João 1:15 - Tradução Bíblica Pacaas Novos

¹⁵ Tomi' hwet nonon oro wari' João pane, tomi' hwet mi' nonon con co ma' co capijacon Iri' Jam na wixicon. Ca' na ca tomi' cocon pane: Wirico co tomi' hwet xuhu' pane. Tomi' ca' inuhu' pane: Wara maqui' ina. Maqui' ta' pa'ao' na xucun co hwara' opa tiquin' ca' napa'. Xi om ne ca wara ma' ara ca pain ca om pan' querec ta' pane na ca tomi' tococwa ma'.

João 1:15 Iomraidhean Croise

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Marcos 1:7

Ca' na ca pijim' nucun: Maqui' ho' tara wari' co hwara' opa tiquin' ca' napa'. Iri' wari' na. Om ca hohot camain' ne pain ca wina quiji' mi' ton pain ca tacom' mi' ton pain macorinain caji caximacon ma', xi iri' wari' ta' ta.

Lucas 3:16

Ane tomi' xo' ca' cocon João ne: Ja' paxi' inuhu' pain com ta, ane maqui' ta' ca xucun co hwara' opa tiquin' ca' napa' ne. Iri' wari' na. Om ca hohot ne pain ca taramaja mi' ton, om xi quep xiho' camain' ton pain ca tacom' mi' ton pain macorinain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

João 1:27

Wirico co wara tomi' hwet xuhu' pane. Tomi' ca' inuhu': Wara maqui' ina. Maqui' ta' pa'ao' na xucun na ca tomi' xuhu' con pane. Iri' wari' na. Om ca hohot ne pain ca tacom' mi' ton pain macorinain caji caximacon ma', xi iri' wari' ta' ta na ca tomi' tococwa ma'.

João 17:5

In hwet ho' xim inem ta Te ac con na. In hwet iri xim ne, an hwet pe mami' ac main tara ca awi tamana ne pain ca Iri' Jam ne ca wara ma' napa' pain ca pe ho' pe ho' wet xim pain cara pane, pain ca om ma' querec ne macan' pane non.

João 8:58

Je ca tomi' xuhu' ca', tomi' iri'o' inuhu' ta ac tococwa na. Wata' co wara ma' pane. Wara ma' ca' inon Abraão pain ca om pan' querec ne ca pije' nucun pane ta na ca tomi' tococwa ma'.

Colossenses 1:17

Wara ma' ma' xam' ca' nain oro carawa Cristo, wirico co to' teren nain. Wara ma' ma' xam' ca' nonon oro wari' cocon oro jam ma' quem, to' teren to' teren pi' pin nonon. Wara ma' na pain ca om tomi' ma' querec tocwa wari' cocon oro jam ma' quem.

Hebreus 13:8

Om ca xin in camain' ca Jeju Cristo. Om ca xin in ca pain cara pane, om ca xin in ca pain xocori ca', om ta xin in ca pain oro cawaxi' ca maqui' ta' ma' quem. Wirico cara tara, om ta xin in camain' ca ta.

Apocalipse 1:11

Tomi' ac capa' na: Xirao' pe ra pain tapari carawa oro ca querec ta' ma ma'. Mam' ac momon pain tara oro co howa nanapa' ma', co cut in xucucun pain oro cidade ma', ca ma' 7 ma'. Mo na oro cidade nucucun: Éfeso ma', Esmirna ma', Pérgamo ma', Tiatira ma', Sardes ma', Filadélfia ma', je Laodiceia ma' quem. Ac i ma' na ca tomi' capa' pane.

Apocalipse 2:8

Tomi' ac capa' na: Xirao' mi' ron co ma' co querec wet nonon co howa to nanain Esmirna. Xirao' mi' ac i ca' ron: Je i ca' ca tomi' xim cuhu' co ma' cain' pane, pain ca om om wet ne oro carawa pane, co ma' cara ta' ma' quem, pain ca win pi' pin ta' ne oro carawa quem, wirico co mi' pin pane, co e' mami' ma' quem. Tomi' ca' xim nuhu':