Gálatas 4:4 - Tradução Bíblica Pacaas Novos

⁴ Ane maqui' pa' capari' iri' xec nein ca coromicat an pe xo' ca Iri' Jam ne, pain ca mam' xim xuhu' con Panxita' cwa' capari' pane. Hwet roron oro wari' pain macan' ta non pari'. Wari' pin na, wari' na jicon co wijima non. Judeu na quem, tomi' ha' taxipa' nain ca xirao' nucun Moisés pane.

Gálatas 4:4 Iomraidhean Croise

Mateus 1:23

Nam' tara xojam' co om tape. Pan' qui' ac ca tara cawinacam. O' ma' ac cocon tara, Emanuel ac cocon tara ta. Ac i ma' na ca wara tomi' pe nucun pane. Pain ca Emanuel cocon ma', je i ma' wixicon pain capijaxut pain ca judeu urut ca'. Pe ho' napari' Iri' Jam ta na ca tomi' mao nein.

Mateus 3:15

Je i ma' ira João ac con na. Tomi' ha' ne e', ja' ne e'. Na e' na pain ca tomi' ha' xun Iri' Jam ta non. Ma ac con na, ja' ac con na quem.

Mateus 5:17

Cain' ca coromicat mi' mahu' quem ac tococwa na. Tomi' am pin tarain ca xirao' nucun Moisés ma' mahu' ra? Tomi' am pin tarain ca xirao' to nucucun oro profeta cara pane quem ma' mahu' ra? Je ca maqui' cain macan' ca', ac i ma' na ca coromicat mi' mahu' ra? Om na, om ca maqui' ta' pain ca tomi' am pin tain ca xirao' nucun Moisés ta'. Om ca maqui' ta' pain ca tomi' am pin tain ca xirao' to caca oro profeta ta' quem, om na. Maqui' ina, ma' ta hwet pin ne oro ca xirao' to caca pata' ina, je ca maqui' ta' ca'.

Marcos 1:15

Ca' na ca pijim' nucun pane: Wixicam pin na xec nein ca taramaxicon pe ho' xim capari' Iri' Jam ta na. Cwirin' je, howa jein capijacon ca tomi' hwet nuhu' pain ca to' witan xim cuhu' ta na ca pijim' nucun pane.

Lucas 1:31

Nam' ra nem, pan' qui' ac ca tara cawinam. O' ma' ac mon tara, Jeju ac mon tara.

Lucas 1:35

Om na, quiji' hwet terem Tamataracon Iri' Jam ta Maria ac cam na. Pe ho' terem ca hwara' opa nucun Iri' Jam co Iri' Taramaxicon pan. Je ca iri' wari' nucun Iri' Jam ta' ca pije' co pan' ta' ma' pum. Iri' Panxica Iri' Jam ta totoron quem nam.

Lucas 2:7

Pain ca xo' tan' mama' cacama ma', noro paxi' nanain ca pi'am to wa pain xirim ca pi'am to caca oro wari' co maqui' nanain pira. Ane om mam' cacamain ca pi'am to wa ne. Pi'am to e' nanain xirinain burro je ovelha. Je ca pan' pe ca cawinacam. Je win ma' cam pije', wirico co pan' cain' cacam oro xequequem humaxicam co camara' xi' nana pa'ao'. Wiric pa' ac con na con wom, an terem' pe ac con na pain pana ca cao' to ne oro carawa.

Lucas 20:44

Je ca tomi' xuhu' ca' ac tococwa na. Taramaxicon ne non Cristo Davi cara pane. Cain' cain' xira quem? Ma' tara ca wina ac con quem ra na ca tomi' tococwa ma'.

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

João 3:16

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

João 6:38

Pain ca quiji' qui' tain pawin pane, om ca maqui' ta' pain ca ara tain ca param pan ne ta', om na. Ara tain ca param nucun Te co hwet roron oro wari' ta napa', je ca ara ta' ta' pain ca quiji' qui' tain pawin pane.

João 8:42

Mo xi te iri'o' hun Iri' Jam ma', om ac ne xira ca noc mahu' ta ac tococwa na. Xi maqui' ara ton Iri' Jam ta. Je ca pe ho' xuhu' ca'. Om ca maqui' ta' pain ca param pan ne. Wirico Te co hwet roron ta napa' pahu'.

Atos 1:7

Om na ta ac tococwa na. Wirico pan na Te co taxi' nain oro xec pain ca ara tain cain oro ca coromicat an pe xo' nucun. Om ca na ne pain ca taxi' pan hwein quem ac tococwa na.

Romanos 1:3

Pain ca tomi' capari' pain capijacon ca tomi' hwet napari' pain ca to' witan xim capari' ca', tomi' hwet napari' con Panxica. Pain ca wari' nucun Panxica pane, hwanana ne non taramaxicon Davi cara pane.

Romanos 15:8

Mam' pe wet jein i ca': Quiji' hwet roron oro judeu, quep xiho' roron ta non Cristo Iri' Jam pane. Ma' ta querec pin' cacapa' pain ca om mixein ne non. Ma' ta ara tain oro capija ca wara tomi' pe toton oro hwanana nucucun pane non.

Romanos 5:6

Je ca tomi' xuhu' ca'. Pain ca ximin ximin wet nexi' pain ca om quep xiho' taxi' xijexi' pane, maqui' ac ne na xec nein ca wara an pe xo' ca Iri' Jam pane. Mi' pin caho' ac capari' na Cristo. Ma' ta quep xiho' xuhu' pain ca caracat nuhu' ma', pain ca miri'om hun Iri' Jam ta napari'.

Romanos 8:3

Ca xirao' nucun Moisés ma', om ca hwara' opa ne, om ca to' om pin ac nein ca hwara' opa nein ca caracat nexi'. Xi tomi' ha' pan xin ta. Ane hwara' opa pan ca Iri' Jam ne. To' om pin nain ca hwara' opa nein ca caracat nexi', xi om ne ca mam' ara capari' con iri' Panxica cwa' ta. An tan pan rain curucucun oro wari' co caracat nana ma', mi' pin caho' roron pain ca caracat nucucun ta non, to' om pin ac cain na ca hwara' opa nein ca caracat nexi' ca pe ho' napari' pain cwerexi' ca'.

Romanos 9:5

Hwanana ne nonon Abraão con Isaque con Jacó cara pane. Wiricoco oro win ma' ne nana co nari paxi' nonon Cristo quem. Pain ca wari' nucun Cristo pane, win ma' ne nonon. Ane Iri' Jam pan ca ne. Taramaxicon pe ho' taramaxicon pe ho' pi' pin nonon oro wari'. Taramaxicon pe ho' taramaxicon pe ho' pi' pin nain oro carawa ma' quem. Tomi' an hwet cara xin ca awi nucun ta. Amém, iri'o' na ca tomi' ne ta.

Efésios 1:10

Ca' na ca param nucun ca om an hwet querec ca ira: Maqui' iri tara xec nein ca wara an pe xo' ta' ne, cut in xo' cut in xo' pi' pin ac toton tara oro wari' co to nanain pawin je macan' ma', querec joc mam' mi' ac toton tara con Cristo, taramaxicon pe ho' pan ac cocon tara quem. Ac i ma' tain oro carawa quem, cut in xo' pi' pin tain, querec joc mam' mi' ac tain tara con Cristo, taramaxicon pe ho' pan ac cain tara quem.

Colossenses 2:14

Xic am pin nain ca xirao' pe nein oro ca dever iri' pain ca caracat nexi' pain ca om tomi' ha' xin oro ca ara je capari' pane, je pain ca coromicat an pe pin cain ca wap xim capari' pane ira. To' om pin nain. Ac ca tatatain mi' cain na pain panaxicon Cristo pane.

1 Timóteo 2:6

Om ca narain ho' xucun pari'. To' pa' pin ma' tatarapa' ne na pane. Ma' ta to' witan ca' toton pain ca caracat nucucun ta napari'. Maqui' iri na xec nein ca wara coromicat an pe xo' ca Cote ca pane ne, je i ma' xec nein ca to' querec pin' capari' pain ca to' witan xuhu' ta capari' ca'.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

Hebreus 2:14

Je ca tomi' xuhu' ca'. Wari' cwa', pain ca mana panxita' capari' Iri' Jam cwa', wari' e' iri'. Je ca wari' pin ca Jeju pane quem. An tan pan napari' pain ca wari' nexi'. Ma' ta na capa' pain ca mi' pin wa ta na, ma' ta mam' to' quiji' pin ton pain ca mi' pin ne Caxicon Jam ma', co hwara' opa paxi' pain ca to' cono' taxi' cain ca wari' wa ta na.

Hebreus 9:10

Oro ca ara caca pain ca in ac cocon Iri' Jam ma', ara taxipa' e' nanain ca hu pan tococwa pain carawa ca cao' wa, je pain ca toc wa quem, je pain ca hohoc xo' xucucun quem. Tomi' ha' je e' tata, tomi' ha' tomi' ha' maqui' pa' ac cuhu' tara xec nein ca to' xocori pin tain cain oro ca tomi' xo' xim xuhu' ta nonon ma'.

1João 4:14

Querec urut con Panxica pain ca maqui' cain macan' pane. Tomi' hwet urut cocon oro wari' pain ca mam' capari' con Cote ca quem. Hwet roron oro wari' pain macan' cain, to' witan ca' roron pain ca caracat nucucun ta non pari'.

1João 4:2

Oro co tomi' ca' nana ma': Iri' wari' pin na Jeju Cristo pain ca maqui' cain macan' pane, an tan pan napari' pain ca wari' nexi' ca', mo ta tomi' ac i ma' caca, ha' ac cuhu' tara pain ca querec pin' hwein ca coromicat nein Tamataracon Iri' Jam cocon. Wirico Iri' Jam co mi' nonon pain ca tomi' nucucun.