Gálatas 5:3 - Tradução Bíblica Pacaas Novos

³ Tomi' mami' inonon co wac xirac xin nanain taparinain ca xirac nucucun ma': Mo ta wac xirac xihwe, na e' na pain ca tomi' ha' xo' tomi' ha' xo' pi' pin hwein oro ca xirao' nucun Moisés ta.

Gálatas 5:3 Iomraidhean Croise

Mateus 23:16

Wa inuhu' me. Ximin hwe ta. Wap tamana turuhu' Iri' Jam ta. Xi taraju pa' hwein capijacon ta. Ac ca om ne na tucuhu' ma'. O toton paxi' huhun oro win ma' hwe, ane om pan ne tucuhu' ne. Ca' na ca pijim' huhun: Wari' co tomi' pe pin tain nain oro ca ara ta' ca ma', mo ta an hwet cain wixinain cote ne xiricon Iri' Jam pain ca tomi' nucun ma', hohot ac ne tara pain ca om ara cain ca tomi' pe pin nucun. Ane om ac i ma' ne pain ca an hwet cain wixinain ouro ca to nain cote ne xiricon Iri' Jam ne. Mo ta tomi' pe pin tain cain oro ca ara ta' ca, mo ta an hwet cain wixinain ouro ca to nain cote ne xiricon Iri' Jam quem, na e' na pain ca ara cain ca tomi' pe pin nucun ta, ac i ma' na ca pijim' nuhu' ma'.

Mateus 23:18

Pijim' ca' hwe quem: Wari' co tomi' pe pin tain nain oro ca ara ta' ca ma', mo ta an hwet cain wixinain pana ca tom tain' pe cain carawa ma', hohot ac ne na pain ca om ara cain ca tomi' pe pin nucun. Ane om ac i ma' ne pain ca an hwet cain wixinain carawa ca tom tain' ca ne. Mo ta tomi' pe pin tain cain oro ca ara ta' ca, mo ta an hwet cain wixinain carawa ca tom tain' ca ma', na e' na pain ca ara cain ca tomi' pe pin nucun, ac i ma' na ca pijim' nuhu'.

Lucas 16:28

Xi ma' ara caca xere ta. Ma' 5 nana. Wara tomi' xo' totoron, hu totoron, ma' ta om hwet cacapa' pain ca jain jain pe ta' ca', pain cote ne xe ca' na ca tomi' con ma'.

Atos 15:1

Ma' ac caca na wari' co maqui' nanain Judeia. Xuruxut xuruxut tan' mama' iri nanain Antioquia ne, tomi' ac tococwa na co om judeu nana ma', co howa nonon Jeju ma': Xirao' mi' ca' napari' Moisés pane: Na e' na pain ca wac xirac hwein taparinain ca xirac nuhu' pain ca tarama' nuhu' ta napari' pane. Je ca tomi' urut pahu' ca'. Mo ta om wac xirac hwein taparinain ca xirac nuhu' ma', om ta witan ac hwe ta ac tococwa na co om judeu nana ma'.

Atos 2:40

Mija na ca tomi' mip cocon ma'. Hu tamana nonon. Howa jun Jeju, ma' ta witan hwe, ma' ta om win wap cuhu' cocon oro caracat co em' tamana nana pain oro xec nexi' ca' na pain ca hu cocon ma'.

Atos 20:21

Hu hu pi' pin inonon oro wari' quem, co judeu nana ma', co om judeu nana ma' quem. Na e' na pain ca coromicat ni hwe, an to pin jein ca caracat nuhu', tomi' hwet jun pain Iri' Jam quem inonon. Howa jun Taramaxicon nexi' Jeju ta inonon quem.

Romanos 2:25

Ac i ca' na ca coromicat nem ma' quem: Quep xiho' napa' ca wac xirac cacain taparinain ca xirac nucucun, je ca tomi' querec te capa' Iri' Jam ta ma, ac i ma' na ca coromicat pan tem nem ma' quem. Cain' cain' xima quem? Mo ta tomi' ha' main ca xirao' nucun Moisés ma', je i ma' tara ca quep xiho' qui' quem ca wac xirac xima ma'. Mo ta om tomi' ha' main quem, om ca quep xiho' quem ca wac xirac xima ma'. Ac ca om wac xirac xima na.

Gálatas 3:10

Ane om ac i ma' ne cocon oro wari' co howa e' nanain ca tomi' ha' pan nucucun ne. Main tomi' noro toton pan nonon Iri' Jam, wap xuhu' ta nonon. Xi xirao' pe ara xine pain capijacon Iri' Jam ta: Oro wari' co om tomi' ha' cara pi' pin nanain oro ca ara je toton pain ca xirao' nucun Moisés ca', tomi' noro toton, main wap toton ta, ac i ma' na ca xirao' pe xine pain capijacon Iri' Jam ta.

Gálatas 5:2

Taraju wet xine e'. Wata' pain ca Paulo ta' ca', tomi' inuhu'. Mo ta coromicat ca' hwe: Wac xirac xin taparinain ca xirac nexi' ca', ma' ta hohot xun Iri' Jam ta, mo ta coromicat ac i ma' hwe, om ta quep xiho' camain' cuhu' Cristo pain ca mi' pin caho' cuhu' ta.

Gálatas 5:6

Xi quep xiho' capari' ca wac xirac xine taparinain ca xirac nexi' ta. Pain ca howa xun Cristo Jeju pain ca to' hohot pan capari' ca', mo ta wac xirac cacapari', mo ta om wac xirac cacapari', an an ari na con Iri' Jam. Om ca tocojin' capari' pain i ma'. Noro e' nain ca howa nexi' pain ca howa xun Cristo. Om iri na ca noc caracan xijexi' ne, querec pin' ac capari' na pain ca howa xun quem.

Efésios 4:17

Je ca tomi' xuhu' ca'. Ac ca tomi' mip cuhu' na Taramaxicon nexi' pata'. Ta an xiho' mami' huhun oro wari' co om howa nonon Cristo me. Coromicat ximama' ara xi' nana.

1 Tessalonicenses 4:6

Ta mam' ara cup xujuhu' pain ca param ximama' wa me. Ta mam' mixein camain' xujuhu' pain me. Ma' tara xumuhu' me. Taramaxicon nexi' ma', wap toton nonon oro wari' co quep nanam xequem narima'. Wap tatam nanam oro narima' co quep ne nonon xucun tarama' ma' quem. Wara tomi' ac i ma' urut pahu' pain ca hu mip urut pahu' pane ta.

1João 4:14

Querec urut con Panxica pain ca maqui' cain macan' pane. Tomi' hwet urut cocon oro wari' pain ca mam' capari' con Cote ca quem. Hwet roron oro wari' pain macan' cain, to' witan ca' roron pain ca caracat nucucun ta non pari'.