Gálatas 5:2 - Tradução Bíblica Pacaas Novos

² Taraju wet xine e'. Wata' pain ca Paulo ta' ca', tomi' inuhu'. Mo ta coromicat ca' hwe: Wac xirac xin taparinain ca xirac nexi' ca', ma' ta hohot xun Iri' Jam ta, mo ta coromicat ac i ma' hwe, om ta quep xiho' camain' cuhu' Cristo pain ca mi' pin caho' cuhu' ta.

Gálatas 5:2 Iomraidhean Croise

Atos 15:1

Ma' ac caca na wari' co maqui' nanain Judeia. Xuruxut xuruxut tan' mama' iri nanain Antioquia ne, tomi' ac tococwa na co om judeu nana ma', co howa nonon Jeju ma': Xirao' mi' ca' napari' Moisés pane: Na e' na pain ca wac xirac hwein taparinain ca xirac nuhu' pain ca tarama' nuhu' ta napari' pane. Je ca tomi' urut pahu' ca'. Mo ta om wac xirac hwein taparinain ca xirac nuhu' ma', om ta witan ac hwe ta ac tococwa na co om judeu nana ma'.

Atos 15:24

Ma' nana wari' co tomi' hwet nanaparut cocon oro win ma' nuxut co hwet nunuhu' pane, co to' i'ina nunuhu' pain ca tomi' ca' cucuhu' pane: Mo ta om tomi' ha' tomi' ha' pi' pin hwein oro ca xirao' nucun Moisés ma', mo ta om wac xirac hwein taparinain ca xirac nuhu' ma', om ta witan ac hwe ta nunuhu' pane. Om ca pijim' ac i ma' je ta urut cocon pane ta.

Atos 15:5

Ane ma' caca caram ma' co fariseu nana ne. Howa nonon Jeju quem. Taraju iri nanain i ma' ne, pain ca howa pin cocon Jeju oro wari' co om judeu nana ma', tequi' to ac caca na, tomi' ac caca na: Co om judeu nana ma', mo ta howa xun Jeju caca, na e' na pain ca wac xirac cacain taparinain ca xirac nucucun ta. Na e' na pain ca tomi' ha' cacain oro ca xirao' nucun Moisés ma' quem, ac i ma' na ca tomi' caca ma'.

1 Coríntios 16:21

Wata' pain ca Paulo ta' ca', xirao' pan inain wuxu pain tawirinain ca xirao' ne ca', pain ca mam' pe wet inuhu' ta xuhu' ca'.

2 Coríntios 10:1

Wata' pain ca Paulo ta' ca', tomi' ca' inuhu' pain ca an xiho' ton Cristo pain ca tomi' wixite nucun, je pain ca tomi' pan hot nucun ma' quem. Tomi' mip ca' inuhu' cocon oro win ma' nuhu' co tomi' ximama' ca' nana pata': Tomi' iri napari' pain ca pe ho' capari' ca' ne, tomi' pan hot e' napari'. Pe ni ca' iri napari' ne, pan to' ac cain na tarajixi', ac i ma' na ca tomi' ximama' caca pata'.

Gálatas 5:11

Tomi' xo' xim inuhu' pain i ca' quem xere: Ma' nana co tomi' em' nanapa'. Tomi' ca' nana: Wac xirac tatarain taparinain ca xirac nucucun oro wari' ta na Paulo ta nanapa' ma'. Cain' cain' xirara quem? Mo xi pijim' pijim' wet ac i ma' ta', je xi om quep em' quep em' tiquin' cacapa' oro win judeu ta' cwa'? Mo xi pijim' ac i ma' ta', om xi mana' cacapa' pain ca pijim' hwet toton con Jeju oro wari' ma', pain ca mi' pin caho' napari' pain pana Cristo ta toton ca'.

Gálatas 5:6

Xi quep xiho' capari' ca wac xirac xine taparinain ca xirac nexi' ta. Pain ca howa xun Cristo Jeju pain ca to' hohot pan capari' ca', mo ta wac xirac cacapari', mo ta om wac xirac cacapari', an an ari na con Iri' Jam. Om ca tocojin' capari' pain i ma'. Noro e' nain ca howa nexi' pain ca howa xun Cristo. Om iri na ca noc caracan xijexi' ne, querec pin' ac capari' na pain ca howa xun quem.

1 Tessalonicenses 2:18

In hwet xuxun na urut pahu' pane. Wata' pain ca Paulo ta' ca', in hwet xitoton na paxi' inuhu' pane. Om ca xica' pe ne ca hwet toton xuhu'. Ma' 2 pin na ca in hwet toton paxi' xuhu' pane. Ane to' i'ina caparut Caxicon Jam ne.

Filemom 1:19

Wata' pain ca Paulo ta' ca', xirao' pe xo' pan inain ca tomi' ne ca': Dever iri nem pain carawa Onésimo ma' ne, pagar pan ac xim pain tara con. Ac i ma' tara ca xiram pa' ton. Xiram pa' ne con quem. Win ne ca xiram pa' xim pain ca pijim' hwet xim con Jeju pane. Je ca ma' pin quem ca om pi' ra ha' ne ca e' wa ma' quem.

Filemom 1:9

Ane tomi' toto e' xim pain ne, xi om ne ca tomi' querec te ara xim ta. Wata' pain ca Paulo ta' ca', pain ca horon pin ta' ca', pain ca tao' pe pin cacapa' pain ca taramaja mi' ton Cristo Jeju ca',

Hebreus 4:2

Taraju ara xi' irin capijacon Iri' Jam pain ca to' witan xuhu' ta capari' quem. Win caca oro hwanana nexi' pane. Taraju paxi' nanain, ane om howa cacain ne. Je ca om ja' tomi' querec te ac tococwa pain oro ca taraju cacain pane.