Gálatas 4:13 - Tradução Bíblica Pacaas Novos

¹³ Mam' pe wet mahu' pain ca xo' pijim' mi' ten qui' xuhu' pain capijacon Iri' Jam ca tomi' hwet napari' con Jeju quem? Caxi ina pane. Je ca mon pe ho' xuhu', pijim' ac xuhu' na pane.

Gálatas 4:13 Iomraidhean Croise

Mateus 4:23

Jeju ma', xut mao ac cain na oro xijein cidade pain Galileia ma'. Ca' na pe nain oro xirim ca cut in xucucun oro win judeu urut quem. Pijim' mi' tata pain capijacon Iri' Jam ma', pain ca taramaxicon pe ho' pin xim cuhu' Iri' Jam ta tococwa ma'. Quep xio ac tococwa na oro wari' pain oro xijein ca caxi nucucun quem.

Atos 16:6

Pijim' mama' xin oro xijein cidade pain Ásia ta paxi' na Paulo cocon oro win ma' ca ma', ane tomi' caho' pan cocon Tamataracon Iri' Jam ne. Om ta pijim' mama' hwein Ásia me nonon, na ra ac xucucun na, xuruxut mama' ac cacain na oro cidade pain Frígia je pain Galácia ma'.

1 Coríntios 2:3

Om ca hwara' opa ta' pain ca pe ho' qui' xuhu' pane. Jin' inain ca pijim' ximao wa pane. Ac ca pijim' cocoroc tamana ta' na pahu' pane.

2 Coríntios 10:10

Ma' ara xi' nana oro win ma' nuhu' co coromicat mi' ac i ma' nanapa' ma'. Pan to' e' nain ca taraju wa pain oro ca xirao' nucun, tomi' carapita e' na pain ca hu capari' ta. Hwet iri napari' ne, hehe ac ca na, xi pijim' xo' taxi' capari' ta, ac i ma' na ca tomi' caca ma'.

2 Coríntios 11:30

Ac ca na e' ne na pain ca tomi' xec xec ta' ca'. Je i ma' ira, tomi' hwet xica' pe e' xuhu' pain oro ca mam' to' querec pin' mahu' pain ca om hwara' opa ne ta.

2 Coríntios 11:6

Am i'ina ta' pain ca tomi' ta' ca', pain ca pijim' tain capijacon Iri' Jam ca'. Ane taxi' tain ne. Taraju pa' inain quem. Wara querec pin' ara xi' maparut pain oro ca taraju pa' nuxut ca', je pain oro ca ara nuxut pain oro xijein xec pane.

2 Coríntios 13:4

Iri'o' paxi' na ca om an hwet pe cain ca hwara' opa nucun Cristo pain ca tatatain mi' qui' tocwa pain pana pane, ane mam' e' mami' ca pain ca hwara' opa pan nucun Iri' Jam ne. Ac i ma' urut quem. Om paxi' na ca hwara' opa pan urut pain ca win cwere urut con Cristo cwa', ane mam' e' wi urut con pain ca hwara' opa nucun Iri' Jam ne. Mi' ac caparut tara pain ca hwara' opa nucun pain ca quep xiho' xim urut pahu' quem.

Gálatas 1:6

Wa inuhu' pain ca an pe hap pin hun Iri' Jam ma', co tora' nuhu' pane. Om xi tora' cuhu', ane xiram pa' e' cuhu' Cristo ne. Je xi om howa ni ca' hwein capijacon Iri' Jam ca tomi' hwet napari' con Cristo quem? Ac ca howa hwein na xijein topac ca tomi' hwet napari' con Cristo ta!

Gálatas 4:12

Je ca tomi' xuhu' ca' xere, jain jain ina pain ca tomi' mip xuhu' ca'. An xiho' xine pain ca om jain jain mami' tain oro ca tomi' ha' xine ca xirao' nucun Moisés ca'. Win ne ca an xiho' xuhu' pain ca om judeu nuhu' pane, pain ca om jain jain hwein ca tomi' ha' xine ca xirao' nucun Moisés pane. Tomi' querec te tamana paxi' mahu' pain cara pane.

Gálatas 4:14

To' i'ina tamana paxi' inuhu' pain ca caxi ne pane. Ane om tomi' napat mahu' ne, om ca noc camain' mahu' pane. Tomi' querec te e' mahu'. Ac ca tomi' querec te hun jam co taramaja mi' non Iri' Jam na pain ca tomi' querec te mahu' pane. Ac ca tomi' querec te hun Cristo Jeju na, ac i ma' na ca tomi' querec te mahu' pane.

Gálatas 4:18

Awi paxi' na pain ca tomi' querec te huhun oro wari' co quep xiho' iri'o' xim nunuhu'. Win ne ca tomi' querec te mahu' pain ca pe ho' pe ho' wet xuhu' pane. Param inuhu' pain ca tomi' querec te ac i ma' mahu' pain ca om pe ho' xuhu' ca' quem.