Gálatas 4:12 - Tradução Bíblica Pacaas Novos

¹² Je ca tomi' xuhu' ca' xere, jain jain ina pain ca tomi' mip xuhu' ca'. An xiho' xine pain ca om jain jain mami' tain oro ca tomi' ha' xine ca xirao' nucun Moisés ca'. Win ne ca an xiho' xuhu' pain ca om judeu nuhu' pane, pain ca om jain jain hwein ca tomi' ha' xine ca xirao' nucun Moisés pane. Tomi' querec te tamana paxi' mahu' pain cara pane.

Gálatas 4:12 Iomraidhean Croise

Atos 21:21

Taraju nanain xaji' pum quem. Ca' nana co xina nana pum: Pijim' pan tem na Paulo ta nenem. Pijim' pan tem tata oro win ma' nexi' pain ca judeu iri' ca' nenem. An pe pin jein ca xirao' nucun Moisés ta. Ta wac xirac hwein taparinain ca xirac nucucun mana panxihwe me, ta an xiho' mami' huhun oro hwanana nexi' me ta, pijim' ac i ma' pijim' ac i ma' pi' pin tata oro win ma' nexi' co to ho' nonon co om judeu nana ma', ac i ma' na ca xina caca pum.

2 Coríntios 2:5

Win ma' nuhu' co caracat ma' iri na ne, om ca ja' tomi' xaxa' e' capa', om na. Ja' tomi' xaxa' ja' tomi' xaxa' pi' pin nuhu' quem. Ac je paxi' na, ac ca ja' tomi' xaxa' ja' tomi' xaxa' pi' pin cuhu' na.

2 Coríntios 6:11

Je ca tomi' xuhu' ca', pain ca to hwein Corinto ma'. Om ca tomi' capijacon e' urut pahu' pain ca tomi' hwet urut pahu' pain ca coromicat nuxut ca', pain ca om noc camain' urut pahu' ca'.

2 Coríntios 6:13

Win urut pahu', tomi' inuhu' pain ca ac ca mana panxita' xuhu' ne ca'. Tomi' querec te tamana xut me inuhu'.

Gálatas 2:14

Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.

Gálatas 4:11

Toron tamana napa' xumu pahu' ta. Am taramaja ximao ta' pain ca pijim' xuhu' ca'.

Gálatas 4:13

Mam' pe wet mahu' pain ca xo' pijim' mi' ten qui' xuhu' pain capijacon Iri' Jam ca tomi' hwet napari' con Jeju quem? Caxi ina pane. Je ca mon pe ho' xuhu', pijim' ac xuhu' na pane.

Gálatas 6:14

Wata' iri na ne, noc inain ca xec xec wa. Ac ca xec xec e' ta' na pain ca tomi' querec te ton Taramaxicon nexi' Jeju Cristo pain ca mi' pin caho' capari' pain pana pane. Ac ca xec xec e' tain na panaxicon ta. Horoman pin napa' oro caramaji macan' ca', horoman pin napa' oro ca param ximama' wa ca' quem. Ac ca cono' ca' capa' na, xi win xumu mami' tain ta.

Gálatas 6:18

Param inon Taramaxicon nexi' Jeju Cristo pain ca quep xiho' cuhu' ma' xere, pain ca mi' e' cuhu' pain ca param nucun pain iri' xumuhu' ta. Amém, iri'o' na ca tomi' ne ta. Je i ca' ca xirao' ne ca'.