Gálatas 6:1 - Tradução Bíblica Pacaas Novos

¹ Tomi' xim inuhu' pain ca tomi' ha' taxipa' hwein Tamataracon Iri' Jam ma' xere. Mo ta ma' ca win ma' nuhu' co pan' mao pain ca caracat nucun ma', quep xiho' jun. An in jun, ma' ta xut xo' mami' ca. Tomi' xun iri jun ne, tomi' wixite e' jun. Ma' tara xumuhu' quem. Ma' ta om an xiho' hun pain ca caracat nucun.

Gálatas 6:1 Iomraidhean Croise

Mateus 11:29

Ja' ja' xine, na ra xine pain ca hu xim xuhu' ca'. Xao to wa ac hwein tara xumuhu'. Xi tomi' wixite ara xuhu' ta. Om ca xec xec ta' pain ca tomi' pan hot e' xuhu' ca'.

Mateus 26:69

Tahwet xao pe na Pedro ma' quem. Xao pe pe nain ca tao' caho' nein xirim. Xut hwet ac con na xojam' co taramaja pe nain i ma'. Tomi' ac con na: Pe ho' mon Jeju co maqui' nain Galileia ma' quem non.

Mateus 26:75

Mam' pe wet ac cain na ca tomi' nucun Jeju pane. Om ta aca querec ca me, tomi' ac momon tara, om ca querec pin' ton ta ac momon tara pata', ma' 3 tara ca tomi' ac i ma' toton ma quem Pedro, ac i ma' na ca wara tomi' con pane. Hwet mao ac ca na, aca tamana ac ca na quem.

Mateus 9:13

Je ca tomi' xuhu' ca': Na e' na pain ca taraju pa' hwein capijacon Iri' Jam ca'. Je i ca' ca tomi' nucun: Param inuhu' pain ca xiram pa' huhun oro wari'. Noc inuhu' pain ca tom tain' mi' e' mahu' pain carawa nuhu' ta. Ac i ma' na ca tomi' cuhu' Iri' Jam pain capijacon ca' tata. Je ca tomi' xuhu' ca' ac tococwa na. Om ca cwirin' je toton co wara xuruxut xo' nana ma'. Cwirin' je e' inonon oro caracat cwa', je ca maqui' ta' ca' na ca tomi' tococwa ma'.

Romanos 14:1

Tomi' querec te jujun oro win howa hwe co i'ina ximicocon ma', pain ca ein cacain oro carawa jimao ma'. Howa paxi' nana. Om e' na ca taraju pa' homa caca. Om ca hwara' opa caca. Je i ma' ira, tomi' querec te e' jujun ta. Ta tomi' mana' huhun pain ca om taraju pa' nucucun me ta.

Romanos 15:1

Wari' pain ca hwara' opa iri' ca', pain ca howa xun Iri' Jam cwa', na e' na pain ca quep xiho' xuxun oro co om hwara' opa nana pain ca howa nucucun ma'. Xiram pa' xuxun. Om ta ara e' xin ca param nexi'.

Romanos 8:6

Oro wari' co win xumu nanain oro ca param nucucun ma', cono' ac caca tara. Oro wari' co win xumu nanain oro ca param ne Tamataracon Iri' Jam ma' iri nana ne, ma' ac cocon tara ca om pi' ra ha' ne ca e' wa, om ac ne tara ca toron ne ximicocon quem.

1 Coríntios 10:12

Je ca tomi' xuhu' ca': Mo ta coromicat ca' hwe: Om ta caracat ta', om ta pan' mao ta', xi hwara' opa ara ta' ta, am coromicat ac i ma' hwe ma'. Ma' tara xumuhu' me. Ma' ta om caracat hwe, ma' ta om camara' hwe.

1 Coríntios 14:37

Mo ta ma' cuhu' co pijim' hwet taxi' inain xi' ma nain capijacon Iri' Jam ma', mo ta ma' cuhu' co mi' napa' pain oro xijein ca taramaja wa xi' ma hwein Tamataracon Iri' Jam ma' quem. Na e' na pain ca querec pin' cain oro ca xirao' mi' xuhu' ca'. Wirico Taramaxicon nexi' co xirao' rain napa'. Tomi' ha' jein ta napari'.

1 Coríntios 2:15

Wari' pain ca ma' capari' Tamataracon Iri' Jam ca' iri na ne, taraju pa' taraju pa' pi' pin irin oro ca querec pin' ca Iri' Jam ma'. Querec pin' irin oro ca awi wa, querec pin' irin oro ca om awi wa quem. Oro xucucun co om howa nana ma' iri na ne, om ca taraju pa' cacapari'. Om ca querec pin' cacapari' pain ca xuruxut xo' nexi' pain Tamataracon Iri' Jam.

1 Coríntios 3:1

Je ca tomi' xuhu' ca' xere: Pijim' paxi' inuhu' pane. Ane om ha' capa' pain ca pijim' hwet xuhu' pain capijacon Iri' Jam ne, xi ac ximicon hwanana hwe pain ca om tomi' ha' hwein Tamataracon Iri' Jam ta. Ac ximicocon wari' co ara e' nanain ca param pan nucucun hwe, ac ximicocon hwijima' e' hwe pain ca howa hun Cristo ta.

1 Coríntios 4:21

Je ca tomi' xuhu' ca': Cain' cain' xita' pain ca aram aram hwet xuhu' ma' quem? Ma' carawa ca param hwe pata'? Param mahu' pain ca wap xuhu' ra? Param mahu' pain ca tomi' querec te xuhu' pain ca tomi' wixite xuhu' ra? Taxi' pan je ta.

1 Coríntios 7:5

Je ca tomi' xuhu' ca': Ta narain ho' xujuhu' pain me ta. Miri'om e' xujuhu' pain ca tomi' xo' cain' xujuhu' pain ca momon tomi' e' xun Iri' Jam ta hwe ma', mo ta tomi' ca' xujuhu': Om ta quep mami' xijexi' pain xocori ca'. Paric ca' e' tara xec nein ca om quep xijexi', ma' ta momon tomi' e' xun Iri' Jam ta je. Pi' pin iri tara oro xec nein ca tomi' hun Iri' Jam ne, in hwet ac xujuhu' tara, quep mami' ac xujuhu' tara quem. Ma' ta om tomi' querec cuhu' Caxicon Jam pain ca to' i'ina xujuhu' pain ca param nuhu' ma'.

2 Coríntios 10:1

Wata' pain ca Paulo ta' ca', tomi' ca' inuhu' pain ca an xiho' ton Cristo pain ca tomi' wixite nucun, je pain ca tomi' pan hot nucun ma' quem. Tomi' mip ca' inuhu' cocon oro win ma' nuhu' co tomi' ximama' ca' nana pata': Tomi' iri napari' pain ca pe ho' capari' ca' ne, tomi' pan hot e' napari'. Pe ni ca' iri napari' ne, pan to' ac cain na tarajixi', ac i ma' na ca tomi' ximama' caca pata'.

2 Coríntios 2:7

Je ca tomi' xuhu' ca'. Na e' na pain ca mana' mana' om pin hun pain ca caracat nucun pain xocori ca'. To' hwara' opa pin jun pain ximicon. Ma' ta om naro pin ca pain ca tomi' xaxa' tamana nucun. Ma' ta om tomi' xaxa' tomi' xaxa' an pe pin ton Iri' Jam ta ca ma' quem.

2 Coríntios 2:8

Je ca tomi' mip xuhu' ca'. Tomi' xo' jun, an hwet pe mi' jun pain ca om noc hun ma'.

Gálatas 5:23

Mi' napari' pain ca tomi' wixite xijexi'. Mi' napari' pain ca om ara e' xin ca param pan nexi' quem. Ara iri xin oro ca mi' capari' Tamataracon Iri' Jam ca' ne, om ca tomi' em' capari' ca xirao' nucun Moisés ta.

Gálatas 6:18

Param inon Taramaxicon nexi' Jeju Cristo pain ca quep xiho' cuhu' ma' xere, pain ca mi' e' cuhu' pain ca param nucun pain iri' xumuhu' ta. Amém, iri'o' na ca tomi' ne ta. Je i ca' ca xirao' ne ca'.

1 Tessalonicenses 4:1

Tomi' xun urut pahu' pain i ca' quem xere. Wara hu urut pahu' pain ca xuruxut xo' je, ma' ta hohot hun Iri' Jam ta urut pahu' pane. Querec pin' paxi' urut pahu' pain ca tomi' ha' maparut quem. Xuruxut xo' hwe ma' ira. Ane hu ca' urut pahu' pain xocori ca' ne. Win ne ca tomi' jujun caparut Taramaxicon nexi' Jeju cwa'. Xuruxut xo' cara je me urut pahu'. Win xumu win xumu tiquin' jein ca xuruxut xo' wa ta urut pahu'.

2 Tessalonicenses 3:15

Ta noc hun me ta. Hu pan e' jun. Win ne ca xere xujuhu' ma'.

2 Timóteo 2:25

Na e' na pain ca hu wixite xuxun co tomi' in pin nanapari'. Am mi' ton cocon pain ca cwirin' wa Iri' Jam ma'. Am mi' ton cocon pain ca taraju pa' wa capijacon ca iri'o' ma' quem.

Hebreus 12:13

Xuruxut xo' je, ma' ta om camara' caca co om hwara' opa nana ma', co ac caji at nana pain ca howa nucucun ma'. Querec pin' iri tuturuhu' pain ca xuruxut xo' nuhu' ne, hwara' opa ac caca tara ta.

Hebreus 13:3

Ta ji'am pin huhun oro win ma' nuhu' co tao' to wawa pain xirinain ca tao' to tao' to to wa me. Xiram pa' jujun, ac ca tao' to wi xihwe cocon tara pain ca xiram pa' huhun. Ta ji'am pin huhun oro co quep em' wawa pain ca howa cocon Cristo quem. Xiram pa' jujun quem, ac ca quep em' wi xihwe cocon tara pain ca xiram pa' huhun ta.

Tiago 3:13

Wahu' pain ca coromicat xo' ina ta hwe ma', je pain ca taraju pa' xo' ina ta hwe ma' quem, an hwet pe jein ca xuruxut xo' nuhu' pain ca ara hwein oro ca awi wa ta. Om ta xec xec hwe pain, tomi' wixite e' je pain. Querec pin' ac xihwe tara pain ca xuruxut xo' nuhu'.

Tiago 3:2

Camara' camara' pi' pin ara xi' iri', xi om ne ca ma' taxipa' ara capari' oro xijein ca caracat wa ta. Wari' co om pan' ma', pain ca om tomi' pan tem ca ma', wirico co iri' wari' ta. Ximicon hwanana na, xi om ne ca miri'om taxi' ara cain ca param nucun. Om ca ara e' cain ca param nucun.

1Pedro 3:15

Win xumu jun Cristo, in ac e' jun pain iri' xumuhu'. Taramaxicon ne jun. Mo ta tomi' querec cucuhu' oro wari' ma', mo ta para howa hun Iri' Jam ma' cucuhu'. Wara awori xo' taxipa' ac hwe tara pain ca tomi' in hwet xo' huhun pain ca tomi' querec nucucun ma'.

1João 5:16

Mo ta querec xun win howa iri' pain ca caracat ca ma'. Querec iri xun pain ca caracat ca ne, pain ca hohot na pain ca om mi' pin ca pain ca caracat nucun ta wa ma', tomi' mi' ac xun tara con Iri' Jam, mi' ac tocwa tara pain ca e' wa. Pain ca tomi' ac i ma' xuhu' ca', tomi' e' inuhu' cocon oro co caracat nana pain ca hohot na pain ca om cono' caca pain ca caracat nucucun ta wa ma'. Ane ma' ca wari' co caracat ma' ne, pain ca hohot na pain ca mi' pin ca pain ca caracat nucun ta wa ma'. Om ca tomi' xuhu' pain ca tomi' mi' jun con Iri' Jam xuhu' con co caracat ac i ma' ma'.