Gálatas 4:16 - Tradução Bíblica Pacaas Novos

¹⁶ Cain' cain' xihwe quem? Tomi' xo' inuhu' pain capijacon Iri' Jam ca iri'o' ca', pain ca hu xuhu' ca'. Je ca noc pin mahu' pain xocori ca' ra?

Gálatas 4:16 Iomraidhean Croise

João 7:7

Om paxi' na ca noc cucuhu' oro wari' co om tomi' ha' nonon Iri' Jam. Ane noc cacapa' ne. Xi om ne ca pan to' ara tain taraxicocon pain ca pan teretem nucucun ta.

João 8:45

Je ca om howa mahu' pain ca tomi' iri'o' xuhu' ca'.

Gálatas 2:14

Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.

Gálatas 2:5

Om ca ha' camain' urut cocon. Ma' ta om wanan xine ca pijim' mixein wa pain ca pijim' iri'o' wa ta urut cocon. Ma' ta howa cara hwein capijacon Iri' Jam ca iri'o' con Jeju ta urut pahu' quem.

Gálatas 4:15

Tomi' querec te tamana mahu' pain ca pe ho' xuhu' pane. Xiram pa' tamana mahu', taxi' inuhu' pane. Mo xi ha' cuhu', horohot mi' ximahu' pain tucuhu' pane, ac i ma' na ca tomi' querec te mahu' pane. Ma' carawa ca ara nuhu' pain xocori ca' quem? Para tomi' querec te tomi' querec te om pin mahu' quem?

Gálatas 4:17

Om ca ara xo' caca caram ma' co jain jain nunuhu' ma', pain ca tomi' ha' jein oro ca xirao' nucun Moisés ta cucuhu' ma'. Quep xiho' xim paxi' nunuhu', ane om quep xiho' iri'o' cucuhu' ne. Param e' nunuhu' pain ca noc pin mahu', param nunuhu' pain ca to ni ca' mahu'. Ma' ta tomi' querec te e' maparut ta nunuhu'.

Gálatas 5:7

Hohot paxi' hwe pain ca ja' ja' hun Cristo pain cara pane. Ma' co to' i'ina nuhu' pain xocori ca' quem? Ma' co tomi' tomi' na pin nuhu' pain ca tomi' ha' tomi' ha' om pin hwein capijacon Iri' Jam con Jeju ca iri'o' ma' quem?