Gálatas 5:10 - Tradução Bíblica Pacaas Novos

¹⁰ Ane taxi' xuhu' ne, xi om ne ca win cwere pi' pin ara xun Taramaxicon nexi' ta. Taxi' inuhu' pain ca coromicat xo' mami' xi' hwe. Wari' co to' i'ina nuhu' pain ca pijim' nucun ma' iri na ne, am wirico ca co hwara' opa ma', am xucun ca co hwara' opa ma' quem, tara con. Main wap ac tocwa tara ta.

Gálatas 5:10 Iomraidhean Croise

Atos 15:24

Ma' nana wari' co tomi' hwet nanaparut cocon oro win ma' nuxut co hwet nunuhu' pane, co to' i'ina nunuhu' pain ca tomi' ca' cucuhu' pane: Mo ta om tomi' ha' tomi' ha' pi' pin hwein oro ca xirao' nucun Moisés ma', mo ta om wac xirac hwein taparinain ca xirac nuhu' ma', om ta witan ac hwe ta nunuhu' pane. Om ca pijim' ac i ma' je ta urut cocon pane ta.

1 Coríntios 5:5

Ca' ac hun tara, mi' ac hun tara con Caxicon Jam, quep xirac ac con tara, quep xirac ac cain tara curucun. Ma' ta witan ne tamataracon pain xec nein ca in qui' ta' nucun Taramaxicon nexi'.

2 Coríntios 1:15

Taxi' inuhu' pain ca tomi' querec te maparut ma'. Je ca mo querec xim xuhu' pane. Ca' paxi' na ca coromicat ne ira: Mao tain macarain Macedônia iri ta' ne, hwet ac xuhu' tara, quep xiho' ac xuhu' tara pain ca pe ho' wijimain xuhu'. Paca' ac xuhu' tara, mao ac tain tara Macedônia cain. In ca' iri tain ne, in hwet iri xuhu' ne, quep xiho' mami' ac xuhu' tara. In hwet iri xuhu' ne, quep xiho' ac mahu' tara pain ca mao tain ta' pain Judeia quem. Ac i ma' paxi' na ca coromicat ne ira.

2 Coríntios 10:2

Tomi' mip ca' inuhu': Ma' tara xumuhu' me, ta cuc cuc mahu' pain ca pan to' tain taraxicocon pain ca aram aram hwet xim xuhu' ma'. Om ta hehe ta' pain ca pan to' tain ta' taraxicocon co tomi' ximama' nanaparut pain ca an xiho' e' cocon wari' co om xuruxut xo' nana ma', co ara e' nanain ca param pan nucucun ta nanaparut ma'.

2 Coríntios 10:6

Mo ta aram aram tomi' ha' iri'o' pin hun Cristo ma', mo ta ma' ma' wet caca co om tomi' ha' querec nana pahu', om ta hehe urut cocon, pan to' pan to' pi' pin ac urut cocon tara pain taraxicocon ta.

2 Coríntios 13:10

Je ca xirao' mi' xuhu' pain ca pe ni ca' xuhu' ca'. Ma' ta wara xuruxut xo' hwe pain ca aram aram hwet xim xuhu' ca'. Ma' ta om na e' ne pain ca an hwet mi' xuhu' pain ca hwara' opa ne pain ca pan to' tain tarajuhu' ta inuhu'. Wirico Taramaxicon nexi' ara xi' na co mi' napa' pain ca hwara' opa ne ca'. Ma' ta quep xiho' momon, ma' ta om quep em' momon ta napa' pahu'.

2 Coríntios 2:3

Je ca xirao' mi' e' xuhu' pane. Ca' na ca coromicat ne pane: Mo ta in hwet ho' toton, am ja' tomi' xaxa' cacapa' ma', ac i ma' na ca tomi' xuhu'. Ja' tomi' querec te xirarapa' na inonon ta ac xuhu' na quem. Taxi' inuhu' quem, mo ta tomi' querec te xuhu' pain ca aram aram in hwet xuhu' ma', tomi' querec te ac hwe tara quem.

2 Coríntios 2:6

Xam' paxi' hwe pain ca tomi' mi' hun pain ca wap wa pane, pain ca xin hwet pin hun pane. Awi na, an hwet mi' ho' jun pain ca om noc hun ma'.

2 Coríntios 5:16

Je ca coromicat jimama' pin urut ca'. Om ca noro mami' urut pain oro ca ara caca oro wari' pain xocori ca', om ca an xiho' urut cocon wari' co tocojin' e' nonon oro win ma' caca pain xocori ca', om na. Xi coromicat ac i ma' ara ne ca wari' wa ta. Coromicat mi' ac i ma' paxi' urut con Cristo pane, wari' tara ma' urut con pain cara pane, an xiho' tarapari' xi' ma urut con pain cara pane. Ane om coromicat mi' ac i ma' mami' urut con pain xocori ca' ne.

2 Coríntios 7:16

Tomi' querec te inuhu' quem, xi om ne ca taxi' ara xuhu' pain ca ara e' hwein ca param nucun Iri' Jam ta.

2 Coríntios 8:22

Ma' na xucun coxari' cwa' quem, co ja' ja' ron Tito con win ma' ca cwa' urut. Querec ho' querec ho' urut con pain oro ca taramaja nucun. Wara jain jain paxi' na pain ca win xumu cain oro ca ara xo' wa pane, jain jain tamana pin ac ca na pain ca quep xiho' xim cuhu' pain xocori ca' quem. Xi querec pin' ara cuhu' pain ca xiram pa' xuxun huhun oro xerexi' co ximin nana ta. Om ca tara cocon ta'a camain' cuhu'.

Gálatas 1:7

Xi ma' ne xijein capijacon Iri' Jam ca tomi' hwet napari' con Cristo ta. Tomi' e' inain i ma' pahu', pain ca xijein capijacon Iri' Jam con Cristo ta xuhu' ca', xi om ne ca ma' ara caca wari' co to' i'ina nunuhu' ma', co pijim' jimama' nunuhu' pain ca an in xin paxi' cacain capijacon Iri' Jam con Cristo ma'.

Gálatas 2:4

Ma' paxi' nana oro xucucun co wac xirac teterem ta nonon Tito. Corom hwet taparu nanaparut pain ca cut in nuxut, mixein nana, ac ca howa iri'o' ta' ca' tara me nana. Tocojin' nanaparut pain ca om tomi' ha' mami' urut pain oro ca xirao' nucun Moisés pane, je pain ca to' witan pin caparut Cristo Jeju pain ca win cwere pin urut con quem. Je xi tomi' ha' cara hwein oro ca xirao' nucun Moisés pane quem nanaparut.

Gálatas 2:6

Hohot na ca pijim' nem, pijim' pijim' tiquin' rain ta nanapa' co querec wet nonon co howa nana pain Jerusalém ma', co ac ca taramaxicon caca ne ma'. Tara cocon, am taramaxicon caca, am om taramaxicon caca. Je i ma' ira ina, xi ac wirico ac wirico pi' pin ara iri' con Iri' Jam ta.

Gálatas 3:1

Je ca tomi' xuhu' ca' oro win howa ta' pain Galácia. Wa inuhu' me, xi coromicat xo' hwe ta. Ma' co mixein nuhu' ma' quem? Om ca pijim' hwet xo' xuhu' pain ca mi' pin nucun Jeju Cristo pain ca mi' pin pe cain pana pane ra?

Gálatas 4:11

Toron tamana napa' xumu pahu' ta. Am taramaja ximao ta' pain ca pijim' xuhu' ca'.

Gálatas 4:17

Om ca ara xo' caca caram ma' co jain jain nunuhu' ma', pain ca tomi' ha' jein oro ca xirao' nucun Moisés ta cucuhu' ma'. Quep xiho' xim paxi' nunuhu', ane om quep xiho' iri'o' cucuhu' ne. Param e' nunuhu' pain ca noc pin mahu', param nunuhu' pain ca to ni ca' mahu'. Ma' ta tomi' querec te e' maparut ta nunuhu'.

Gálatas 4:20

Pe ho' xuxuhu' na inuhu' pain xocori ca'. Tomi' toto ac xijexi' xira. Toron tamana napa' xumu pahu'.

Gálatas 5:12

Wa inonon co to' i'ina nunuhu' pain ca ja' teretem cucuhu' ma', pain ca wac xirac xirarain ca xirac nucucun oro wari' ta caca ma'. Wac pit pan xirarain ca xirac nucucun na inonon ta!

Gálatas 5:7

Hohot paxi' hwe pain ca ja' ja' hun Cristo pain cara pane. Ma' co to' i'ina nuhu' pain xocori ca' quem? Ma' co tomi' tomi' na pin nuhu' pain ca tomi' ha' tomi' ha' om pin hwein capijacon Iri' Jam con Jeju ca iri'o' ma' quem?

Gálatas 6:17

Tomi' xim inuhu' pain i ca' quem: Ta to' i'ina mami' cacapa' oro wari' me. Ha' ara xi' na pain ca querec pin' mahu' pain ca taramaja mi' ton Jeju cwa', xi ma' ara capa' oro jaminain ca quep em' cacapa' pain cwere pain ca taramaja mi' ton ca'.

Filipenses 3:15

Je ca tomi' xuhu' ca'. Wari' pain ca ximicon hwanana iri' con Cristo cwa', coromicat ac i ma' coromicat ac i ma' xam' ac iri' tara ta. Tara pahu' pain ca coromicat jimama' hwe ma'. Mo ta coromicat jimama' hwe, main mi' turuhu' pain ca coromicat xo' wa Iri' Jam quem.

2 Tessalonicenses 3:4

Taxi' urut con Taramaxicon nexi' pain ca quep xiho' cuhu' ma', pain ca mi' cuhu' pain ca tomi' ha' cara maparut pain ca pijim' nuxut pain ca hu urut pahu' pane.

1 Timóteo 1:20

Ma' nana oro win ma' caca ma', Himeneu con Alexandre ma', an to pin nanain ca howa wa. Je ca an to mi' toton con Caxicon Jam ma'. Ma' ta quep xirac tococwa, ma' ta wap tococwa, ma' ta ma' pin ne ximicocon, ma' ta tomi' napat tomi' napat om pin cocon Iri' Jam pain ca pijim' pan teretem nucucun ta inonon.

Filemom 1:21

Je ca xirao' mi' xim ca'. Taxi' inem pain ca tomi' ha' xim mapa' ma'. Taxi' inem pain ca tomi' ha' tiquin' ca' tain main ca tomi' xim ca' quem.