Gálatas 4:21 - Tradução Bíblica Pacaas Novos

²¹ Wahu' pain ca tomi' ha' xin ca xirao' nucun Moisés hwe ma', tomi' querec xim inuhu'. Taraju pa' hwein ca pijim' capari' Moisés pain ca xirao' nucun ra?

Gálatas 4:21 Iomraidhean Croise

Marcos 10:3

Cain' ca tomi' ha' je cuhu' Moisés cara pane quem ac tococwa na.

Lucas 16:29

Om na ta ac con na Abraão. Wara taraju nanain ca xirao' nucun Moisés pain ca xirao' nucucun oro profeta pane. Tomi' ha' ma' tatarain ca xirao' nucucun ne na.

João 10:34

Para tomi' ximao ma mahu' pain ca Panxica Iri' Jam ina ta' ca' quem? Win ne ca xirao' pe xine ca tomi' nucun Iri' Jam pain capijacon ca howa hwe ma', pain ca tomi' cocon oro taramaxicon co juiz nana pane: Ac wata' hwe, iri' jam hwe pain ca taramaxicon hwe ta nonon pane. Taxi' urun Iri' Jam pain ca iri' jam hwe cocon caram pacara pane co tomi' hwet ca pain capijacon pane. Taxi' urun pain ca om xin in taxi' ne capijacon quem. Je ca tomi' xuhu' ca' quem: Om ca na ne pain ca tomi' ximao ma mahu' pain ca Panxica Iri' Jam ina ta' ca'. Tora' pan napa' Te pain ca mi' capa' pain ca taramaja ne ca', pain ca hwet roron pain macan' ta capa' pahu'.

João 12:34

Tomi' ac caca na oro wari': Ca' na ca tomi' capari' ca xirao' nucun Moisés: Om ta pi' ra ha' ne ca e' nucun Cristo ta na. Je ca tomi' querec urut pum ca': Para tomi' ac i ma' ma ma', pain ca na e' na pain ca an piri' xat tocwa pain pana co ma' co Iri' Wari' ma' quem? Ma' tara ca mi' pin ac ca co Iri' Wari' ma' quem? Cain' ca wari' ca co Iri' Wari' ma ma' quem na ca tomi' querec cocon ma'.

João 15:25

Je i ma' ira, na e' na pain ca noc cacapa' ta. Ma' ta hwet pin ne ca xirao' pe xine capijacon Te ca howa paxi' caca ca'. Noc ximama' nanapa', ac i ma' na ca xirao' pe nein pata' ta naparut.

Romanos 3:19

Je ca tomi' xuhu' ca'. Oro ca tomi' nucun Iri' Jam cwa', pain ca xirao' nucun Moisés ma', tomi' tata oro judeu, tomi' tomi' pi' pin napari' quem. Ma' ta tomi' narain ho' tomi' narain ho' om pin xujuhu' pain ca pan teretem nuhu' ta napari', ma' ta hehe pin hwe ta napari'. Ma' ta querec pin' xujuhu' pain ca om hohot mahu' ma', pain ca wap xim xuhu' ca' napari' quem.

Romanos 6:14

Om ta hwara' opa mami' cuhu' ca caracat wa. Xi tomi' mami' cuhu' Iri' Jam pain ca tomi' ha' jein ca xirao' nucun Moisés, ma' ta hohot mahu' ma' cuhu' ta. Tomi' ca' pin nuhu': Howa e' xine pain ca quep xiho' xuhu' ca', pain ca xiram pa' e' xuhu' pain ca to' hohot pin xuhu' ca' nuhu'.

Gálatas 3:10

Ane om ac i ma' ne cocon oro wari' co howa e' nanain ca tomi' ha' pan nucucun ne. Main tomi' noro toton pan nonon Iri' Jam, wap xuhu' ta nonon. Xi xirao' pe ara xine pain capijacon Iri' Jam ta: Oro wari' co om tomi' ha' cara pi' pin nanain oro ca ara je toton pain ca xirao' nucun Moisés ca', tomi' noro toton, main wap toton ta, ac i ma' na ca xirao' pe xine pain capijacon Iri' Jam ta.

Gálatas 4:9

Ane querec pin' hun Iri' Jam pain xocori ca' ne. Xirao' ca' e' xita', wirico Iri' Jam pan na co querec pin' nuhu' ta, ac i ma' xira ca xirao' ta' ca'. Je ca tomi' querec xuhu' ca': Para in hwet xin hwein warahu' quem? Ma' na ca in hwet ac hwein warahu' pain ca tomi' ha' ximama' mami' hwein oro ca howa ximama' hwe pain macan' ca'? Xi quep xiho' taxi' cucuhu' ta. Om ca hwara' opa ne quem. Para tomi' ha' ximama' mami' xixin na hwein oro ca howa ximama' nuhu' ma' quem?