João 1:19 - Tradução Bíblica Pacaas Novos

¹⁹ Oro taramaxicon nuxut pain ca judeu urut ca', co to nanain Jerusalém pane, tomi' ac cocon na oro sacerdote cocon oro levita ma'. Mo tomi' querec jun João ma': Cain' ca wari' ma quem jun ta nonon. Ma, mo hwet ac cocon na, tomi' querec ac cocon na: Cain' ca wari' ma quem ac cocon na.

João 1:19 Iomraidhean Croise

João 1:7

Tomi' hwet roron oro wari' ma', tomi' hwet mi' roron con co ma' co ac Iri' Naran cwa'. Ma' ta howa howa pi' pin cocon ta na ca tomi' con ma'.

João 10:24

To to mam' pin ac cocon na oro taramaxicon nuxut pain ca judeu urut ca'. Tomi' querec ac cocon na: Para joc xim cara xijem ma' quem nonon. Mo ta Cristo iri'o' ma, tomi' xo' ac maparut tara ta na ca tomi' querec cocon ma'.

João 10:31

Cut mami' ac cacain na pacun oro taramaxicon ma', to' to' mi' pin xun pain pacun ta ac cocon na.

João 11:19

Je ca ma' mija caca oro win judeu urut co hwet nanam Marta cam Maria ma' quem. Quep xiho' xixim pain ca tomi' xaxa' tamana nequequem con coxa' cacama ta nanam.

João 2:18

Tomi' querec ac cocon na Jeju oro taramaxicon: Ma' co mi' nem pain ca weo hwerehwet pin momon oro wari' pain boi pain ovelha ca'? Am Iri' Jam ca co tomi' nem ma'. An hwet pe rain ca hwara' opa nem ma', pain ca ara main carawa ca om ara taxi' ne ca wari' wa ma'. Ma' ta querec pin' xut pum pain ca tomi' quem Iri' Jam ta na ca tomi' cocon ma'.

João 2:20

Cain' cain' xima quem ac cocon na. Xi quep hap cacain co taramaja nanain pane ta. Ma' 46 na cawaxi' pain ca taramaja cacain pane. 3 e' tara xec pain ca quep mami' hap main ra na ca tomi' cocon ma'.

João 5:10

Je ca tomi' cocon co ma' co quep xio wa oro taramaxicon ma': Sábado na xec ca'. Om ca na ne pain ca an main witam pain xec ca' nonon.

João 5:15

Hwet mao ac ca na. Tomi' toton oro taramaxicon ma' e' ac ca na, hwet ac tococwa na, tomi' ac tococwa na: Wirico Jeju co quep xio pin napa' ta tata.

João 5:16

Je ca quep em' xun Jeju ta cocon ma'. Xi om ne ca quep xio pin ara con wari' pain sábado ca', pain xec nein ca xao pe wa ne ca xumu wa ta nana.

João 5:18

Mana' tamana pin ac cocon na. To' pa' pin xun ta nonon. Om ca mana' e' cocon pain ca om tomi' ha' nucun pain ca taramaja cain sábado ma'. Mana' nonon pain ca Te inon Iri' Jam ta ca ma'. Iri' Jam ina xi' ma na ron, ac i ma' na ca tomi' nucucun pain ca mana' nucucun ma'.

João 6:41

Tomi' em' ac cocon na oro taramaxicon nuxut pain ca judeu urut ca'. Xi om ne ca tomi' ara cain i ca' ta, pain ca Wata' co Iri' Capam' co quiji' qui' nain pawin ta ca ma'.

João 6:52

Teretem ac caca na oro taramaxicon nuxut pain ca judeu urut ca'. Teretem nana pain ca taraju cacain ca tomi' nucun. Mija na ca mana' caca. Ma' na ca cao' jein ta ac capari' pain curucun ra? Om ca na camain' ne ta! Ac i ma' na ca tomi' caca ma'.

João 7:1

Pi' pin iri na ca pijim' nucun Jeju ne, pain Cafarnaum ma', xut mao ac cain na Galileia. Noc inain ca xut mao wa pain Judeia ta na. Xut mao ni ca' nain, xi to ara cacain i cain oro taramaxicon nuxut co to' pa' pin xun nonon ta.

João 7:11

Pirao' nonon Jeju oro taramaxicon nuxut pain ca judeu urut ca', co tomi' querec te wi nana cocon oro win ma' caca ma'. Mon wari' cara pane quem nonon oro wari'.

João 7:15

In ac tamana ac cocon na oro taramaxicon nuxut pain ca judeu urut ca'. Para taxi' tamana ca ma' ne? Xi ca' na xo' camain' tocwa pain capijacon Iri' Jam ira nana pain ca in ac cocon ma'.

João 8:22

Cain' cain' xira quem ac caca na oro taramaxicon nuxut pain ca judeu urut ca'. To' pa' pin xije tara ron? Je ca tomi' ac i ma' capari' pain ca om ta na cuhu' pain ca hwet xun mahu' pain ca pe ta' ta' ca' napari' ron na ca tomi' querec xucucun ma'.

João 8:48

Tomi' ac cocon na Jeju oro taramaxicon ma'. Iri'o' na ca tomi' urut pum pane ac cocon na. Caxicon wari' ma. Ac wari' nein Samaria ma. Corom pe ho' quem Caxicon Jam ma' ira nonon.

João 8:52

Taxi' pin urut pum pain ca corom pe ho' quem Caxicon Jam ma' ta ac cocon na. Pain cara pane ca mi' pin ca hwanana nuxut Abraão pane. Pain cara pane ca cono' caca oro profeta pane quem. Je xi om tomi' ac i ma' ma pain ca wari' co tomi' ha' nain ca pijim' ne ca', om ta mi' pin camain' ca ta ma ma' quem? Cain' cain' xima quem?

João 8:57

Cain' cain' xima quem? Om ca hwet querec main ca 50 ne cawaxi' nem ta. Ma' na ca querec ac mon Abraão cara pane na ca tomi' cocon ma'.

Atos 13:25

Maqui' pin ta' iri na xec nein ca taramaja taramaja om pin ca João ne, tomi' ac tococwa na oro wari': Cain' ca coromicat mi' mahu' quem? Wirico tara co winim' iri' cwa', co wara tomi' pe mi' capari' Iri' Jam pane mahu' ra? Ac i ma' na ca coromicat mi' mahu' ra? Om ca wirico ta' ta. Wara maqui' paxi' ina, ane maqui' ta' pa'ao' ca xucun co hwara' opa tamana ma'. Iri' wari' na. Om ca hohot ne pain ca tacom' mi' ton pain macorinain caji caximacon ma', xi iri' wari' ta' ta na ca tomi' ca João pane.

Atos 19:4

Tomi' xo' ac tococwa na: João cara pane, ja' nonon pain com oro wari' co cwirin' pin nanain ca caracat nucucun pane, co an to pin nanain ca caracat nucucun pane. Tomi' ca' nonon quem: Main maqui' tara pa'ao' xucun ma', Jeju ma'. Wirico tara co howa hwe ta nonon oro wari' João pane, tomi' xo' ac i ma' nonon Paulo ma'.

1João 1:5

Je i ca' ca pijim' caparut Jeju pane. Tomi' hwet ac urut pahu' pain na quem. Ca' na ca tomi' nucun: Iri' naran na Iri' Jam. Om ca ma' camain' con ca jitacat nein xim.