Gálatas 6:4 - Tradução Bíblica Pacaas Novos

⁴ Je ca tomi' xuhu' ca'. Noro xo' noro xo' xam' xin ximixi' pain ca xuruxut nexi'. Xuruxut xo' iri iri' ne, je i ma' tara ca ja' tomi' querec te napari'. Om ta tomi' querec te e' iri' pain ca awi tiquin' ca' xuxun xi' ma ururun oro win ma' nexi' ta.

Gálatas 6:4 Iomraidhean Croise

Lucas 18:11

Corom mama' iri nanain ca tao' caho' nein cote ne xiricon Iri' Jam ne, xat pe ac cain i ma' na fariseu ma'. Tomi' ton Iri' Jam ta ac ca na. Om ca hwet ne ca tomi' nucun, tomi' pan xucun pain ca coromicat nucun. Ca' na ca tomi' con ma': Iri' Jam ac ca na. Tomi' querec te inem pain ca om an xiho' toton oro caracat ma': Co param ximama' nanain caramaxicocon oro win ma' caca ma', co om ximicocon ma', co quep nanam manacocon oro win ma' caca ma' quem, tomi' querec te inem pain ca om an xiho' toton ta. Tomi' querec te inem pain ca om an xiho' ton caxicon wari' cwa' quem, co cut in taxipa' nain imposto cwa'.

1 Coríntios 11:28

Cao' xin iri nanain ne. Toc xin iri nanain ne. Noro noro xam' ac cacain tara ximicocon. Am coromicat xo' cocon Taramaxicon nexi' pain. Am om coromicat xo' cocon pain. Mo ta hohot ne ximicocon pain ca coromicat xo' cocon ma', cao' ac cacain tara, toc ac cacain tara quem.

1 Coríntios 3:14

Tom querec tarain ca taramaja nucucun Iri' Jam, ac je tara. Mo ta hohot ne ca taramaja nucucun pain ca pijim' nucucun ma', mo ta om tom pin ne, mi' ac tococwa tara pain oro ca awi wa.

1 Coríntios 3:8

Pain ca oin' tain tocwi pain xumuhu' ma', pain ca cam xo' cain Apolo ma' quem, quep xiho' xujuxut. An an ari xijein ca param nuxut pain ca taramaja nuxut ca' pahu'. Mi' mi' xam' taraparut pain oro ca awi wa Iri' Jam ta. Mi' taraparut pain carawa pain ca taramaja mi' urut con ca'.

2 Coríntios 1:12

Tomi' querec te urut, xi om ne ca taxi' ara xujuxut pain ca tomi' iri'o' urut ta. Xuruxut xo' urut cocon oro wari'. Xuruxut xo' pan urut pahu' quem, om ca tomi' mixein camain' urut pahu'. Wirico Iri' Jam co mi' naparut pain ca xuruxut xo' nuxut, wirico co mi' naparut pain ca tomi' iri'o' nuxut quem. Om ca maqui' nein ca coromicat nein ca wari' wa, om na. Wirico Iri' Jam pan na co mi' naparut pain ca xuruxut xo' nuxut, xi xiram pa' ara caparut ta.

2 Coríntios 13:5

Noro pan jein xumuhu' ta. Am howa iri'o' hun Jeju, querec pin' pan ac xujuhu' tara. Am xuruxut xo' hwe, am tomi' ha' hun. Om ca querec pin' hun Cristo Jeju pain ca pe ho' cuhu' pain xumuhu' ra? Tara pahu', am om howa iri'o' hun, am om hohot hun quem.

Gálatas 6:13

Caram ma' co coromicat pan teretem ac i ma' nunuhu' ma', wac xirac paxi' xucucun, ane om tomi' ha' tomi' ha' pi' pin cacain ca xirao' nucun Moisés ta. Xec xec e' nana pahu', param e' nunuhu' pain ca wac xirac xihwe ma', ma' ta querec pin' cacaparut oro wari' pain ca tomi' tomi' na pin urut pahu' ta nunuhu'.

Filipenses 1:26

Je ca tomi' xuhu' ca'. Hwet iri xuhu' ne, tomi' querec te tamana ac hun tara Cristo Jeju pain ca pe ho' mami' xuhu' ta.