Gálatas 4:5 - Tradução Bíblica Pacaas Novos

⁵ Mam' napari' con, ma' ta to' witan ca' cuhu' pain ca wap wa pain ca om tama' tomi' ha' ac hwein ca xirao' nucun Moisés ta napari'. Ma' ta mana panxita' pin xuhu' ta napari' quem.

Gálatas 4:5 Iomraidhean Croise

Mateus 20:28

Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.

Lucas 1:68

Awi tamana na Iri' Jam co Iri' Taramaxicon cwa', co howa iri' pain ca wari' nein Israel iri' ca'. Na e' na pain ca tomi' hwet xin ca tomi' querec te nexi' con ta. Xi hwet ara capari' pain ca wari' ne capari' ca'. To' witan xim napari' quem.

João 1:12

Oro wari' co tomi' querec te nonon ma' iri nana ne, co howa nonon ma', mi' tata pain ca mana panxica Iri' Jam pin caca.

Atos 20:28

Ma' tara xumuhu' me, ara xite xujuhu' pain ca xuruxut xo' hwe ma' ac tococwa na. Querec wet jujun oro wari' co howa nonon Jeju pain Éfeso ma'. Win ne ca querec wet jujun ta cuhu' Tamataracon Iri' Jam ca'. Ac oro ovelha nuhu' ara xi' nana. Ac pastor co querec wet taxipa' nain winacon je, querec wet jujun, pa' mi' jujun pain ca cut in xucucun pain ca wari' nucun Iri' Jam caca ma'. Mam' to' witan ara xi' tata pain quicon Panxica pane ta.

Romanos 10:4

Xi wirico Cristo ara ca co tomi' ha' tomi' ha' pi' pin nain oro ca xirao' nucun Moisés cara pane ta. Ma' ta to' hohot pin toton oro wari' co howa nanapa' ta na.

Romanos 8:14

Wari' pain ca o mama' capari' Tamataracon Iri' Jam ca', mana panxica Iri' Jam mana panxica Iri' Jam pi' pin iri' quem.

Romanos 8:15

Xi mi' ara capari' pain Tamataracon ta. Tamataracon ca mi' capari' ca', om ca mi' capari' pain ca in hwet xin ca tama' jin' nexi' pain ca an xiho' mami' xun wari' co jin' non taramaxicon nucun ma', om na. Mi' iri napari' pain Tamataracon ne, je ca to' mana panxica Iri' Jam pin capari'. Je ca ha' capari' pain ca Te pin xun Iri' Jam cwa'.

Romanos 8:19

Winim' non Iri' Jam oro carawa ca tomi' ma' pin ca ca'. Winim' non pain ca aram aram cut hwerehwet to xim capari' pain ca aram aram momon cwa' mana panxita' cwa' xim capari' ca'. Mija na ca winim' con, winim' cara non, jain jain na, param tamana non pain ca cut hwerehwet to xim capari' ca'.

Romanos 8:23

Om ca toron xica' to ne ximi oro carawa ma'. Toron iri' quem. Wara mi' paxi' napari' pain Tamataracon Iri' Jam pane, pain ca xo' mi' xim pain oro ca param ne qui' capari' pane. Ane toron ne iri' ximixi' ca' ne. Winim' irin xec nein ca aram aram iri' mana panxita' pin xim capari' pain ca aram aram to' e' mami' xim capari' ca'.

Romanos 9:4

Waram winacon Israel nana oro win ma' ne cwa'. Tora' nonon Iri' Jam pain ca mana panxita' pan xuhu' ta cocon pane. An hwet mi' tata pain ca awi nucun pain ca hwara' opa nucun. Tomi' xo' tata pain ca an pe xo' mi' qui' tococwa pain capijacon pane. Mi' tata pain ca xirao' nucun Moisés. Tomi' xo' tata pain ca in ac pe tocwa pain cote ne xiricon pain ca tom tain' mi' xine pain winahu' qui' tococwa pane. Wara tomi' pe tata pain capijacon pane quem.

Gálatas 3:13

Tomi' noro napari' Iri' Jam, xi tomi' ha' xo' ac xin ca xirao' nucun Moisés ta. Ane to' witan pan capari' Cristo ne, to' witan ca' napari' pain ca tomi' noro nucun Iri' Jam. Pe pan tain maxuhu', tomi' noro e' tarapa' pahu' ta napari'. Xi xirao' pe ara xine pain capijacon Iri' Jam ta: Oro wari' co to' pa' pin wawa pain ca tatatain mi' wawa pain pana ma', wiricoco co tomi' noro ca Iri' Jam ta na capijacon Iri' Jam.

Gálatas 3:26

Je ca tomi' xuhu' ca'. Wahu' pain ca judeu hwe ma', wahu' pain ca om judeu hwe ma' quem, mana panxica Iri' Jam mana panxica Iri' Jam pi' pin hwe, xi om ne ca howa ara hun Cristo Jeju ta.

Gálatas 4:21

Wahu' pain ca tomi' ha' xin ca xirao' nucun Moisés hwe ma', tomi' querec xim inuhu'. Taraju pa' hwein ca pijim' capari' Moisés pain ca xirao' nucun ra?

Gálatas 4:7

Je ca tomi' xuhu' ca'. Om ca an xiho' mami' xuxun oro wari' co taramaja mi' e' nonon xucun wari', co tama' tomi' ha' tomi' ha' je wawa ma'. Mana panxica Iri' Jam pin iri'. Wara mi' napari' pain oro caramaxicon. Xi mana panxita' pin ara capari' ta.

Efésios 1:5

Je ca an pe xo' mi' capari' pain ca coromicat nucun pane. Wara tora' napari'. Mana panxita' xuhu', xi win cwere pin ara hun Jeju Cristo ta napari'. Je ca param mi' xuhu' ca' napari' pane.

Efésios 1:7

To' witan ca' napari' pain ca caracat nexi' Cristo. Xi ao mao ara ne quicon pain ca mi' pin caho' capari' pane. Je ca xic am pin cain ca caracat nexi' Iri' Jam quem. Xiram pa' tamana e' napari' ta.

Efésios 5:2

Ta noc camain' xujuhu' me. Win ca Cristo pain ca om noc qui' capari' pain ca om narain ho' qui' xucun pari' pane, ac i ma' je pain ca om noc xujuhu' me. Mi' pan xucun con Iri' Jam Cristo. Ma' ta mi' pin caho' toton ta non pari' pane. Hohot tamana non Iri' Jam quem, hohot tamana non pain ca mi' pin caho' capari'.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

Hebreus 1:3

Wirico Panxica co toha pan, pain ca an hwet pan cain ca toc meremem nucun Iri' Jam pain ca awi tamana nucun, je pain ca hwara' opa tamana nucun ma' quem. Xi iri' wirico pan ara ca pain ca Iri' Jam nucun ta. Wirico co quep xat nain oro carawa pain oro maxinain ma' quem. Tomi' e' nain, ma' ac ne na, xi hwara' opa ara ca pain ca tomi' cain ta. Hohoc pin iri napari' pain ca caracat nexi' ca' ne, xao pe ho' ac cain na iri' curucun Cote ca co hwara' opa tamana cwain, pain pawin cain.

Hebreus 9:12

Corom mao iri nain Iri' Maxicon Iri' Jam Cristo ne, pain xiricon pain pawin cain, om ca mam' corom cain quinain bode, om ca mam' corom cain quinain wijimain boi quem, om na. Mam' corom pan nain iri' quicon. Pain ca corom mao cain pane, corom mao na. Om ca corom mao mami' cain quem. To' witan cara ac capari' na quem.

Hebreus 9:15

Je ca tomi' an pe xo' cain xocori ca tomi' xo' nucun Iri' Jam Cristo ma'. Ma' ta ha' cuhu' pain ca aram aram cut xin hwein oro ca awi wa ca tomi' pe mi' xihwe ca', ca om pi' ra ha' ca' tata pain ca xo' howa xine qui' tococwa pane. Xi mi' pin pe ara cain maxicocon Cristo pane ta. To' witan ca' ac tococwa na pain oro ca caracat nucucun pain ca om tomi' ha' qui' cacain ca wara tomi' xo' nucun quem.

1Pedro 3:18

Xi jain jain ara ca Cristo pain ca mi' pin caho' capari' pain ca caracat nexi' pane ta. Pain ca mi' pin nucun pane, mi' pin na. Om ta mi' pin mami' ca. Om ca caracat camain' ca, xut xo' na, awi na. Ane mi' pin caho' pan capari' pain ca pan teretem nexi' pain ca om xuruxut xo' nexi' ne. Ma' ta o mi' xuhu' con Iri' Jam ta napari'. To' pa' pin iri ta pane ne, mi' pin ac ne na curucun. To' e' mami' iri ta ne, je Tamataracon Iri' Jam ac ne na ca to' e' mami' non quem.

Apocalipse 14:3

Oro wari' ma', co ma' 144.000 nana ma', com ac cacain na xocori tamara'. Coco' quima hwet nanain ca mam' xao pe pe ca Iri' Jam ma', cocon caram ma' co e' nana ma', co ac jam paxi' nana ma', co ma' 4 nana ma', cocon oro taramaxicon ma' quem, je ca com to cacain xocori tamara'. Om ca taxi' xixi' na ac cacain oro xucucun wari'. Xica' to nana caram ma' co ma' 144.000 nana ma', co to' witan ca' wawa cocon oro caracat co to nanain oro xijein macan' ma', xica' to nana caram ma' co com taxi' nanain xocori tamara'.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.