Hebreus 2:3 - Tradução Bíblica Pacaas Novos

³ Je ca tomi' xuhu' ca'. Mo ta miri'om xun Jeju pain ca to' witan pin xim capari', ma' tara ca witan ac iri' ra? Wirico Taramaxicon nexi' pan ara xi' na co pijim' hwet cain' nonon pain oro wari' ca to' witan pin xun wawa pane, tomi' hwet ac cacapari' pain na oro co taraju nonon. Iri'o' na ca tomi' nucun ta nanapari'.

Hebreus 2:3 Iomraidhean Croise

Mateus 23:33

Mija hwe xin ta ac tococwa na. An xiho' hun em' co huru caxi. Ma' na ca witan ca' ac hun Iri' Jam pain ca wixicaracao' mi' xim cuhu' pain cote ne xe ra?

Mateus 4:17

In mao iri nain Galileia Jeju ne, pijim' pin ac ca na, je win pijim' pin ca pane. Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na ca pijim' nucun.

Marcos 1:14

Tao' pe pin iri ta João ma' ne, mao ac cain na Galileia Jeju. Pijim' ac cain na capijacon Iri' Jam ca tomi' hwet napari' pain ca to' witan xim capari' ca'.

Lucas 1:69

Mi' napari' con wari' co hwara' opa tamana, co to' witan xim napari'. Iri' hwanana ne non taramaxicon Davi cara pane, co taramaja mi' non pane.

Lucas 24:19

Ma' carawa ca ara ne quem ac con na. Om na, tomi' xujuxut pain carawa ca ara non Jeju co maqui' nain Nazaré pane ac caca na. Profeta na Jeju pane, pijim' hwara' opa na pane. Ara nain carawa ca om ara taxi' ne ca wari' wa quem. Hohot non Iri' Jam, in ac in ac pi' pin nonon oro wari' quem.

João 15:27

Tomi' hwet pan ac mahu' tara cocon oro wari' quem. Xi wara to ho' ara mahu' pain cara pane, pain ca xo' pijim' qui' xuhu' pain cara pane na ca tomi' caparut ma'.

Atos 2:22

Taraju wet xine me oro win ma' ne pain ca wari' nein Israel iri' ca' ac cocon na oro wari' Pedro. Tomi' hwet xuhu' con Jeju cara pane, co maqui' nain Nazaré pane. Taxi' hun pain ca tora' iri'o' con Iri' Jam pane, xi mi' ara con pain ca ara cain carawa ca om ara taxi' ne ca wari' wa pane. Wa wa tamana hun quem. Xi querec ara hun pain ca ara cain ta. Querec pin' hun pain ca hwara' opa nucun quem.

Atos 4:12

Je ca tomi' xuhu' ca' ac tococwa na. Xica' pe na Jeju co to' witan taxi' napari'. Om na xucun co to' witan roron oro wari' ta ca Iri' Jam pari', om om na pain oro xijein macan' pain pira quem. Xica' pe na Jeju co to' witan taxi' napari'. Ac i ma' na ca pijim' cocon oro taramaxicon Pedro ma'.

Romanos 11:14

Am to' hehe pin toton, am to' jain jain pin toton, ac i ma' na ca param ne cocon oro win judeu ta' cwa'. Jain jain xirarain ca witan wa na inonon. Tomi' ca' xirara na inonon quem: Win caca oro co om judeu nana ma', witan pin xi' quem, ac i ma' xirara na inonon. Coromicat ca' inonon: Ma' xirara na inonon oro xucucun co to' witan pin ca Iri' Jam pata' na ca coromicat ne cocon oro win judeu ta' cwa'.

Romanos 2:3

Wum pain ca tomi' em' momon ma', tomi' em' paxi' momon oro wari' co pan teretem nana ma'. Ane pan tem pan ma quem ne. An xiho' momon. Cain' cain' xima quem? Cain' cain' ne ca coromicat nem ma' quem? Om ta wap capa' pain ca pan tem ne ca' ma' mon Iri' Jam ra?

1 Coríntios 1:21

Om ca querec pin' pan ac cocon Iri' Jam oro wari', om ca mam' querec pin' ac cocon pain ca coromicat pan nucucun. Wirico Iri' Jam co narain ho' nonon pain, maqui' nain ximicon pain ca coromicat xo' nucun. Ca' na con: Pijim' ximama' hwe ta paxi' tata co pijim' nanain capija ca'. Je i ma' ira, hohot napa' pain ca pijim' mi' tococwa pain capija oro wari' ta, ma' ta to' witan toton co howa nanapa' ta na.

1 Tessalonicenses 5:3

Maqui' ta' iri tara xec nucun ne, ca' ac ne tara ca coromicat nucucun: Om na xin carawa ca to' i'ina napari' ne? Om na wari' co mana' nanapari', hohot tamana napari' oro carawa, ac i ma' tara ca coromicat ximama' caca ma'. Ame hwe e', ane ane maqui' pa' ac cocon tara ca jain jain tamana wa pain ca wap xun tococwa. Win ne ca ane ane caxi cama narima' pain ca pan' ta' ca cawinacam ma', ac i ma' tara ca ane ane maqui' pa' cocon ca jain jain wa. Om ta witan ca' camain' cacain ta.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

Tito 2:11

Na e' na pain ca xuruxut xo' ac i ma' caca co howa nonon Jeju ta. Xi an hwet mi' ara capari' pain ca awi nucun Iri' Jam ma', pain ca mi' capari' pain ca querec pin' xun ca', pain ca xiram pa' e' capari' ca', pain ca to' witan to' witan pi' pin xuhu' ta capari' ca'. Om xi to' witan capari', xi iri' wari' iri' ta. Ane xiram pa' pan capari' ne. To' witan pan xuhu' ta napari'.

Hebreus 1:1

Wirico Iri' Jam co tomi' nonon oro hwanana nexi' pain cara pane. Tomi' ho' tomi' ho' tata, mija nana oro profeta co tomi' hwet jujun pain capija ta ca pane, ac i ma' na ca tomi' cocon oro hwanana nexi' pane.

Hebreus 1:14

Cain' cain' caca oro jam co taramaja mi' nonon quem? Om ca tomi' ha' tomi' ha' pi' pin cocon Iri' Jam pain ca quep xiho' jujun oro wari' co to' witan xuxun ta tococwa ra? Je i ma' ca taramaja nucucun ma' ira!

Hebreus 1:2

Pain xocori ca' iri na ne, pain ca tomi' xim capari' ca', wirico Panxica co tomi' hwet roron pain capija ta ca quem. Wirico Panxica co tora' ca pain ca mene rain oro carawa ta con pane quem. Wirico Panxica co win mu ca pain ca to' ma' qui' cain macan' je pawin, je oro caramajinain ca' quem.

Hebreus 12:25

Ma' tara xumuhu' me. Taraju wet jun Iri' Jam co tomi' nuhu' cwa', ta ari hun me. Noro jujun oro hwanana nexi' cara pane, co om taraju wet jun na nonon pain ca hu to tococwa pain macan' pane. Wap tata, om ca witan ca' cocon Iri' Jam pain ca wap toton cocon pane. Wari' pain xocori ca' iri na ne, mo ta om taraju wet xun Iri' Jam co pe pawin cain, mo ta ari xun pain ca hu capari' ca', ma' tara ca witan ca' ac xun pain ca wap xim capari' ra? Om na ta. Wap tamana tarapari' ta.

Hebreus 4:1

Wara tomi' pe mi' napari' pain capijacon Iri' Jam pane, pain ca mi' xuhu' pain ca xao to wa hwein xumuhu' ta capari' pane. Tomi' tomi' wet napari' quem. Je ca na e' ne pain ca ma' ne ximixi' ca'. Ma' ta om ma' camain' ca win ma' nexi' co om ha' non pain ca xao pe wa ne ximicon ma', pain ca am mi' xim capa' pain ca xao pe wa ne xumu Iri' Jam cwa', am om mi' xim capa' pain ca ma'.

Hebreus 4:11

Je ca tomi' xuhu' ca'. Howa xun Iri' Jam, jain jain xun, ma' ta mi' capari' pain ca xao to wa xin ximixi' ta. Ma' ta om ma' camain' ca win ma' nexi' co pan' mao ma', pain ca om tomi' ha' nucun ma'. Noro jujun oro hwanana nexi' co om tomi' ha' je na nana pain cara pane. Om ta an xiho' xuxun ta.

Hebreus 5:9

Pi' pin iri na ca taramaja nucun ca ara ra con Cote ca ne, pain ca hohot pin mapa' ta con ma', ha' pin ac con na pain ca to' witan cara tococwa oro co tomi' ha' nonon.

Hebreus 9:28

Ac i ma' na Cristo pain ca mi' pin nucun quem. Mi' pan xucun con Iri' Jam, om ca ara mami' cain, om ca mi' pin mami' ca quem. Ma' ta to' om pin tain ca caracat nucucun oro wari' co mija nana ta na. Maqui' mami' tarain macan' quem. Maqui' mami' iri tara ne, om ta to' om mami' cain ca caracat nexi'. To' witan xuhu' pain ca winim' mahu' ta napari'.

1João 1:1

Xirao' mi' urut pahu' con Jeju Cristo co wara ma', pain ca om om wet ne macan' pane, co ma' ma' wet pain xocori ca' quem. Taraju urut con, querec urut con pain tocoxut. Querec pin' urut con, quep urut con pain muxut quem. Je ca tomi' hwet urut pahu' con. Wirico co capijacon Iri' Jam ma', co an hwet mi' napari' pain ca om pi' ra ha' ne ca e' wa ta.

Judas 1:17

Ane tomi' xim xuhu' pain i ca' ne, tomi' inuhu' pain ca tomi' querec te xuhu' ca'. Mam' pe wet jein ca wara tomi' caca oro apóstolo co tomi' hwet nanain capijacon Taramaxicon nexi' Jeju Cristo pain cara pane.

Apocalipse 7:10

Merem mip ac caca na: Tomi' querec te xun Iri' Jam nexi' cwa', co xao pe pe nain ca mam' xao pe nucun ma', Tomi' querec te xun co ma' co ac Wijimain Taramaji Ovelha ma' quem. Wiricoco nana co to' witan nanapari' ta. Ac i ma' na ca merem mip caca ma'.