Hebreus 1:2 - Tradução Bíblica Pacaas Novos

² Pain xocori ca' iri na ne, pain ca tomi' xim capari' ca', wirico Panxica co tomi' hwet roron pain capija ta ca quem. Wirico Panxica co tora' ca pain ca mene rain oro carawa ta con pane quem. Wirico Panxica co win mu ca pain ca to' ma' qui' cain macan' je pawin, je oro caramajinain ca' quem.

Hebreus 1:2 Iomraidhean Croise

Mateus 13:39

Wari' co wixicaracao' nain tocwi caji tononoin ma', co noc non waximain xitot ma', an xiho' non Caxicon Jam. Xec nein ca caracat xine trigo ma', an xiho' nain oro xec nein ca win pi' pin ta' ne macan'. Oro wari' co caracat nanain trigo ma' iri nana ne, an xiho' nonon oro jam co taramaja mi' nonon Iri' Jam quem.

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Mateus 21:38

Ane om tomi' ha' caca co taramaja to nanain totacon ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na.

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Mateus 28:18

Xut hwet ac caparut na, tomi' ac caparut na: Mi' napa' pain ca taramaxicon wa Te Iri' Jam. Taramaxicon pe pi' pin rain pawin je macan' ta napa'.

Mateus 3:17

Tomi' pan ac con na Iri' Jam. Maqui' nain pawin ca tomi' nucun. Mon cwa' panxita' co om noc camain' ta' cwa'. Hohot tamana napa' ta na ca tomi' con ma'.

Marcos 1:1

Je i ca' ca pijim' xine oro ca ara ne con Jeju Cristo Panxica Iri' Jam pain cara pane, pain ca xo' pijim' ten qui' tocwa pane.

Marcos 12:6

Xica' pe na wari' co pe ho' non waximain xitot ma', wirico panxica co om noc camain' ca ma'. Aram aram tomi' ac con na: Hwet roron quem arain. Cut pan rain memem ne cocon ta non. Ma ac ca na, mao ac ca na quem. Tomi' ha' totoron panxita' cwa' paxi' na ca coromicat nucun cote ca ira.

Marcos 12:7

Ane om tomi' ha' caca co taramaja to nanain xitot ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na.

João 1:10

Co ac iri' naran ma', pe paxi' nain macan' pane. Wirico co win mu ca Iri' Jam pain ca quep qui' cain macan' cocon oro wari' pane, ane om querec pin' cocon oro wari' ne.

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

João 1:3

Wirico co quep quep pi' pin nain oro carawa pane quem. Om ca ma' camain' ne oro carawa ca om quep ca.

João 13:3

Ane wara tomi' con Jeju Cote ca ne: Wum co iri' Taramaxicon. Taramaxicon pe ho' rain oro carawa cocon oro wari' quem ta non. Taxi' nain i ma' Jeju quem. Taxi' xucun pain ca maqui' con Iri' Jam, taxi' xucun pain ca in hwet ton con quem.

João 13:32

Querec pin' iri totoron pain ca hwara' opa nucun pain ca awi nucun pata' ne, an hwet pe pan ac cain tara ca hwara' opa ne pain ca awi tamana ne ca' quem, pain ca Panxita' capa' ca' quem. Om ta om om ne, an hwet pe ho' tarain pata' ta na.

João 15:15

Om ca querec querec ac wari' co taramaja mi' e' nonon taramaxicon nucucun mami' mahu', om na. Querec querec ac oro win ma' ne pin mahu'. Oro win ma' ne pin xuhu' ca' ira. Wari' co taramaja mi' e' non taramaxicon nucun ma', om ca taxi' cain ca ara ta' nucun taramaxicon nucun. Wahu' iri na ne, oro win ma' ne pin inuhu', xi tomi' hwet tomi' hwet pi' pin ara xuhu' pain oro ca tomi' capa' Te ta.

João 16:15

Oro ca coromicat nucun Te cwa', an xiho' nain ca coromicat ne ca'. Je ca tomi' ac i ma' xuhu' pain Tamataracon ca' ne, pain ca an hwet mi' xim cuhu' pain oro ca tomi' ne, je pain oro ca coromicat ne ca' quem na ca tomi' caparut ma'.

João 17:2

Xi mi' ara mapa' pain ca taramaxicon pe ho' toton oro wari' ta. Ma' ta mi' momon pain ca e' cara to ho' quequem oro wari' co mi' xim cwa' mapa' pane.

João 3:16

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

João 3:25

Ma' ac caca na co taxipa' ca João ma', co tomi' in pin nonon win judeu caca ma'. Tomi' in pin xucucun pain ca hohoc xo' xucucun pain com ma', pain ca ma' ta hohot xun Iri' Jam ta caca ma'.

João 5:26

Wirico Te co mi' nain ca e' wa. Ac i ma' ina quem, pain ca Panxita' capa' ca'. Mi' inain ca e' wa quem. Xi om ne ca mi' rain ca e' wa ta ara capa' ta.

João 5:27

Ac juiz ra cocon oro wari' ta napa', tomi' querec roron pain oro carawa ca ara caca napa'. Am em' caca, am om em' caca, taxi' pin ac momon tara ta napa' quem. Xi wata' ara ne co Iri' Wari' cwa' ta na ca tomi' tococwa ma'.

João 9:29

Taxi' urut con Moisés cara pane, wirico Iri' Jam na co mi' non pain ca hwara' opa tamana nucun. Co ma' iri na ne, om ca taxi' camain' urut con. Om ca taxi' urut con co mi' non pain ca hwara' opa nucun quem. Am wari' con, am Iri' Jam con, om ca taxi' urut con ta ac cocon na.

Atos 10:36

Taxi' hun Iri' Jam pain ca wara tomi' hwet caparut pain ca wari' nein Israel urut ca', pain ca ha' pin cuhu' pain ca toron toron om pin ne xumuhu' pain ca caracat nuhu', xi om ca Jeju Cristo co taramaxicon pe ho' taramaxicon pe ho' pi' pin nonon oro wari' ta caparut pane.

Atos 2:17

Ca' na ca xirao' pe cain ca tomi' nucun Iri' Jam pane: Maqui' iri tara oro xec nein ca mao rain macan' ta ton Iri' Wari' ne co wara tomi' pe ta' ne, mi' mi' xam' ac toton tara pain Tamatara oro wari' pain oro xijein macan'. Tomi' hwet ac cacain tara capija mana panxicaca. Co xo' horon nana ma', an hwet mi' ac toton tara pain oro carawa ca querec je toton pain ca ac ca tohwein' caca ne ma'. Co mara' pin nana ma' quem, mi' ac toton tara pain iri' ca tohwein' wa quem.

Romanos 1:4

Pain ca Iri' Jam nucun pain ca om caracat nucun quem, Panxica Iri' Jam na quem. Wirico Iri' Jam co an hwet pe non pane, pain ca an hwet pe cain ca hwara' opa nucun pain ca to' e' mami' con pane. Taramaxicon nexi' Jeju Cristo cwa' ira!

Romanos 8:17

Je ca mi' xim capari' pain oro ca awi wa ca wara tomi' pe mi' capari' pane, xi om ne ca mana panxica ara iri' ta. Main cut xin con, cut wi xin con Cristo. Mo ta an xiho' xun Cristo pain ca jain jain nucun pain macan' ca', mo ta jain jain wi xun, tomi' querec te ac capari' tara Iri' Jam. Tomi' querec te wi ac capari' tara con Cristo, mi' wi ac capari' tara pain ca jao jao ma' xun pain ca awi nucun pain ca hwara' opa nucun quem.

1 Coríntios 2:7

Je ca tomi' xuhu' ca': Tomi' hwet jein ca coromicat ne naparut Iri' Jam ma', pain ca param mi' capari' pain carawa ca awi tamana ca quep xiho' xim napari'. Om ca an hwet querec cain ira. Wara coromicat xo' qui' nain pain cara pane, pain ca om ma' querec ne macan' pane.

1 Coríntios 8:6

Ane ma' xica' pe pan capari' Iri' Jam co Te iri' cwa' ne. Wirico co tomi' ma' tomi' ma' pi' pin nain oro carawa. Wirico co in ac iri', co win xumu iri'. Ma' xica' pe na Taramaxicon quem, wirico Jeju Cristo. Wirico co win tomi' ca Iri' Jam pain ca tomi' ma' tomi' ma' pi' pin cain oro carawa pain ca quep capari' ca' quem. Wirico co to' e' napari' quem.

Gálatas 4:4

Ane maqui' pa' capari' iri' xec nein ca coromicat an pe xo' ca Iri' Jam ne, pain ca mam' xim xuhu' con Panxita' cwa' capari' pane. Hwet roron oro wari' pain macan' ta non pari'. Wari' pin na, wari' na jicon co wijima non. Judeu na quem, tomi' ha' taxipa' nain ca xirao' nucun Moisés pane.

Efésios 1:10

Ca' na ca param nucun ca om an hwet querec ca ira: Maqui' iri tara xec nein ca wara an pe xo' ta' ne, cut in xo' cut in xo' pi' pin ac toton tara oro wari' co to nanain pawin je macan' ma', querec joc mam' mi' ac toton tara con Cristo, taramaxicon pe ho' pan ac cocon tara quem. Ac i ma' tain oro carawa quem, cut in xo' pi' pin tain, querec joc mam' mi' ac tain tara con Cristo, taramaxicon pe ho' pan ac cain tara quem.

Efésios 3:9

Tomi' napa' Iri' Jam co tomi' ma' tomi' ma' pi' pin nain oro carawa jimao pane: Om paxi' na ca an hwet mi' toton cocon oro hwanana ca coromicat an pe xo' ne con Cristo pain cara pane napa'. Ane tomi' ac i ca' capa' pain xocori ca' ne: Tomi' xo' ho' roron oro wari' pain ca ara pin tain ca coromicat xo' ne con ne napa'. Ma' ta taraju pa' taraju pa' pi' pin cacain ta napa'.

Hebreus 1:5

Xi ma' camain' ca jam co tomi' ac i ca' ca Iri' Jam cwa', ca xirao' pe xine pain capijacon ca': Panxita' inem, Te pin mapa' pain xec ca'. Om na jam co tomi' ac i ma' ca Iri' Jam. Om na jam co tomi' ca' ca quem: Te tarapa', Panxita' ton quem. Om ca ma' camain' ca jam co tomi' ac i ma' ca quem.

Hebreus 1:8

Ane tomi' ca' ca con Panxica ne: Iri' Jam ma, taramaxicon cara ra. Om ta pi' ra ha' ne ca taramaxicon nem ma'. Taramaxicon xo' ma pain ca taramaxicon hwara' opa pe ho' momon oro wari' nem ta.

Hebreus 11:3

Howa urun Iri' Jam. Je ca taraju pa' xin i ca' quem, pain ca tomi' ma' pin e' cain macan' je pawin pane. Mam' tomi' ma' pin nain pain carawa ca om querec ac xine, ma' pin ac ne na oro carawa ca querec iri' quem.

Hebreus 2:3

Je ca tomi' xuhu' ca'. Mo ta miri'om xun Jeju pain ca to' witan pin xim capari', ma' tara ca witan ac iri' ra? Wirico Taramaxicon nexi' pan ara xi' na co pijim' hwet cain' nonon pain oro wari' ca to' witan pin xun wawa pane, tomi' hwet ac cacapari' pain na oro co taraju nonon. Iri'o' na ca tomi' nucun ta nanapari'.

Hebreus 3:6

Cristo cwa' iri na ne, co taramaja xo' taxipa' ma', querec wet xo' nain xiricon Cote ca, xi om ne ca iri' panxica ara ca ta. Xiricon Iri' Jam iri' quem. Je ca tomi' xuhu' ca'. Mo ta howa cara urun pain ca winim' xin oro carawa ca mi' xim capari' Iri' Jam cwa', xiricon ac iri' na ta.

Hebreus 4:14

Je ca tomi' xuhu' ca'. Ma' napari' sacerdote co iri' taramaxicon hwara' opa cwa', wirico Jeju co Panxica Iri' Jam cwa'. Corom hwet non Cote ca pain iri' ca pe pan ca pain pawin cain. Je ta hwara' opa cara xi' pain ca howa xun ca', pain ca tomi' hwet xuxun oro wari' pain ca howa xun quem.

Hebreus 5:8

Panxica Iri' Jam paxi' na, ane mam' tomi' ha' taxi' pin con Cote ca pain oro ca to' i'ina non pane ne.

Hebreus 7:28

Je ca tomi' xuhu' ca'. Pain ca xirao' nucun Moisés ma', tomi' xo' tata pain ca tora' tococwa oro sacerdote co iri' taramaxicon nana pane. Wari' nana co tora' wawa, ma' taxipa' na oro ca to' i'ina nonon. Pain pin iri na ne, aram aram tomi' mip pan ac ca na Iri' Jam ma', pain ca tomi' an pe cain ca tomi' nucun con Panxica pane. Wirico Panxica co sacerdote co iri' taramaxicon. Hohot cara tara, om ta caracat camain' ca ta.

Hebreus 7:3

Om ca taxi' tocwa cote ca cam jicon, om ca taxi' tococwa mana cojeo' ca quem. Om ca taxi' xine xec nein ca pan' qui' nucun, om ca taxi' xine xec nein ca mi' pin nucun quem. Sacerdote cara na. Je ca an xiho' paxi' con Panxica Iri' Jam pane.

Hebreus 9:26

Mo xi mi' pin ho' mi' pin ho' ca ma', na e' na pain ca jain jain ho' jain jain ho' qui' ca pain ca xo' tomi' ma' qui' xine macan' pain cara pane. Ane om ac i ma' ca ne. Pain ca maqui' cain macan' ca', pain oro xec nein ca pi' pin ta' ne macan' ca', maqui' xica' pe na. Om ca maqui' mami' ca. Ma' ta mam' xic am pin tain ca caracat wa pain ca mi' pin ne ca', pain ca mi' pan xije con Te Iri' Jam ta na pane.

1Pedro 1:20

Wara tora' paxi' non Cristo Iri' Jam pain cara pane, pain ca om tomi' ma' querec qui' cain macan' pane. Ane an hwet e' con pain xocori ca' ne. Ma' ta to' witan pin cuhu' ta nuhu'.

2 Pedro 3:3

Tomi' xim inuhu' pain i ca' quem, tomi' mip inuhu', taraju pa' je. Maqui' ta' iri tara oro xec nein ca in qui' ta' ca Cristo Jeju ne, mija ac caca tara oro co ara e' nanain ca param pan nucucun. Tatam' tatam' tomi' xirac ac cucuhu' tara.

Judas 1:18

Tomi' ca' nunuhu' pane: Wixicam pin iri tara oro xec nein ca in qui' ta' ca Jeju Cristo ne, ma' ac caca tara oro wari' co tatam' tatam' tomi' xirac nonon Iri' Jam cocon oro wari' nucun. Ara e' tatarain ca param pan nucucun pain ca miri'om cocon Iri' Jam.