Hebreus 1:1 - Tradução Bíblica Pacaas Novos1 Wirico Iri' Jam co tomi' nonon oro hwanana nexi' pain cara pane. Tomi' ho' tomi' ho' tata, mija nana oro profeta co tomi' hwet jujun pain capija ta ca pane, ac i ma' na ca tomi' cocon oro hwanana nexi' pane. Faic an caibideil |
Ane maqui' ta' ne Tamataracon Te ca an hwet pe taxipa' nain oro capijacon Te ca iri'o' ne. Maqui' iri tara ne, tomi' xo' ac cuhu' tara pain oro capijacon Te ca iri'o'. Om ta tomi' hwet cuhu' pain ca coromicat pan nein, om na. Tomi' hwet e' turuhu' pain oro ca taraju ne con Te. Tomi' hwet turuhu' pain oro carawa ca ara ta' ma' quem.
Cain' cain' xihwe quem? Tomi' xin ca wac xirac xine taparinain ca xirac nucun pije' ma'. Ma' 8 pin iri na xec nucun pije' pain ca pan' qui' nucun ma' ne, na e' na pain ca wac xirac xine taparinain ca xirac nucun ta na ca xirao' nucun Moisés cara pane. Om paxi' na ca maqui' con Moisés pane. Wirico Abraão con Isaque con Jacó cara pane, wiricoco co tomi' mi' cain' nanapari' pain ca wac xirac xine taparinain ca xirac nucucun oro hwijima' pane. Je ca wac xirac hwein quem. Xec nein sábado paxi' na. Je i ma' ira, wac xirac ac hwein na taparinain ca xirac nucucun.
Ane xirao' pe ac i ma' ca pane ne, xi profeta pan ara ca ta. Taxi' nain carawa ca maqui' ta' ma', taxi' non Iri' Jam pain ca wara tomi' pe nucun pane, pain ca main ma' tara winam co taramaxicon pe tain nain maxum ta qui' con pane. Om ca mixein ca Iri' Jam quem. Iri'o' ta, main ma' tara winam co taramaxicon pe tain nain maxum ta non pane.
Je i ma' ta ac ca na Paulo ma', an pe xo' ac cacain na xec nein ca cut in mami' xi' caca ma'. Maqui' iri na xec nein ne, in hwet ac cocon na Paulo pain xiricon. Ma' mija nana oro win ma' caca co o qui' caca ma' quem. Hwet nonon Paulo pain xo' xec, pijim' pijim' ac tococwa na. Pijim' xo' tata con Iri' Jam ma', pain ca taramaxicon pe ho' xim capari' con Jeju. Noro mi' tata pain oro ca xirao' nucun Moisés je oro ca xirao' nucucun oro profeta ma' quem. Momon pijim' pijim' mi' ac tococwa pain na. Ma' ta taraju pa' hwe ta tata. Howa xiroron Jeju na paxi' tata pain ca pijim' nucun. Momon pijim' momon pijim' irawin pa' ac tococwa na.
Na e' na pain ca mon to wet cain pawin pain xocori ca'. Mon to wet mon to wet ca' tara, maqui' pa' ac con tara oro xec nein ca quep xocori pin tain cain oro carawa Iri' Jam. Win ne ca wara tomi' pe ca pain cara pane, pain ca tomi' hwet jujun pain ca tomi' ne oro wari' ta tococwa oro profeta nucun pane.
Ma' tara xumuhu' me. Taraju wet jun Iri' Jam co tomi' nuhu' cwa', ta ari hun me. Noro jujun oro hwanana nexi' cara pane, co om taraju wet jun na nonon pain ca hu to tococwa pain macan' pane. Wap tata, om ca witan ca' cocon Iri' Jam pain ca wap toton cocon pane. Wari' pain xocori ca' iri na ne, mo ta om taraju wet xun Iri' Jam co pe pawin cain, mo ta ari xun pain ca hu capari' ca', ma' tara ca witan ca' ac xun pain ca wap xim capari' ra? Om na ta. Wap tamana tarapari' ta.
Noro jein ca xirao' nucun Moisés cara pane. Oro jam co taramaja mi' nonon Iri' Jam pane, wiricoco nana co xirao' ca' ra ta nonon Moisés. Iri'o' na ca tomi' nucucun quem, om ca tomi' ximama' e' caca pane. Oro wari' co om tomi' ha' nanain ca xirao' nucun pane, wap ac tococwa na. Hohot na pain ca wap tococwa quem.
Je ca tomi' xuhu' ca'. Mo ta miri'om xun Jeju pain ca to' witan pin xim capari', ma' tara ca witan ac iri' ra? Wirico Taramaxicon nexi' pan ara xi' na co pijim' hwet cain' nonon pain oro wari' ca to' witan pin xun wawa pane, tomi' hwet ac cacapari' pain na oro co taraju nonon. Iri'o' na ca tomi' nucun ta nanapari'.
Noro jun Moisés cara pane. Tomi' hwet tomi' hwet pi' pin iri nonon oro wari' pain oro ca ara je cocon Iri' Jam pane ne, cam pe ac cain na quinain wijimain boi je quinain bode ma', joc wanan ac ca na pain com. Cam huco' mi' na pain ca xirao' pe xine oro ca ara je ca Iri' Jam ma', cam huco' mi' ac cocon na oro wari' quem. Mam' cam huco' na pain tenenein ovelha ca toto paca' ma', ca pao' pe xine pain wijimain taparain pana ma', hissopo na wixinain.