Biblia Todo Logo
Bìoball air-loidhne

- Sanasan -




João 1:18 - Tradução Bíblica Pacaas Novos

18 Om na wari' co querec non Iri' Jam. Om ca querec camain' tocwa. Xica' pe na iri' Panxica co an hwet mi' napari' con Cote ca. Xi jao jao ma' ara con ta. Iri' Jam pan na ta.

Faic an caibideil Dèan lethbhreac




João 1:18
41 Iomraidhean Croise  

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.


Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.


Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.


Xirao' ac i ma' na Isaías pane. Xi om ne ca wara querec ara cain ca hwara' opa nucun Jeju pain ca awi tamana nucun ta. Tomi' hwet ac cain na quem.


Iri' win ma' ne napa' Jeju. Xao pe ja' pan inon.


Cain' cain' xima quem Filipe ac ca na Jeju. Pain cara pane ca pe ho' xuhu' ca'. Om ca querec pin' querec mapa' ra? Wari' co querec napa', querec ac con na Te. Para an hwet mi' xut con Cote ma mapa' ma' quem?


Wara to' querec pin' inonon pain ca hwara' opa nem pain ca Iri' Jam nem. To' querec pin' cara toton pum quem. Ma' ta win cwere toton. Ma' ta om noc xucucun. Win ne ca om noc mapa' ma' quem. Ac i ma' na ca tomi' con Cote ca pain ca tomi' mi' caparut con pane.


Oro wari' co tora' ma pain macan' ca', co mi' mapa' cwa', an hwet mi' inonon pain ca hwara' opa nem pain ca Iri' Jam nem ta ac con na. Wara wari' ne momon, mi' ac mapa' cocon na. Tomi' ha' nanain capijam quem.


Warut pain ca pijim' urut pahu' ca', tomi' hwet paxi' urut pahu' pain ca taxi' nuxut. Tomi' hwet paxi' urut pahu' pain ca querec nuxut quem. Ane om howa jein na hwein ca tomi' nuxut ne. Tomi' iri'o' inem ta.


Taraju pa' hwe? Wari' co taraju non Te ma', taraju e' non. Om ca querec con. Xi ma' ca wari' co querec non Te cwain. Xica' pe ina pain ca maqui' tain ca pe pan ca Te cwain, wara querec inon ta.


Wirico Caxicon Jam co ac Iri' Jam nonon oro co om howa nonon Cristo ma', wirico co to' i'ina nonon pain ca coromicat xo' nucucun. Ac ca to' om pin cain na tococon pain ca om coromicat nucucun. Ma' ta om taraju pa' hwe ta nonon. Ma' ta om querec pin' hwein naran nein capijacon Iri' Jam ca an hwet pe nain ca toc meremem nucun Cristo pain ca hwara' opa tamana nucun ma' nonon. Wirico Cristo ara xi' na co an tan pan non Iri' Jam ma', iri' wirico na.


Om paxi' na ca querec ac tocwa Iri' Jam, ane querec pan tocwa Cristo ne. An tan pan non Iri' Jam, ac iri' wirico na. Wara ma' na pain ca om om wet ne oro carawa pane. Iri' Taramaxicon na, hwara' opa tiquin' ca' nain oro ca tomi' ma' pin ca Iri' Jam quem.


Je ca na e' ne pain ca tomi' querec te tamana cara xun Iri' Jam ta. Xica' pe na Iri' Jam co taramaxicon cara. Om ca mi' pin ra ha' ca. Om ca querec tocwa quem. Na e' na pain ca in ac cara xun ta. Na e' na pain ca querec pin' cara xun pain ca awi tamana nucun ta. Amém, iri'o' na ca tomi' ne ta.


Xica' pe na Iri' Jam co om mi' pin ra ha' ma'. Pe ho' nain naran ca toc meremem tamana. Je ca om xut hwet ac tocwa. Om na wari' co querec non. Om ca querec ac tocwa quem. Na e' na pain ca querec pin' xun pain ca awi cara nucun ma', je pain ca hwara' opa cara nucun ma' quem. Amém, iri'o' na ca tomi' ne ta.


Om paxi' na ca querec tocwa Iri' Jam. Ane taxi' xin i ca' ne: Mo ta om noc caracan xijexi', win cwere cara pan ac capari' na, an hwet pe pin ac xin na ca om noc iri'o' capari' pain ca wari' nexi' ca.


Wari' co tomi' ca' ma', om ca noc ton Iri' Jam ta, am tomi' ac i ma' paxi' ca pain ca noc con win howa ca ma'. Cain' cain' xira quem? Xi mixein ara ca ta. Noc iri non win howa ca co querec ca ma' ne, om ca ha' con pain ca om noc ac con Iri' Jam co om querec ca ma' quem.


Mam' napari' con Panxica co xica' xat Iri' Jam pane. Ma' ta e' cara caca pum ta non pari'. Ac i ma' na ca an hwet mi' capari' pain ca om noc camain' capari' ta.


Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.


Lean sinn:

Sanasan


Sanasan