Hebreus 3:3 - Tradução Bíblica Pacaas Novos

³ Hohot paxi' na pain ca querec pin' tocwa Moisés pain ca taramaja xo' nucun pane, ane hohot tamana pan ne pain ca querec pin' tocwa Jeju ne, pain ca taramaja xo' tiquin' ca' con Moisés pane. Win ca wari' co quep nain xirim ma'. Hohot paxi' na pain ca querec pin' xine xirim pain ca quep awi xine ma', ane hohot tamana pan ne pain ca querec pin' tocwa wari' co taramaja xo' pain ca quep cain ne.

Hebreus 3:3 Iomraidhean Croise

Mateus 16:18

Je ca tomi' xim ca' Simão ac con na. Pedro na xijein wuxum. Xi om ne ca ac pacun ara ma ta. Je ara xi' na ca tomi' mao nein wuxum. Ca tomi' hwet nem ma' quem, pain ca howa inem pain ca Cristo ma ma', pain ca Panxica Iri' Jam ma mapa' ma', ac iri' cote ne pacun na. Oro wari' co howa ac i ma' xi' nanapa' ma', iri' wari' ne ac toton tara, to' hwara' opa ac toton tara quem. Om ta to' quiji' pin ac cocon Caxicon Jam co taramaxicon pe ho' nonon oro win caxicon jam ca quem.

1 Coríntios 3:9

Je ca tomi' xuhu' ca': Taramaja wi urut con Iri' Jam cwa'. Wahu' iri na ne, ac totacon hwe pain ca taramaja mi' urut pahu'. Ac xiricon hwe quem.

2 Coríntios 3:7

Tomi' xin ca wara tomi' xo' nucun Iri' Jam pane, ca xirao' pe xine pain pacun pane. Om ca to' witan ac tococwa oro wari' co tomi' ha' xin paxi' nanain ma', xi tomi' ha' taxi' cacain ta. To' cono' pin tata. Ac i ma' paxi' na cocon, ane awi pan ne ca wara tomi' xo' nucun pane ne. Hwara' opa na quem. Tomi' xo' mi' iri non pain Moisés Iri' Jam pane ne, toc meremem pan ac ca na pain ca hwara' opa nucun. Toha mi' non Moisés, toc meremem pan ac ne na tocon quem. Om paxi' na ca toc meremem cara ne con Iri' Jam pane. Ane om ha' cocon ca noro cacain tocon oro wari' nein Israel quem ne.

Colossenses 1:18

Wirico co taramaxicon pe ho' napari' pain ca howa xun ca', taramaxicon pe ho' napari' pain ca ac curucun iri' ca'. Wirico co to' e' napari', xi om ne ca wirico ara ca co e' mami' cain' ta. Ma' ta Iri' Taramaxicon ma ta non Iri' Jam.

Hebreus 2:9

Ane taxi' xun Jeju ma' ne, pain ca querec pin' tocwa pain ca awi tamana nucun ma', je pain ca in ac tamana tocwa ma', xi om ne ca mi' pin caho' ara capari' ta. Xiram pa' ara xi' napari' Cote ca ma'. Je ca tomi' ca' con pane: Mi' xim pain ca hwara' opa tiquin' ca' quequem oro jam co taramaja mi' nanapa' cwa'. Ma' ta mi' pin caho' momon oro wari' ta non. Om ta momon hwara' opa tiquin' ca' quequem, to' hwara' opa hap mami' ac xim tara ta, ac i ma' na ca tomi' con pane.

Hebreus 3:4

Oro xijein xirim ma', ma' ma' xam' ara xi' nain wari' co quep nain. Ane wirico Iri' Jam pan ca co tomi' ma' tomi' ma' pi' pin nain oro carawa ne.

Hebreus 3:6

Cristo cwa' iri na ne, co taramaja xo' taxipa' ma', querec wet xo' nain xiricon Cote ca, xi om ne ca iri' panxica ara ca ta. Xiricon Iri' Jam iri' quem. Je ca tomi' xuhu' ca'. Mo ta howa cara urun pain ca winim' xin oro carawa ca mi' xim capari' Iri' Jam cwa', xiricon ac iri' na ta.