wari'. Quep tan pan mi' jun pain wana ta totoron quem. Ac i ma' na ca xirao' pe nucun Isaías pane.

João 1:22

Tomi' xut ta! Cain' ca wari' ma quem ac cocon na. Ma' ta tomi' hwet xut cocon co tomi' querec jun ta nanaparut pum. Tomi' xut! Cain' ca wari' ma quem nonon.

João 1:24

Caram ma' co tomi' jun caca oro taramaxicon ma', ma' nana co fariseu nana.

João 3:28

Taraju mahu' pain ca tomi' xuhu' pane: Om ca wata' ne co Cristo ta, ac i ma' na ca tomi' xuhu' pane. Tomi' e' napa' Iri' Jam pane: Wara o ron ta napa', ac i ma' na ca tomi' capa' Iri' Jam pane.