Gálatas 5:5 - Tradução Bíblica Pacaas Novos

⁵ Ane taxi' xun Iri' Jam pain ca to' hohot capari' pain ca howa xun Cristo ne. Je Tamataracon ca to' taxi' napari' pain. Je ca winim' iri' pain ca howa xun quem.

Gálatas 5:5 Iomraidhean Croise

Romanos 5:21

Je ca tomi' xuhu' ca': Win ne ca hwara' opa ne ca caracat wa pane. To' cono' napari'. Ac je na ca xiram pa' e' nucun Iri' Jam quem. Hwara' opa na ca xiram pa' e' nucun. To' hohot pin napari'. Je ca e' cara je ta capari' ca'. Wirico Taramaxicon nexi' Jeju Cristo co ara mi' napari' pain i ma' ta.

1 Coríntios 1:7

Je ca mi' cuhu' pain ca taramaja taxi' wa pain oro caramaxicon ma'. Om ca om camain' cuhu' pain. Ha' nuhu' pain ca taramaja taxi' wa pain oro caramaxicon ma', pain ca winim' cara hun Taramaxicon nexi' Jeju Cristo pain ca in qui' ta' nucun.

Efésios 2:18

Wirico Cristo co mi' napari' pain ca corom hwet xun Cotere' pain ca tomi' xun ca'. Warut pain ca judeu urut ca', wahu' pain ca om judeu hwe ma' quem, mi' mi' xam' napari' pain ca corom hwet xun. Xi xica' pe ara ne Tamataracon ca pe ho' pe ho' pi' pin napari' ta.

Filipenses 3:9

Win cwere ton ta inon quem. Om na ca xirao' nucun Moisés ca to' hohot napa' con Iri' Jam ta, om na. Wirico Iri' Jam pan co to' hohot pin napa', xi om ne ca howa ara ton Cristo ta. Howa inon Cristo, je ca to' hohot pin capa' Iri' Jam.

1 Tessalonicenses 1:10

Tomi' hwet nanaparut pain ca winim' hun Panxica ma', co to' e' mami' ca ma'. Winim' hun Jeju pain ca in qui' tain cain pawin. Wirico Jeju co to' witan ca' xim napari' con Cote ca co wap toton nonon oro caracat ma', pain ca mama' jein cote ne xe toton cocon ma'.

2 Tessalonicenses 3:5

Tomi' mi' urut pahu' con, ma' ta mi' cuhu' pain ca querec pin' cara hun Iri' Jam pain ca om noc cuhu' ma', je pain ca querec pin' cara hun Cristo pain ca to' hwara' opa cuhu' pain xumuhu' ma' quem.

2 Timóteo 4:8

Wara an pe xo' mi' napa' pain carawa ca awi ma', ca an xiho' paxi' nain caji waji' nein ca wina wa ca an ca wari' co ganhar pain ca maji jein xi' caca oro wari' ma'. Maqui' iri tara xec nucun Taramaxicon nexi' co Juiz ma' ne, co ara xo' taxipa' ma', mi' ac capa' tara pain carawa ca awi. Xi om ne ca hohot ara mapa' pain ca xut xo' nem pane tarapa'. Om ta xica' pe ta' pain ca mi' xim capa' pain quem, mi' mi' xam' totoron pain oro wari' co winim' nonon pain ca jain jain cacain ca in qui' nucun.

Tito 2:13

Xuruxut xo' ac i ma' xi' pain ca winim' xin xec nein ca ja' tomi' querec te tamana xim capari', je xec nein ca main in qui' ta' ca Jeju Cristo pain ca toc meremem tamana nucun ta. Wirico Jeju Cristo co Iri' Jam ne iri' cwa'. Wirico co to' witan napari' cwa'.