Gálatas 5:12 - Tradução Bíblica Pacaas Novos

¹² Wa inonon co to' i'ina nunuhu' pain ca ja' teretem cucuhu' ma', pain ca wac xirac xirarain ca xirac nucucun oro wari' ta caca ma'. Wac pit pan xirarain ca xirac nucucun na inonon ta!

Gálatas 5:12 Iomraidhean Croise

João 9:34

He ac cocon na. Wara caracat qui' main ca pan' qui' nem ma' ira. Cain' xi tomi' xo' ac maparut con Iri' Jam quem nonon, xin hwet ca' ac cocon na pain xirim ca cut in to xucucun ma'.

Atos 15:24

Ma' nana wari' co tomi' hwet nanaparut cocon oro win ma' nuxut co hwet nunuhu' pane, co to' i'ina nunuhu' pain ca tomi' ca' cucuhu' pane: Mo ta om tomi' ha' tomi' ha' pi' pin hwein oro ca xirao' nucun Moisés ma', mo ta om wac xirac hwein taparinain ca xirac nuhu' ma', om ta witan ac hwe ta nunuhu' pane. Om ca pijim' ac i ma' je ta urut cocon pane ta.

Atos 5:5

Taraju iri nain i ma' Ananias ma' ne, ane ane mi' pin ac ca na. Mi' pin na, jao hot mao ac ca na. Oro wari' ma', taxi' iri nonon pain ca mi' pin nucun ma' ne, jin' tamana ac caca na.

Atos 5:9

Para tomi' xo' xujuhu' pain ca mixein querec xin hwein Tamataracon Taramaxicon nexi' quem ac cam na. Taraju ra e'. Maqui' pin nana co an corom pe nanain pain manain pacun curucun taxim cara ne. Wiricoco paca' ira. Hwet pin nanain manain xirim ca'. An mamam' mao teterem quem ac cam na.

Gálatas 2:4

Ma' paxi' nana oro xucucun co wac xirac teterem ta nonon Tito. Corom hwet taparu nanaparut pain ca cut in nuxut, mixein nana, ac ca howa iri'o' ta' ca' tara me nana. Tocojin' nanaparut pain ca om tomi' ha' mami' urut pain oro ca xirao' nucun Moisés pane, je pain ca to' witan pin caparut Cristo Jeju pain ca win cwere pin urut con quem. Je xi tomi' ha' cara hwein oro ca xirao' nucun Moisés pane quem nanaparut.

Gálatas 5:10

Ane taxi' xuhu' ne, xi om ne ca win cwere pi' pin ara xun Taramaxicon nexi' ta. Taxi' inuhu' pain ca coromicat xo' mami' xi' hwe. Wari' co to' i'ina nuhu' pain ca pijim' nucun ma' iri na ne, am wirico ca co hwara' opa ma', am xucun ca co hwara' opa ma' quem, tara con. Main wap ac tocwa tara ta.

Tito 3:10

Mo ta ma' ca wari' co ja' teretem nonon oro win howa ca ma', pain ca to' coromicat ni cocon ma', na e' na pain ca hu mon ta. Mo ta om ha' quem pain ca hu mon ma', hu mami' ac mon tara. Mo ta om ha' camain' quem pain ca hu mami' mon ma', tomi' in pin mip ac mon tara. Om ta win ma' ne mami' mon ta.