Gálatas 4:2 - Tradução Bíblica Pacaas Novos

² Ma' nana wari' co querec wet nonon pain ca pije' pije' wet ca ma', ma' nana co querec wet nanain caramaxicon cote ca quem. Querec wet querec wet ca' nonon, maqui' pa' ac con na xec nein ca wara coromicat an pe xo' ca cote ca pane, pain ca hwara' pin iri tara panxita' cwa' ne, cut pan ac cain tara caramaju, mene ac cain tara quem ca pane.

Gálatas 4:2 Iomraidhean Croise

João 15:7

Mo ta win cwere cara mahu', mo ta to ho' cara cuhu' oro ca tomi' ne quem, na ac cuhu' tara pain ca tomi' hun Te ma', pain ca mi' xut hun pain oro carawa ca param hwe ma'. Mi' mi' pi' pin ac cuhu' pain tara quem.

1 Coríntios 4:15

Mija paxi' tatara oro co ca' na nunuhu' ma', pain ca howa hun Cristo ma'. Ma' 10.000 paxi' tatara, ane om mija caca co te hwe ma' ne. Xica' pe ina. Ac ca te mahu' na, xi wata' ara ne co pijim' mi' cain' nuhu' pain capijacon Iri' Jam con Jeju pain ca to' witan xim cuhu' pane. Howa ac hun na Cristo Jeju.

Gálatas 3:24

Ac i ma' na ca querec wet caparut ca xirao' nucun Moisés pain ca om maqui' querec ca Cristo pane. Hu naparut, tomi' xo' naparut, xuruxut xo' je ta naparut. Pain xocori ca' iri na ne, pain ca maqui' pin ca Cristo cwa', to' hohot pin ac caparut na, xi om ne ca howa pan ara xut con ta.

Gálatas 4:1

Je ca tomi' xuhu' ca', pain ca mana panxica Iri' Jam iri' ca'. Noro jun panxica wari' co caramaju ma'. Main cut tarain oro caramaxicon cote ca. Pain ca pije' pije' wet nucun ma', main cut tain paxi' nain oro caramaxicon cote ca. Ane om cut querec cain ne. An xiho' e' nonon oro wari' co taramaja mi' e' nonon cote ca.

Gálatas 4:3

Ac i ma' paxi' iri' pain ca om witan querec iri' pane. Ac hwijima' iri', tomi' ha' ximama' e' irin oro ca howa ximama' iri' pain macan' ca'. Om ca tomi' in pin ac xin.