João 1:11 - Tradução Bíblica Pacaas Novos

¹¹ Pe paxi' nain macaracon, ane om tomi' querec te cocon oro win ma' ca ne.

João 1:11 Iomraidhean Croise

Mateus 15:24

Om ca hwet roron co om judeu nana ta capa' Iri' Jam quem ac caparut na. Hwet e' roron oro judeu co an xiho' nanain ovelha ca pan' ara'am ca' non waximain napa' ta na ca tomi' caparut ma'.

Lucas 19:14

Ane noc cocon oro win ma' ca ne. Noc nonon pain ca taramaxicon pin ta' ca ma'. Je ca tomi' xo' xucucun: Tora' paric xuxun oro win ma' nexi' cwa'. Hwet ac cocon tara iri' taramaxicon cwain, tomi' ac cocon tara: Noc urut con pain ca taramaxicon pe ho' caparut win ma' nuxut pum ta totoron, tomi' ac i ma' totoron iri' taramaxicon cwain ta nana.

João 1:10

Co ac iri' naran ma', pe paxi' nain macan' pane. Wirico co win mu ca Iri' Jam pain ca quep qui' cain macan' cocon oro wari' pane, ane om querec pin' cocon oro wari' ne.

João 1:12

Oro wari' co tomi' querec te nonon ma' iri nana ne, co howa nonon ma', mi' tata pain ca mana panxica Iri' Jam pin caca.

João 19:27

Na' ram quem ac capa' na quem. Ma ac ton na, an mao ac tam na pain xuru. Pe ho' ne pain xuru ca' ac tam na, pe ho' ac capa' na quem.

João 3:32

Tomi' hwet paxi' nain ca querec pe cain pawin cain. Tomi' hwet paxi' nain ca taraju pe cain i cain quem. Ane om caca wari' co howa nanain ca tomi' nucun ne.

Atos 13:26

Taraju wet je me xere ac tococwa na. Wahu' pain ca waram winacon Abraão hwe ma', wahu' pain ca tomi' ha' taxipa' hun Iri' Jam pain ca om judeu hwe ma' quem, taraju wet je me. Iri' Jam ma', mi' pan napari' pain ca taraju wa capijacon con Jeju. To' witan ca' xim nuhu' pain ca caracat nuhu' Jeju ta napari'.

Atos 13:46

Tomi' mip pan ac cocon na Paulo con Barnabé ma'. Om ca tomi' jin' camain' caca, tomi' ca' tata: Na e' na pain ca pijim' cain' xihwe pain ca judeu hwe ma'. Je ca pijim' urut pahu' ca', pijim' urut pahu' pain capijacon Iri' Jam con Jeju. Ane noc hwein ne. Je ca querec pin' xihwe pain ca om na ne pain ca mi' xihwe pain ca e' cara wa ta. Je ca in ca' xim urut pahu' ca'. An to pin xut pahu'. Pijim' e' xut cocon co om judeu nana cwa'.

Atos 21:6

Mama' urut ta ac urut cacam na, je i ma', mama' je e' ac cacaparut na. Corom mama' ac urut pain na mam' horoho wa ma', in mama' ac cacamain na xiricacam.

Romanos 15:8

Mam' pe wet jein i ca': Quiji' hwet roron oro judeu, quep xiho' roron ta non Cristo Iri' Jam pane. Ma' ta querec pin' cacapa' pain ca om mixein ne non. Ma' ta ara tain oro capija ca wara tomi' pe toton oro hwanana nucucun pane non.

Romanos 9:1

Iri'o' na ca tomi' xim xuhu' ca', xi win cwere ara ton Cristo ta. Om ca tomi' mixein ta'. Tomi' napa' pain xumu Tamataracon Iri' Jam. Om ca tomi' mixein ma ta napa'.

Romanos 9:5

Hwanana ne nonon Abraão con Isaque con Jacó cara pane. Wiricoco oro win ma' ne nana co nari paxi' nonon Cristo quem. Pain ca wari' nucun Cristo pane, win ma' ne nonon. Ane Iri' Jam pan ca ne. Taramaxicon pe ho' taramaxicon pe ho' pi' pin nonon oro wari'. Taramaxicon pe ho' taramaxicon pe ho' pi' pin nain oro carawa ma' quem. Tomi' an hwet cara xin ca awi nucun ta. Amém, iri'o' na ca tomi' ne ta.

Gálatas 4:4

Ane maqui' pa' capari' iri' xec nein ca coromicat an pe xo' ca Iri' Jam ne, pain ca mam' xim xuhu' con Panxita' cwa' capari' pane. Hwet roron oro wari' pain macan' ta non pari'. Wari' pin na, wari' na jicon co wijima non. Judeu na quem, tomi' ha' taxipa' nain ca xirao' nucun Moisés pane.