João 1:12 - Tradução Bíblica Pacaas Novos

¹² Oro wari' co tomi' querec te nonon ma' iri nana ne, co howa nonon ma', mi' tata pain ca mana panxica Iri' Jam pin caca.

João 1:12 Iomraidhean Croise

Mateus 10:40

Wari' co tomi' querec te nuhu' ma', tomi' querec te napa' quem ac caparut na. Wari' co tomi' querec te napa' ma', tomi' querec te non co cwain co hwet roron oro wari' pain macan' ta napa' quem.

Mateus 12:21

Howa ac cocon tara oro wari' co to nanain oro xijein macan' ma' quem. Ac i ma' na ca xirao' pe ca profeta Isaías con Jeju pain cara pane ta.

Mateus 18:5

Noro jun pije' cwa', co om hwara' opa cwa' ac caparut na. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na quem.

João 1:11

Pe paxi' nain macaracon, ane om tomi' querec te cocon oro win ma' ca ne.

João 1:7

Tomi' hwet roron oro wari' ma', tomi' hwet mi' roron con co ma' co ac Iri' Naran cwa'. Ma' ta howa howa pi' pin cocon ta na ca tomi' con ma'.

João 11:52

Pain ca mi' pin caho' totoron oro win ma' caca ma', om ca tomi' e' tococwa oro win judeu urut. Tomi' tata oro wari' nucun Iri' Jam co cut in toton ca ma' quem, co wawaran to nanain oro xijein macan' ma' quem. Ma' ta win ma' ne xucucun ta na. Ac ca nari xucucun tara ta na.

João 2:23

Pe pe wet nain Jerusalém Jeju pain oro xec nein Páscoa ma', pain ca tomi' querec te wi urut pain ca judeu urut ca'. Mija pin nana oro wari' co howa nonon quem. Howa nonon, xi om ne ca querec ara cacain oro ca ara ca pain ca an hwet pe cain ca hwara' opa nucun pain ca ara cain oro carawa ca om ara taxi' ne ca wari' wa ma'.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

João 3:18

Oro wari' co howa nanapa' ma', om ca tomi' mi' tococwa pain wap wa pain ca caracat nucucun. Oro wari' co om howa nana ma' iri nana ne, wara tomi' mi' tata pain ca wap wa pain ca caracat nucucun. Xi howa cacapa' pain ca xica' xat ta' pain ca Panxica ta' ca'.

Atos 3:16

Wirico Jeju co to' xio pin non wari' cwa'. Querec hun. Querec pin' hun quem. Awi pin na, xut pin na, xi om ne ca howa ara urut con Jeju ta. Querec querec xam' hun ma' ira tata.

Romanos 8:14

Wari' pain ca o mama' capari' Tamataracon Iri' Jam ca', mana panxica Iri' Jam mana panxica Iri' Jam pi' pin iri' quem.

Romanos 8:16

Pain ca Te pin xun Iri' Jam cwa', je Tamataracon ca tomi' xo' nain ximixi'. To' taxi' napari' pain ca mana panxica Iri' Jam pin iri' ca'.

Romanos 8:19

Winim' non Iri' Jam oro carawa ca tomi' ma' pin ca ca'. Winim' non pain ca aram aram cut hwerehwet to xim capari' pain ca aram aram momon cwa' mana panxita' cwa' xim capari' ca'. Mija na ca winim' con, winim' cara non, jain jain na, param tamana non pain ca cut hwerehwet to xim capari' ca'.

Gálatas 3:26

Je ca tomi' xuhu' ca'. Wahu' pain ca judeu hwe ma', wahu' pain ca om judeu hwe ma' quem, mana panxica Iri' Jam mana panxica Iri' Jam pi' pin hwe, xi om ne ca howa ara hun Cristo Jeju ta.

Gálatas 4:6

Mana panxica Iri' Jam iri' ca' ira. Je ca mam' capari' pain Tamataracon Panxica. Corom pe rain ximicocon ta nain pari'. Je Tamataracon Panxica ca tomi' wi napari' pain ca Te Iri' Jam xun Cotere' cwa' quem.

Colossenses 2:6

Je ca tomi' xuhu' ca'. Xuruxut xo' xuruxut xo' tiquin' je pain ca win cwere hun Cristo Jeju ma'. Win ne ca howa hwein ca pijim' xihwe con, pain ca Taramaxicon na ta xihwe con pane.

2 Pedro 1:4

Je ca mam' ara mi' capari' pain oro ca wara tomi' pe ca pane. Awi tamana na oro ca wara tomi' pe nucun, om ca em' camain' ne, hohot tamana na oro ca param mi' capari'. Ma' ta witan ca' hwein oro ca to' em' nuhu' ma', ca maqui' nein oro ca param pan tem wa pain macan' ca' napari'. Ma' ta an xiho' mahu' pain ca ara xo' ne pain ca Iri' Jam ne ta napari' quem.

1João 3:1

Taraju pa' xin i ca' e': Om ca noc camain' capari' Cotere' Iri' Jam ta, xi mana panxita' inuhu' ara capari' ta. Te urun ma' ira! Oro wari' co om howa nonon ma', om ca querec pin' cacapari' pain ca mana panxica Iri' Jam iri' ca', xi querec pin' pan cocon quem.

1João 3:10

Je i ca' ca to' querec pin' napari' ca jimama' ca' xucucun mana panxica Iri' Jam cocon mana panxica Caxicon Jam: Wari' co om ara xo' taxipa' ma', co noc non win howa ca ma' quem, om ca panxica Iri' Jam ca co ma'.

1João 3:2

Je ca tomi' xuhu' pain ca tomi' querec te xuhu' ca'. Mana panxica Iri' Jam iri' pain xocori ca', pain ca to to wet xin macan' ca'. Om ca an hwet mi' querec capari' pain ca cwere mama' xi' iri' pain ca to' jimama' xim capari' ca'. Ane taxi' xin i ca' ne: In qui' iri tara Cristo ne, ac wirico pin ac iri' tara, xi om ne ca querec xun ara xi' pain iri' curucun pain iri' ca e' nucun ta.

1João 3:23

Je i ca' ca ara je capari': Howa jun Panxita' Jeju Cristo cwa' napari'. Tomi' querec te taxipa' xujuhu' ta napari' quem. Je ca ara je capari'.