Gálatas 3:8 - Tradução Bíblica Pacaas Novos

⁸ Je ca xirao' pe xine ca wara coromicat an pe xo' nucun Iri' Jam pane: Mo ta howa cacapa' oro wari' co om judeu nana ma', to' hohot pin ac toton tara ta. Je ca tomi' con Abraão ma' quem: Param mi' toton pain ca awi wa oro wari' pain oro xijein macan' pum ta non.

Gálatas 3:8 Iomraidhean Croise

João 19:37

Ma' na wirain ca xirao' pe nein capijacon Iri' Jam ca tomi' ca' quem: Noro totoron co xucun' tape pin caca pain quit. Ac i ma' na wirain ca xirao' pe xine capijacon Iri' Jam con Jeju.

João 7:38

Win ne ca xirao' pe xine capijacon Iri' Jam ca': Wari' co howa napa', weweweo qui' ac nein ximicon tara ca hoi hoi ne com ca mi' nain ca e' cara wa ta na ca xirao' pe nein na ca tomi' tococwa ma'.

João 7:42

Xi xirao' pe ara ne capijacon Iri' Jam ta. Tomi' pe ca' na: Winacon Davi tara Cristo. Pan' pe tarain Belém ta, je iri' macaracon Davi ca pe pan ca pane na ca xirao' pe xine capijacon Iri' Jam ta nana.

Atos 2:35

Aram aram maqui' pa' ac quem tara xec nein ca to' quiji' pin toton ta' co noc nenem ma'. Mi' ac xim tara pain ca taramaxicon pe ho' cara momon ta, ac i ma' na ca xirao' nucun Davi pane.

Romanos 9:17

Je ca xirao' pe xine capijacon Iri' Jam pain ca tomi' con Faraó cara pane. Ca' na ca xirao' pe xine con pane: Je ca mi' xim pain ca taramaxicon wa ca'. Ma' ta an hwet pe tain ca hwara' opa ne pum ta inem. Ma' ta tomi' hwet tomi' hwet pi' pin cacain wuxu oro wari' pain oro xijein macan' ta ina quem, ac i ma' na ca tomi' con Faraó Iri' Jam pane.

Romanos 9:30

Je ca tomi' xuhu' ca': Oro win ma' nuhu' pain ca om judeu hwe ma', om paxi' na ca win xumu cacain ca awi wa pain ca to' hohot pin tococwa ma'. Ane to' hohot pin pan cocon Iri' Jam ne, xi om ne ca howa ara cocon Jeju ta.

Gálatas 3:16

Ac i ma' na ca tomi' pe nucun Iri' Jam con Abraão pane quem. Wum, winam co main pan' ta' ma', tomi' pe mi' inuhu' pain ca param mi' xuhu' pain ca awi wa ta non pane. Om ca tomi' ac i ca' con: Tomi' pe inem cocon waram winam co main camara' xi' nana ma', om ca xirao' pe ac i ma' ne pain capijacon pane. Xi mija caca waram winacon co tomi' mi' ca pane ta. Tomi' ca' e' non: Tomi' pe inem con winam co main pan' ta' ma' ta non. Xica' pe na winacon co tomi' mi' ca, wirico Cristo ta.

Gálatas 3:22

Ane xirao' pe ca' xine capijacon Iri' Jam ne: Caracat caracat pi' pin nana oro wari' ta napari'. Ac ca quep xat capari' na ca hwara' opa nein ca caracat wa. Ma' ta ara mi' xuhu' pain ca wara tomi' pe mi' xuhu' ca' napari' Iri' Jam. Mo ta howa hun Jeju Cristo, ara mi' ac xuhu' tara pain ca wara tomi' pe mi' xuhu' ca' napari'.

Gálatas 4:30

Ane ma' ne ca xirao' pe xine pain capijacon Iri' Jam cocon ne. Cain' ca tomi' capari' cocon quem? Tomi' ca' napari': Tomi' mo pin ram cam ma' co taramaja mi' e' non xucun wari' ma'. Tomi' mo pin ron cawinacam quem. Xi om ne ca ma' ara ca cawinacam co om taramaja mi' e' non xucun wari' ta. Om ta cut wi camain' cacain caramaxicon cote caca, ac i ma' na ca xirao' an pe xine pain capijacon Iri' Jam.

Hebreus 4:2

Taraju ara xi' irin capijacon Iri' Jam pain ca to' witan xuhu' ta capari' quem. Win caca oro hwanana nexi' pane. Taraju paxi' nanain, ane om howa cacain ne. Je ca om ja' tomi' querec te ac tococwa pain oro ca taraju cacain pane.

Apocalipse 11:15

On ac cain na caji taracom xucun jam co taramaja mi' non Iri' Jam, ma' 7 pin ac caca na co on nanain ma'. On iri nain ne, taraju ac toton na co tomi' mip to nanain pawin ma'. Tomi' ac i ca' nana: Taramaxicon pin na Iri' Jam co Taramaxicon ne iri' cwa'. Taramaxicon pin na Cristo co tora' pan ca quem. Wirico Iri' Jam na co taramaxicon pe ho' taramaxicon pe ho' pi' pin toton nonon oro wari' pain oro xijein macan'. Taramaxicon cara tara quem. Ac i ma' na ca tomi' mip caca ma'.